ಕೋವಿಡ್-19 ಸೋಂಕಿನಿಂದ ಗುಣಮುಖರಾಗುತ್ತಿರುವ ವ್ಯಕ್ತಿಗಳು ಚೇತರಿಕೆಯ ಹಂತದಲ್ಲಿ ಅನೋಸ್ಮಿಯಾ (Anosmia) ಅಥವಾ ವಾಸನೆಯನ್ನು ಗ್ರಹಿಸಲು ಅಸಮರ್ಥರಾಗುವ ಲಕ್ಷಣಗಳನ್ನು ಪ್ರಕಟಿಸಿದ್ದು ಇದು ವೈದ್ಯರು ಹಾಗೂ ಸಂಶೋಧಕರನ್ನು ಚಕಿತಗೊಳಿಸುತ್ತಿದೆ.

ಪ್ರಾರಂಭದಲ್ಲಿ ಅತಿ ಕಡಿಮೆ ವ್ಯಕ್ತಿಗಳಲ್ಲಿ ಈ ಬಗೆಯ ಲಕ್ಷಣ ಪ್ರಕಟಗೊಂಡಿರುವುದನ್ನು ಗಮನಿಸಲಾಗಿತ್ತು ಹಾಗೂ ಇದನ್ನು ಚೇತರಿಕೆಯ ಲಕ್ಷಣ ಎಂದು ಖಚಿತವಾಗಿ ಪರಿಗಣಿಸಲಾಗಿರಲಿಲ್ಲ.

ಆದರೆ ವಿಶ್ವದಾದ್ಯಂತ ಈ ಲಕ್ಷಣವನ್ನು ಚೇತರಿಕೆಯ ಪ್ರಮುಖ ಲಕ್ಷಣವಾಗಿ ಪರಿಗಣಿಸಲಾಗುತ್ತಿದೆ.

ಕೆಲವು ವ್ಯಕ್ತಿಗಳಿಗೆ ಘ್ರಾಣ ಶಕ್ತಿ ಮತ್ತು ನಾಲಿಗೆಯ ರುಚಿಯ ಶಕ್ತಿ ಇಷ್ಟು ಮಟ್ಟಿಗೆ ಕುಂದುತ್ತದೆ ಎಂದರೆ ಇವರು ತಮ್ಮ ಮೊದಲ ಘ್ರಾಣಶಕ್ತಿ ಮತ್ತು ಜಿಹ್ವಾಶಕ್ತಿಗಳನ್ನು ಸಾಮಾನ್ಯ ಮಟ್ಟಕ್ಕೆ ಮರಳಿ ಪಡೆಯಲು ತಿಂಗಳುಗಳೇ ಬೇಕಾಗುತ್ತವೆ.

COVID ಮತ್ತು ಘ್ರಾಣಶಕ್ತಿ ಮತ್ತು ಜಿಹ್ವಾಶಕ್ತಿ ಇಲ್ಲವಾಗುವಿಕೆ

ಘ್ರಾಣಶಕ್ತಿ ಉಡುಗುವಿಕೆ, ಇದು ಕೋವಿಡ್ ರೋಗಿಯ ಸಾಮಾನ್ಯ ಆಹಾರದ ರುಚಿಯನ್ನು ಗ್ರಹಿಸುವ ಸಾಮರ್ಥ್ಯದ ಮೇಲೆ ಪರಿಣಾಮ ಬೀರಬಹುದು, ಈ 'ಸೌಮ್ಯ' COVID ರೋಗಲಕ್ಷಣವನ್ನು ಅನುಭವಿಸುವ ಜನರಿಗೆ ಸಾಕಷ್ಟು ದುರ್ಬಲಗೊಳಿಸುವಂತೆ ಮತ್ತು ನಿರಾಶಾದಾಯಕವಾಗಿರುತ್ತದೆ.

ಇದರ ಹೊರತಾಗಿಯೂ, ಅನೇಕ ತಜ್ಞರು ವಾಸನೆ ಅಥವಾ ರುಚಿಯನ್ನು ಗ್ರಹಿಸಲು ಎದುರಾಗುವ ಅಸಮರ್ಥತೆ ಹಾಗೂ ಇದರೊಂದಿಗೆ ಹಸಿವೂ ಇಲ್ಲವಾಗುತ್ತಿರುವುದು ಎದುರಾದರೆ ಸೋಂಕು ಕಡಿಮೆಯಾಗುತ್ತಿರುವ ಉತ್ತಮ ಸಂಕೇತವಾಗಿದೆ ಎಂದು ಪರಿಗಣಿಸುತ್ತಾರೆ.

ಏಕೆಂದರೆ ಇದು COVID-19 ನ ಇತರ ಮಾರಕ ಲಕ್ಷಣಗಳಾದ ಉಸಿರಾಟ ಮತ್ತು ಉರಿಯೂತದ ದಾಳಿ ಮೊದಲಾದ ಲಕ್ಷಣಗಳನ್ನು ರೋಗಿಗಳು ಅನುಭವಿಸದಂತೆ ರಕ್ಷಿಸುತ್ತದೆ.

ಘ್ರಾಣಶಕ್ತಿ ಮತ್ತು ಜಿಹ್ವಾಶಕ್ತಿಯನ್ನು ಸಂಪೂರ್ಣವಾಗಿ ಕಳೆದುಕೊಂಡ ರೋಗಿಗಳಿಗೆ ಇದರ ಜೊತೆಗೇ ಹೊಟ್ಟೆಯಲ್ಲಿ ಸೆಡೆತ, ಅತಿಸಾರ ಮೊದಲಾದ ಜಠರ ಮತ್ತು ಕರುಳುಗಳಿಗೆ ಸಂಬಂಧಿಸಿದ ತೊಂದರೆಗಳೂ ಕಾಣಿಸಿಕೊಳ್ಳಬಹುದು ಎಂದು ಕೋವಿಡ್ ರೋಗಿಗಳಿ ಚಿಕಿತ್ಸೆ ನೀಡುತ್ತಿರುವ ವೈದ್ಯರು ತಿಳಿಸುತ್ತಾರೆ.

ಈ ಸೋಂಕು ಈಗಾಗಲೇ ವಿಶ್ವದಾದ್ಯಂತ ಸುಮಾರು ಐದೂವರೆ ಕೋಟಿ ಜನರಿಗೆ ಆವರಿಸಿದೆ.

ಪ್ರಸ್ತುತ ಘ್ರಾಣಶಕ್ತಿ ಮತ್ತು ಜಿಹ್ವಾಶಕ್ತಿ ಉಡುಗಿದರೆ ಇದನ್ನು ಹಿಂಪಡೆಯಲು ವೈದ್ಯಕೀಯ ಚಿಕಿತ್ಸೆ ಲಭ್ಯವಿಲ್ಲ.

ಆದರೆ ಈ ವ್ಯಕ್ತಿಗಳಿಗೆ ಈ ತೊಂದರೆ ಎದುರಾಗುವ ಮೂಲಕ ದೇಹವೇ ಬೇರಾವುದೋ ಭಾರೀ ಅಪಾಯದಿಂದ, ವಿಶೇಷವಾಗಿ ಶ್ವಾಸವ್ಯವಸ್ಥೆಯ ಆಘಾತ (severe respiratory attacks) ದಿಂದ ರಕ್ಷಿಸುತ್ತದೆ.

ಸಾಮಾನ್ಯವಾಗಿ ಕೋವಿಡ್ ಸೋಂಕು ಎದುರಾದ ಎರಡನೆಯ ವಾರದಲ್ಲಿ ಈ ಲಕ್ಷಣ ಕಂಡುಬರುತ್ತದೆ.

ಭಾರತೀಯ ವೈದ್ಯರ ಪ್ರಕಾರ

ಕೋವಿಡ್ ಸೋಂಕಿನ ಸೂಚನೆ ಮತ್ತು ಲಕ್ಷಣಗಳನ್ನು ಕೂಲಂಕಶವಾಗಿ ಅಧ್ಯಯನ ಮಾಡುತ್ತಿರುವ ಭಾರತೀಯ ವೈದ್ಯರ ಪ್ರಕಾರ ಕೋವಿಡ್ ಸೋಂಕಿಗೆ ಒಳಗಾಗಿದ್ದು ತೀವ್ರ ನಿಗಾ ಘಟಕ (ICU)ದಲ್ಲಿ ಚಿಕಿತ್ಸೆಯ ಅವಶ್ಯಕತೆ ಇದ್ದು ತೀವ್ರದಿಂದ ಮಧ್ಯಮ ಮಟ್ಟದ ಲಕ್ಷಣಗಳನ್ನು ಪ್ರಕಟಿಸುತ್ತಿರುವ ರೋಗಿಗಳಲ್ಲಿ ಥಟ್ಟನೇ ಘ್ರಾಣಶಕ್ತಿ ಅಥವಾ ಜಿಹ್ವಾಶಕ್ತಿ ಉಡುಗಿರುವ ಲಕ್ಷಣ ಕಂಡುಬಂದರೆ ಇದನ್ನು ವೈದ್ಯರು 'prognosis' ಅಥವಾ ಚೇತರಿಕೆಯ ಒಳ್ಳೆಯ ಲಕ್ಷಣವೆಂದು ಪರಿಗಣಿಸುತ್ತಾರೆ ಹಾಗೂ COVID-19 ಸೋಂಕಿನಿಂದ ಚೇತರಿಸಿಕೊಳ್ಳಲು ದೇಹ ಪ್ರಕಟಿಸುವ ಸೌಮ್ಯ ಲಕ್ಷಣವೂ ಆಗಿದೆ.

ಘ್ರಾಣಶಕ್ತಿ ಮತ್ತು ಜಿಹ್ವಾಶಕ್ತಿ ಇಲ್ಲವಾಗುವಿಕೆಯ ಅನುಭವ ಹೇಗಿರುತ್ತದೆ?

40% ರಷ್ಟು ಕೋವಿಡ್ ರೋಗಿಗಳು ತಮ್ಮ ಘ್ರಾಣಶಕ್ತಿ ಮತ್ತು ಜಿಹ್ವಾಶಕ್ತಿ ಉಡುಗಿರುವುದು ಅಥವಾ ಸಂಪೂರ್ಣವಾಗಿ ಇಲ್ಲವಾಗಿರುವುದರ ಲಕ್ಷಣಗಳನ್ನು ಪ್ರಕಟಿಸುತ್ತಾರೆ.

ಕೆಲವು ರೋಗಿಗಳಿಗೆ ಬದಲಾದ ಘ್ರಾಣಶಕ್ತಿ ಮತ್ತು ಜಿಹ್ವಾಶಕ್ತಿ ಸಾಮಾನ್ಯ ಜೀವನದ ಮೇಲೆ ಪ್ರಬಲ ಪರಿಣಾಮ ಉಂಟುಮಾಡಬಹುದು. ಅಂದರೆ ಈ ವ್ಯಕ್ತಿಗಳು ಆಹಾರದ ರುಚಿ ಮತ್ತು ಸಾಮಾನ್ಯ ವಾಸನೆ ಪಡೆಯಲಾಗದೇ ಚಡಪಡಿಸುವಂತಾಗುತ್ತದೆ.

ಖಾರ, ಸಿಹಿ, ಹುಳಿ ಮೊದಲಾದವು ನಾಲಿಗೆಯ ಮೇಲೆ ಯಾವುದೇ ಪರಿಣಾಮ ಉಂಟು ಮಾಡಬಹುದು ಹಾಗೂ ಈ ಆಹಾರಗಳನ್ನು ತಿನ್ನಲು ಇಷ್ಟವಾಗದೇ ಹೋಗಬಹುದು.

ಹಾಗಾಗಿ ಇವರಿಗೆ ಆಹಾರ ಸೇವನೆಯಲ್ಲಿಯೇ ಆಸಕ್ತಿ ಇಲ್ಲವಾಗಿ ಅಗತ್ಯ ಆಹಾರ ಸೇವಿಸದೇ ಅಪೌಷ್ಟಿಕತೆ ಎದುರಾಗಬಹುದು.

ರುಚಿಯೇ ಇಲ್ಲದ ಆಹಾರವನ್ನು ಸೇವಿಸುವುದಾದರೂ ಹೇಗೆ?

ಕೆಲವು ರೋಗಿಗಳಲ್ಲಿ, ಘ್ರಾಣಶಕ್ತಿ ಇಲ್ಲವಾಗುವಿಕೆ ತನ್ನ ದೇಹದ ಯಾವುದೋ ಸಾಮರ್ಥ್ಯವನ್ನೇ ಕಸಿದುಕೊಂಡಂತಹ ಅನುಭವ ಎದುರಾಗುತ್ತದೆ.

ಈ ಭಾವನೆ ಹೆಚ್ಚು ದಿನ ಮುಂದುವರೆದಷ್ಟೂ ಭಾವನಾತ್ಮಕವಾಗಿ ವ್ಯಕ್ತಿಯ ಆತ್ಮವಿಶ್ವಾಸವನ್ನೂ ಕುಂದಿಸಬಹುದು.

ಆದರೂ, ಘ್ರಾಣಶಕ್ತಿ ಮತ್ತು ಜಿಹ್ವಾಶಕ್ತಿ ಇಲ್ಲವಾಗುವಿಕೆ ಚೇತರಿಕೆಯ ಆರೋಗ್ಯಕರ ಸೂಚನೆಯೇ ಆಗಿದೆ.

ತಜ್ಞರ ವಿವರಣೆ

SARS-COV-2 ನಿಂದ ಉಂಟಾಗುವ COVID-19 ಸೋಂಕು ಎದುರಾದ ದಿನದಿಂದ 5-10 ದಿನಗಳ ಬಳಿಕ ಸೋಂಕಿನ ಲಕ್ಷಣಗಳು ಹೆಚ್ಚು ತೀವ್ರಗೊಳ್ಳಲು ಪ್ರಾರಂಭಿಸುತ್ತದೆ. ಈ ದಿನಗಳಲ್ಲಿ ರೋಗಿ ಎದುರಿಸುವ ತೊಡಕುಗಳು ಮತ್ತು ತೀವ್ರತೆಯ ಚಿಹ್ನೆಗಳನ್ನು ಗಮನಿಸುವುದು ಮುಖ್ಯ.

ಅವುಗಳಲ್ಲಿ ಪ್ರಮುಖವಾದ ಲಕ್ಷಣ ಎಂದರೆ ಉಸಿರಾಟದ ತೊಂದರೆ. ಅಂದರೆ ರೋಗಿ ಉಸಿರಾಡಲು ಹೆಚ್ಚು ಕಷ್ಟಪಡುತ್ತಿರುವಂತೆ ಅನ್ನಿಸುತ್ತದೆ.

ಇದರ ಜೊತೆಗೇ ಎದೆಯ ಭಾಗದಲ್ಲಿ ನೋವು, ಆಮ್ಲಜನಕದ ಕೊರತೆ, ತಲೆ ಭಾರ ಎನಿಸುವುದು, ಉಸಿರು ಪಡೆಯಲು ಕಷ್ಟಕರ ಎನಿಸುವುದು ಮೊದಲಾದವು ಸ್ಪಷ್ಟ ಸೂಚನೆಗಳಾಗಿವೆ.

ಅಂದರೆ ಈ ವೈರಸ್ ದೇಹದ ಮುಖ್ಯ ಅಂಗಗಳ ಮೇಲೆ ಧಾಳಿ ಎರಗಿರುವುದೇ ಇದಕ್ಕೆ ಕಾರಣವಾಗಿದೆ.

ಮುಖ್ಯವಾಗಿ ಕೋವಿಡ್ ಸೋಂಕು ಧಾಳಿ ಎರಗುವ ಅಂಗ ಎಂದರೆ ಶ್ವಾಸಕೋಶ. ಇದೇ ಕಾರಣಕ್ಕೆ ಕೋವಿಡ್ ಸೋಂಕಿಗೆ ಎದುರಾದ ವ್ಯಕ್ತಿಗಳಿಗೆ ಆಮ್ಲಜನಕವನ್ನು ನೀಡಬೇಕಾಗುತ್ತದೆ.

ಒಂದು ವೇಳೆ ಈ ರೋಗಿಗಳಿಗೆ ಇದಕ್ಕೂ ಮುನ್ನ ಶ್ವಾಸಕೋಶದ ಕಾಯಿಲೆ ಇರುವ ವ್ಯಕ್ತಿಗಳಿಗೆ ಈ ಸೋಂಕು ಇನ್ನಷ್ಟು ಘಾಸಿಗೊಳಿಸುವಂತೆ ಮಾಡುತ್ತದೆ.

ದೇಹದ ರೋಗ ನಿರೋಧಕ ವ್ಯವಸ್ಥೆಯು ತನ್ನಿಂತಾನೇ ಪ್ರಾರಂಭಗೊಳ್ಳುವಾಗ COVID-19 ಸೋಂಕಿಗೆ ಕಾರಣವಾಗಿರುವ ಸೈಟೋಕೀನ್ ಆಘಾತ ( cytokine storm) ದ ಸಂಕೇತವೂ ಆಗಿರಬಹುದು ಮತ್ತು ಆಗಾಗ ಅಂಗಗಳ ಹಾನಿ ಮತ್ತು ವೈಫಲ್ಯಕ್ಕೂ ಕಾರಣವಾಗಬಹುದು.

ಈಗ, ಆರೋಗ್ಯಕರ ಚೇತರಿಕೆಯ ಚಿಹ್ನೆಗಳನ್ನು ಪ್ರಕಟಿಸುವ ಅಥವಾ ಸೌಮ್ಯವಾದ ಸೋಂಕಿನಿಂದ ಬಳಲುತ್ತಿರುವ ಹೆಚ್ಚಿನ ರೋಗಿಗಳು ಆರಂಭಿಕ ವಾರದಲ್ಲಿಯೇ ಚೇತರಿಕೆಯ ಲಕ್ಷಣಗಳನ್ನು ಪ್ರಕಟಿಸಲು ಪ್ರಾರಂಭಿಸುತ್ತಾರೆ.

ಈ ರೋಗಿಗಲಿಗೆ ಗಂಟಲ ನೋವು ಅಥವಾ ಕೆಮ್ಮು ಅಥವಾ ಘ್ರಾಣಶಕ್ತಿ ಇಲ್ಲವಾಗುವಿಕೆ ಮೊದಲಾದ ಸೋಂಕಿನಿಂದ ಚೇತರಿಸಿಕೊಳ್ಳುತ್ತಿರುವ ಸಾಕಷ್ಟು ಸೌಮ್ಯವಾದ ಲಕ್ಷಣಗಳನ್ನೂ ಪ್ರಕಟಿಸಬಹುದು.

ಅಂದರೆ ಇದು ಆರೋಗ್ಯಕರ ಚೇತರಿಕೆಯ ಲಕ್ಷಣವಾಗಿರಹುದೇ?

ಒಂದು ವೇಳೆ ದೇಹದಲ್ಲಿ ಅತಿಯಾದ ಬಿಸಿ ಅಥವಾ ಇದಕ್ಕೆ ಸರಿಸಮನಾದ ಇತರ ಸಾಮಾನ್ಯವಾದ ಸೋಂಕಿನ ಲಕ್ಷಣಗಳು ಇಲ್ಲದೇ ಈ ಲಕ್ಷಣಗಳು ಮಾತ್ರವೇ ಕಂಡುಬಂದರೆ, ಇದನ್ನು ಆರೋಗ್ಯಕರ ಚೇತರಿಕೆಯ ಲಕ್ಷಣ ಎಂದು ಖಚಿತವಾಗಿ ಪರಿಗಣಿಸಬಹುದು.

ಹಾಗೂ ಹೋಲಿಕೆಯಲ್ಲಿ ನಿಮ್ಮ ದೇಹ ಸುಲಭವಾಗಿ ಚೇತರಿಸಿಕೊಳ್ಳುತ್ತಿದೆ ಎಂದೂ ಪರಿಗಣಿಸಬಹುದು.

ಅಚ್ಚರಿ ಎಂದರೆ, ವಾಸನೆ ಮತ್ತು ರುಚಿಯನ್ನು ಗ್ರಹಿಸುವ ಕ್ಷಮತೆ ಇಲ್ಲವಾಗುವುದುವು COVID-19 ರೋಗಿಗಳಿಗೆ ಸಕಾರಾತ್ಮಕ ಚೇತರಿಕೆಯ ಸೂಚಕವಾಗಿರಬಹುದು ಎಂಬುದನ್ನು ಸೂಚಿಸುವ ಮತ್ತೊಂದು ಅಧ್ಯಯನವೂ ಇದೆ.

ಘ್ರಾಣ ಇಂದ್ರಿಯಗಳು ವೈರಸ್ಸಿನ ಧಾಳಿಯಿಂದ ಚೇತರಿಸಿಕೊಳ್ಳುತ್ತವೆ ಮತ್ತು ಪುನರುತ್ಪಾದನೆಯಾಗುವುದರಿಂದ, ಅವು ಕೆಲವು ಸಂವೇದನೆಗಳನ್ನು ತಪ್ಪಾಗಿ ಅರ್ಥೈಸುತ್ತವೆ ಮತ್ತು ವಾಸನೆ ಮತ್ತು ರುಚಿಯ ಬದಲಾದ ಅರ್ಥವನ್ನು ಅನುಭವಿಸುವಂತೆ ಮಾಡುತ್ತದೆ.

ಈಗ ಈ ಶಕ್ತಿಗಳು ಚೇತರಿಸಿಕೊಳ್ಳುವವರೆಗೂ ನಿಮ್ಮ ಸಾಮಾನ್ಯ ಘ್ರಾಣಶಕ್ತಿಯನ್ನು ಮರಳಿ ಪಡೆಯಲು ಸ್ವಲ್ಪ ಸಮಯವಂತೂ ಬೇಕಾಗುತ್ತದೆ.

ಘ್ರಾಣಶಕ್ತಿ ಮತ್ತು ಜಿಹ್ವಾಶಕ್ತಿ ಇಲ್ಲವಾಗುವಿಕೆಯಿಂದ ಚೇತರಿಸಿಕೊಳ್ಳಲು ಎಷ್ಟು ಸಮಯ ಬೇಕಾಗುತ್ತದೆ?

ಕೆಲವು ರೋಗಿಗಳಿಗೆ, ಈ ಲಕ್ಷಣಗಳು ಸುಧಾರಿಸಲು ಮತ್ತು ಚೇತರಿಕೆಯ ಪ್ರಗತಿ ಪೂರ್ಣಗೊಳ್ಳಲು ಒಂದು ವಾರದಿಂದ ಒಂದು ತಿಂಗಳು ಅಥವಾ ಅದಕ್ಕೂ ಹೆಚ್ಚಿನ ಸಮಯ ಬೇಕಾಗಬಹುದು.

ಈ ಶಕ್ತಿಗಳು ಬದಲಾಗಿರುವ ಕಾರಣ ರೋಗಿಗೆ ಸಾಮಾನ್ಯವಾಗಿ ಆಹಾರ ಸೇವಿಸಲು ಕಷ್ಟವಾಗಿದ್ದರೆ ಘ್ರಾಣಶಕ್ತಿಯ ತರಬೇತಿಯಂತಹ (smell training) ಚಿಕಿತ್ಸೆಗಳಲ್ಲಿ ತೊಡಗಿಸಿಕೊಳ್ಳುವುದನ್ನು ಸಹ ಪರಿಗಣಿಸಬಹುದು.

ರೋಗಿಗಳು ಗಮನಿಸಬೇಕಾದ ಲಕ್ಷಣಗಳು ಯಾವುವು?

ಘ್ರಾಣಶಕ್ತಿ ಮತ್ತು ಜಿಹ್ವಾಶಕ್ತಿ ಇಲ್ಲವಾಗುವಿಕೆಯೇ ಕೋವಿಡ ನ ಏಕಮಾತ್ರ ಚೇತರಿಕೆಯ ಲಕ್ಷಣ ಎಂದು ಪರಿಗಣಿಸಲಾಗದು.

ಆದರೆ ಇದರೊಂದಿಗೆ ಬೇರೆ ಪ್ರಮುಖ ಲಕ್ಷಣಗಳು ಇಲ್ಲದಿದ್ದಲ್ಲಿ, ಅಂದರೆ ಉದಾಹರಣೆಗೆ ತೀವ್ರ ಜ್ವರ, ಕಟ್ಟಿಕೊಂಡಿರುವ ಮೂಗು, ಸತತ ಕೆಮ್ಮು, ಉಸಿರಾಟದ ತೊಂದರೆ ಮೊದಲಾದವು ಇಲ್ಲದಿದ್ದಲ್ಲಿ ಅಥವಾ ಅತಿ ಸೌಮ್ಯ ಮಟ್ಟದಲ್ಲಿ ಕಂಡುಬಂದರೆ ಇವನ್ನು ಖಚಿತ ಲಕ್ಷಣವೆಂದು ಪರಿಗಣಿಸಬಹುದು.

ಒಂದು ವೇಳೆ ಕೋವಿಡ್ ಸೋಂಕು ಇನ್ನೂ ಮುಂದುವರೆಯುತ್ತಿದ್ದರೆ ಈ ಕೆಳಗಿನ

ಲಕ್ಷಣಗಳಿವೆಯೇ ಎಂದು ಗಮನಿಸಿ:

ಒಂದೇ ಚಿಹ್ನೆಯಂತೆ, ವಾಸನೆ ಮತ್ತು ಅಭಿರುಚಿಯ ನಷ್ಟವನ್ನು ಏಕೈಕ COVID ಚಿಹ್ನೆ ಎಂದು ಗುರುತಿಸುವುದು ಕಷ್ಟ. ಜ್ವರ, ಸೈನಸ್ ಮತ್ತು ಮೂಗಿನ ದಟ್ಟಣೆಯ ಕೆಲವು ಸಂದರ್ಭಗಳಲ್ಲಿ ಇದು ಸ್ವಲ್ಪ ಮಟ್ಟಿಗೆ ಕಂಡುಬರುತ್ತದೆ.

ನೀವು COVID-19 ಅನ್ನು ಅನುಮಾನಿಸಿದರೆ ಅಥವಾ ಯಾವುದೇ ರೀತಿಯಲ್ಲಿ ವೈರಸ್ಗೆ ಒಡ್ಡಿಕೊಂಡಿದ್ದರೆ, ಈ ಕೆಳಗಿನ ಚಿಹ್ನೆಗಳಿಗಾಗಿ ನೋಡಿ

-ಏಕಾ ಏಕಿ ಎದುರಾಗುವ ಘ್ರಾಣಶಕ್ತಿ ಇಲ್ಲವಾಗುವಿಕೆ ಅಥವಾ ದುರ್ಬಲಗೊಳ್ಳುವಿಕೆ.

-ಜಠರ ಮತ್ತು ಕರುಳಿನ ತೊಂದರೆಗಳನ್ನು ಅನುಭವಿಸುವುದು

-ಅತಿಸಾರ

-ಕಟ್ಟಿಕೊಂಡಿರುವ ಮೂಗು

ಈ ಯಾವುದೇ ಸಮಸ್ಯೆಗಳು 3ದಿನಗಳಿಗಿಂತಲೂ ಹೆಚ್ಚು ಕಾಲ ಮುಂದುವರೆದರೆ ಆದಷ್ಟೂ ಬೇಗ ನೀವು ಕೋವಿಡ್ ಸೋಂಕಿಗೆ ಒಳಗಾಗಿರುವ ಬಗ್ಗೆ ಪರೀಕ್ಷೆಯನ್ನು ಮಾಡಿಸಿಕೊಳ್ಳುವುದು ಅಗತ್ಯವಾಗುತ್ತದೆ.

ಕೃಪೆ: ವಿ.ಕ