ಮೊಳಕಾಲ್ಮೂರು: ರಸ್ತೆ ಒಕ್ಕಲುತನ ಮಾಡದಂತೆ ರೈತರಿಗೆ ಜಾಗೃತಿ ಮೂಡಿಸಿದ ಪಿಎಸ್ಐ ಪಾಂಡುರಂಗಪ್ಪ
ಮೊಳಕಾಲ್ಮೂರು: ತಾಲೂಕಿನ ನಾನಾ ಗ್ರಾಮಗಳಲ್ಲಿ ರಸ್ತೆ ಒಕ್ಕಲುತನ ಮಾಡುವ ಪ್ರಕ್ರಿಯೆ ಹೆಚ್ಚಾಗಿ ವಾಹನ ಸವಾರರ ಸುಗಮ ಸಂಚಾರಕ್ಕೆ ಅಡ್ಡಿಯಾಗಿರುವುದನ್ನು ಮನಗಂಡ ಪಿಎಸ್ ಐ ಪಾಂಡುರಂಗಪ್ಪ ರಸ್ತೆಯಲ್ಲಿ ಒಕ್ಕಲುತನ ಮಾಡದಂತೆ ರೈತರಿಗೆ ಜಾಗೃತಿ ಮೂಡಿಸಿ ರೈತರ ಮನವೊಲಿಕೆ ಮಾಡಲು ಮುಂದಾಗಿದ್ದಾರೆ.
ತಾಲೂಕಿನ ಕೋನಸಾಗರ, ಕೊಂಡ್ಲಹಳ್ಳಿ, ಮೊಗಲಹಳ್ಳಿ, ಸುಲೇನಹಳ್ಳಿ, ಬಾಂಡ್ರಾವಿ, ತಮ್ಮೇನಹಳ್ಳಿ, ಆಮಕುಂದಿ, ರಾಯಾಪುರ, ತುಮೂಕೂರ್ಲಹಳ್ಳಿ ಭಾಗಗಳ ಮುಖ್ಯ ರಸ್ತೆಗಳಲ್ಲಿ ಹೆಚ್ಚಾಗಿ ರಸ್ತೆ ಒಕ್ಕಲುತನ ನಡೆಯುತ್ತಿದೆ. ಈ ಸ್ಥಳಗಳಿಗೆ ಭೇಟಿ ನೀಡಿದ ಪಿಎಸ್ ಐ ಪಾಂಡುರಂಗಪ್ಪ, ರಸ್ತೆ ಒಕ್ಕಲುತನದಿಂದ ವಾಹನ ಸವಾರರಿಗೆ ಅಡಚಣೆ ಉಂಟಾಗಿದೆ. ಅಪಘಾತಗಳು ಸಂಭವಿಸುತ್ತವೆ, ಹುರುಳಿ ಬಳ್ಳಿಯು ವಾಹನಗಳಿಗೆ ಸಿಲುಕಿ ಅಗ್ನಿ ಅವಘಡ ಸಂಭವಿಸಿ ವಾಹನಗಳು ಸುಟ್ಟು ಹೋಗುತ್ತಿವೆ. ಹಾಗಾಗಿ ಯಾವುದೇ ಕಾರಣಕ್ಕೂ ರಸ್ತೆಯಲ್ಲಿ ಒಕ್ಕಲುತನ ಮಾಡಬಾರದು ಎಂದು ರೈತರಿಗೆ ತಿಳಿ ಹೇಳಿದರು.
PublicNext
05/02/2025 04:52 pm
ಸಂಬಂಧಿತ ಸುದ್ದಿ
LOADING...
