ಕಾಬೂಲ್ ಶಿಕ್ಷಣ ಕೇಂದ್ರದಲ್ಲಿ ಬಾಂಬ್ ಸ್ಫೋಟ ಕೇಸ್‌: 53 ಮಂದಿ ಸಾವು
ಕಾಬೂಲ್: ಅಫ್ಘಾನಿಸ್ತಾನದ ರಾಜಧಾನಿ ಕಾಬೂಲ್‌ನ ಹಜಾರಾ ಕ್ವಾರ್ಟರ್‌ನಲ್ಲಿ ಶುಕ್ರವಾರದ ತರಗತಿಯ ಬಾಂಬ್ ಸ್ಫೋಟದಿಂದ ಸಾವಿಗೀಡಾದವರ ಸಂಖ್ಯೆ ಏರಿಕೆ ಆಗಿದೆ. ಈ ಸ್ಫೋಟದಲ್ಲಿ 46 ಹುಡುಗಿಯರು ಸೇರಿ 53 ಮಂದಿ ಸಾವನ್ನಪ್ಪಿದ್ದಾರೆ ವಿಶ್ವಸಂಸ್ಥೆ ಸೋಮವಾರ ತಿಳಿಸಿದೆ.
ಈ ಸಂಬಂಧ ಟ್ವೀಟ್ ಮಾಡಿರುವ ಯುಎನ್ ಮಿಷನ್, ಕಾಬೂಲ್‌ನ ಹಜಾರಾ ಕ್ವಾರ್ಟರ್‌ನಲ್ಲಿ ಸೆಪ್ಟೆಂಬರ್ 30 (ಶುಕ್ರವಾರ) ತರಗತಿಯಲ್ಲಿ ಬಾಂಬ್ ಸ್ಫೋಟಗೊಂಡಿತ್ತು. ಈ ದುರ್ಘಟನೆಯಲ್ಲಿ 53 ಮಂದಿ ಸಾವನ್ನಪ್ಪಿದ್ದು, ಕನಿಷ್ಠ 46 ಹುಡುಗಿಯರು ಮತ್ತು 110 ಯುವತಿಯರು ಗಾಯಗೊಂಡಿದ್ದಾರೆ. ನಮ್ಮ ಮಾನವ ಹಕ್ಕುಗಳ ತಂಡವು ಅಪರಾಧ ದಾಖಲಿಸುವುದನ್ನು ಮುಂದುವರೆಸಿದೆ ಎಂದು ತಿಳಿಸಿದೆ.
ಇಲ್ಲಿಯವರೆಗೆ ಸ್ಫೋಟ ಮತ್ತು ಸಾವುನೋವುಗಳ ಕುರಿತು ಯಾವುದೇ ಹೆಚ್ಚುವರಿ ವಿವರಗಳಿಲ್ಲ. ಸ್ಫೋಟದ ಕುರಿತು ತಾಲಿಬಾನ್ ಅಧಿಕಾರಿಗಳು ಇನ್ನೂ ಹೇಳಿಕೆ ನೀಡಿಲ್ಲ. ಈ ದಾಳಿಯಲ್ಲಿ ಸಂಸ್ಥೆಯ ಸುಮಾರು 100 ವಿದ್ಯಾರ್ಥಿಗಳು ಸಾವನ್ನಪ್ಪಿದ್ದಾರೆ ಎಂದು ಅನೇಕ ಮಾಧ್ಯಮ ವರದಿಗಳಿವೆ, ಆದಾಗ್ಯೂ, ಅಫ್ಘಾನಿಸ್ತಾನದ ಯುಎನ್ ಮಿಷನ್ ಕಾಬೂಲ್‌ನಲ್ಲಿರುವ ತನ್ನ ಮಾನವ ಹಕ್ಕುಗಳ ತಂಡಗಳು ಹಜಾರಾ ನೆರೆಹೊರೆಯಲ್ಲಿನ ಕಾಲೇಜು ದಾಳಿಯ ನಿಖರವಾದ ದಾಖಲೆಯನ್ನು ಸ್ಥಾಪಿಸಲು ಸಹಾಯ ಮಾಡುತ್ತಿದೆ ಎಂದು ಹೇಳಿದೆ.
PublicNext
03/10/2022 08:37 pm
ಸಂಬಂಧಿತ ಸುದ್ದಿ
LOADING...
