ತೀವ್ರ ಚರ್ಚೆಗೆ ಗ್ರಾಸವಾದ ಫಡ್ನವೀಸ್-ರಾವತ್ ಭೇಟಿ
ಮುಂಬೈ: ಮಹಾರಾಷ್ಟ್ರದಲ್ಲಿ ಸದಾ ಬಿಜೆಪಿಯನ್ನು ಬೆಂಬಲಿಸುತ್ತಿದ್ದ ಶಿವಸೇನೆ ಇದೇ ಮೊದಲ ಬಾರಿಗೆ ಬಿಜೆಪಿಯ ಸಂಘ ತೊರೆದಿದೆ. ಮಿತ್ರ ಪಕ್ಷಗಳಂತಿದ್ದ ಎರಡೂ ಪಕ್ಷಗಳು ಇದೀಗ ಹಾವು-ಮುಂಗುಸಿಯಂತಾಗಿವೆ.
ಶಿವಸೇನೆಯವರು ಬಿಜೆಪಿ ಮೇಲೆ ಬಿಜೆಪಿಯವರು ಶಿವಸೇನೆ ಮೇಲೆ ಆರೋಪ ಪ್ರತ್ಯಾರೋಪ ಮಾಡುತ್ತಲೇ ಇದ್ದಾರೆ. ಇದರ ಮಧ್ಯೆ ಮಹಾರಾಷ್ಟ್ರದ ಬಿಜೆಪಿ ಮುಖಂಡ ಹಾಗೂ ಮಾಜಿ ಮುಖ್ಯಮಂತ್ರಿ ದೇವೆಂದ್ರ ಫಡ್ನವೀಸ್ ಅವರು, ಶಿವಸೇನೆ ನಾಯಕ ಸಂಜಯ್ ರಾವತ್ ಅವರನ್ನು ಭೇಟಿಯಾಗಿ, ಗುಟ್ಟಾಗಿ ಮೀಟಿಂಗ್ ನಡೆಸಿರುವುದು ರಾಜ್ಯ ರಾಜಕೀಯ ವಲಯದಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿದೆ.
ಫಡ್ನವೀಸ್ ಮತ್ತು ರಾವತ್ ಮುಂಬೈನ ಹೊರವಲಯದಲ್ಲಿರುವ ಹೋಟೆಲ್ನಲ್ಲಿ ಭೇಟಿಯಾದ ವಿಚಾರ ಹೊರಬೀಳುತ್ತಿದ್ದಂತೆ ಅನೇಕ ಊಹಾಪೋಹಗಳು ಎದ್ದಿವೆ. ಇವರಿಬ್ಬರ ಭೇಟಿ ಬಗ್ಗೆ ಮಾತುಕತೆಗಳು ಹೆಚ್ಚಾಗುತ್ತಿದ್ದಂತೆ ಮಹಾರಾಷ್ಟ್ರದ ಬಿಜೆಪಿಯ ಮುಖ್ಯ ವಕ್ತಾರ ಕೇಶವ್ ಉಪಾಧ್ಯೆ ಸ್ಪಷ್ಟನೆ ನೀಡಿದ್ದಾರೆ.
ದೇವೇಂದ್ರ ಫಡ್ನವೀಸ್ ಹಾಗೂ ಸಂಜಯ್ ರಾವತ್ ಅವರ ಭೇಟಿ ಯಾವುದೇ ರಾಜಕೀಯ ಉದ್ದೇಶಕ್ಕಾಗಿ ಅಲ್ಲ. ಶಿವಸೇನೆ ಮುಖವಾಣಿ ಸಾಮ್ನಾಕ್ಕಾಗಿ ಫಡ್ನವೀಸ್ ಅವರನ್ನು ಸಂದರ್ಶನ ಮಾಡಲು ಸಂಜಯ್ ರಾವತ್ ಇಚ್ಛಿಸಿದ್ದಾರೆ. ಈ ಬಗ್ಗೆ ಚರ್ಚೆ ಮಾಡುವುದಕ್ಕೋಸ್ಕರವಷ್ಟೇ ಪೂರ್ವಭಾವಿಯಾಗಿ ಇವರಿಬ್ಬರೂ ಭೇಟಿಯಾಗಿದ್ದರು ಎಂದು ತಿಳಿಸಿದ್ದಾರೆ.
ಬಿಹಾರ ಚುನಾವಣೆ ಮುಗಿದ ಬಳಿಕ ಸಂದರ್ಶನ ಕೊಡುವುದಾಗಿ ಫಡ್ನವೀಸ್ ಹೇಳಿದ್ದಾಗಿ ಉಪಾಧ್ಯೆ ಮಾಹಿತಿ ನೀಡಿದ್ದಾರೆ.
PublicNext
26/09/2020 11:04 pm
ಸಂಬಂಧಿತ ಸುದ್ದಿ
LOADING...
