ಕುಂದಗೋಳ: ಬಳೇಬಾಳ ಗ್ರಾಮಕ್ಕಿಲ್ಲ ಸಮರ್ಪಕ ಸಾರಿಗೆ, ಗ್ರಾಮಸ್ಥರಿಂದ ಬಸ್ ತಡೆದು ಪ್ರತಿಭಟನೆ
ಕುಂದಗೋಳ: ಕಳೆದ ಒಂದು ವರ್ಷದಿಂದ ತಮ್ಮ ಗ್ರಾಮಕ್ಕೆ ಸರಿಯಾದ ಬಸ್ ವ್ಯವಸ್ಥೆ ಮಾಡುವಂತೆ ಸಾರಿಗೆ ನಿರ್ವಾಹಕರಿಗೆ ಮನವಿ ಮಾಡಿ ಬೇಸತ್ತ ಕುಂದಗೋಳ ತಾಲೂಕಿನ ಬಿಳೇಬಾಳ ಗ್ರಾಮಸ್ಥರು ಇಂದು ಏಕಾಏಕಿ ಬಿಳೇಬಾಳ ಗ್ರಾಮಕ್ಕೆ ಬಂದ ಸಾರಿಗೆ ಬಸ್ ತಡೆದು ಪ್ರತಿಭಟನೆ ನಡೆಸಿದರು.
ಬಿಳೇಬಾಳ ಗ್ರಾಮಕ್ಕೆ ಈ ಮೊದಲಿದ್ದ ಸಮರ್ಪಕ ಬಸ್ ಸೇವೆಯನ್ನು ಕೊರೊನಾ ಸಂದರ್ಭದಲ್ಲಿ ಕಡಿತಗೊಳಿಸಲಾಗಿದ್ದು, ಮರಳಿ ಶಾಲಾ ಕಾಲೇಜು ವಿವಿಧ ಉದ್ಯೋಗ ಸಂಸ್ಥೆ ಆರಂಭವಾದ್ರೂ ಸಮರ್ಪಕ ಬಸ್ ಸೇವೆ ಸಿಗದ ಪರಿಣಾಮ ವಿದ್ಯಾರ್ಥಿಗಳ ಹಾಗೂ ಗ್ರಾಮದ ನಾಗರೀಕರು ಬಸ್ ತಡೆದು ಪ್ರತಿಭಟನೆ ಕೈಗೊಂಡರು.
ಗ್ರಾಮಸ್ಥರ ಪ್ರತಿಭಟನೆ ಅರಿತು ಕುಂದಗೋಳ ಸಾರಿಗೆ ನಿರ್ವಾಹಕರು ಮತ್ತೊಂದು ಬಸ್ ಒದಗಿಸಿ ಎಲ್ಲ ಪ್ರಯಾಣಿಕರ ಸಂಚಾರಕ್ಕೆ ಅವಕಾಶ ಮಾಡಿಕೊಟ್ಟಿದ್ದಾರೆ. ಸದ್ಯ ಸಮಸ್ಯೆ ಸರಿಹೋಗಿದೆ ಮುಂಬರುವ ದಿನಗಳಲ್ಲಿ ಸಮರ್ಪಕ ಬಸ್ ಸೇವೆ ಸಿಗದಿದ್ದಲ್ಲಿ ಮತ್ತೆ ಪ್ರತಿಭಟನೆ ಮಾಡುತ್ತೇವೆ ಎಂದು ಗ್ರಾಮಸ್ಥರು ಎಚ್ಚರಿಕೆ ನೀಡಿದ್ದಾರೆ.
Kshetra Samachara
09/09/2021 12:24 pm
ಸಂಬಂಧಿತ ಸುದ್ದಿ
LOADING...
