ಶಿವಮೊಗ್ಗ: ಬಿಜೆಪಿಯವರು ಗಾಂಧಿಯನ್ನು ಕೊಂದ ಗೋಡ್ಸೆ ದೇವಸ್ಥಾನವನ್ನು ಕಟ್ಟಿ ಸಂಭ್ರಮಿಸುತ್ತಾರೆ - ಕಾಂಗ್ರೆಸ್ ಆರೋಪ
ಶಿವಮೊಗ್ಗ: ಅಹಿಂಸೆಯ ಮೂಲಕ ಭಾರತಕ್ಕೆ ಸ್ವಾತಂತ್ರ‍್ಯವನ್ನು ತಂದುಕೊಟ್ಟ ಮಹಾತ್ಮ ಗಾಂಧಿಯವರು ಅಸಂಖ್ಯಾತ ಜೀವಗಳನ್ನು ಉಳಿಸುವ ಮೂಲಕ ಜಗತ್ತೇ ಕೊಂಡಾಡುವಂತೆ ನಡೆದುಕೊಂಡರು. ಆದರೆ, ಬಿಜೆಪಿಯವರು ಇಂಥ ಮಹಾತ್ಮ ಗಾಂಧಿಯನ್ನು ಕೊಂದ ಘೋಡ್ಸೆಯ ದೇವಸ್ಥಾನವನ್ನು ಕಟ್ಟಿ ಸಂಭ್ರಮಿಸುತ್ತಾರೆ. ಸಾವರ್ಕರ್ ಎಂದು ಕುಣಿಯುತ್ತಾರೆ. ಆದರೆ, ನಾವು ಗಾಂಧಿ ಮಾರ್ಗದಲ್ಲಿ ಅವರ ವಿಚಾರಧಾರೆಗಳಿಂದ ಪ್ರಭಾವಿತರಾಗಿ ಸಾಗಬೇಕಾಗಿದೆ ಎಂದು ಶಿವಮೊಗ್ಗ ಜಿಲ್ಲಾ ಕಾಂಗ್ರೆಸ್ ಸಮಿತಿಯ ಅಧ್ಯಕ್ಷ ಆರ್.ಪ್ರಸನ್ನಕುಮಾರ್ ಹೇಳಿದರು.
ಶಿವಮೊಗ್ಗ ಜಿಲ್ಲಾ ಕಾಂಗ್ರೆಸ್ ಸಮಿತಿಯ ಕಚೇರಿಯಲ್ಲಿ ಇಂದು ಬೆಳಿಗ್ಗೆ ಹಮ್ಮಿಕೊಂಡಿದ್ದ ಮಹಾತ್ಮ ಗಾಂಧೀಜಿ ಪುಣ್ಯಸ್ಮರಣೆ ಕಾರ್ಯಕ್ರಮದಲ್ಲಿ ಗಾಂಧಿ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಸಲ್ಲಿಸಿ ಮಾತನಾಡಿದ ಅವರು, ಇವತ್ತು ಗಾಂಧೀಜಿ ಹತ್ಯೆಯಾದ ದಿನ. ಭಾರತದ ಸ್ವಾತಂತ್ರ‍್ಯದಲ್ಲಿ ಅವರ ಪಾತ್ರ ಮಹತ್ತರವಾದುದು. ಅವರು ಅಹಿಂಸೆಯ ಮಾರ್ಗ ತುಳಿಯದಿದ್ದಿದ್ದರೆ ಲಕ್ಷಾಂತರ ಭಾರತೀಯರ ಮಾರಣ ಹೋಮ ನಡೆದುಹೋಗುತ್ತಿತ್ತು. ಗಾಂಧೀಜಿಯವರ ಜೀವನವೇ ಒಂದು ಮಹಾಪಾಠ. ಆ ಪಾಠದ ಪ್ರಭಾವಕ್ಕೆ ನಾವು ಒಳಗಾದರೆ ಸಾಕು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.
ಇಂಥ ಮಹಾತ್ಮ ಗಾಂಧೀಜಿಯನ್ನು ಜಗತ್ತೇ ಕೊಂಡಾಡುವ ಸಂದರ್ಭದಲ್ಲಿ ಬಿಜೆಪಿ ಮನೋಸ್ಥಿತಿಯ ನಾಥೂರಾಮ್ ಘೋಡ್ಸೆ ಗಾಂಧೀಜಿಯನ್ನು ಕೊಂದು ಸಾವರ್ಕರ್ ಮಾರ್ಗದರ್ಶನದಲ್ಲಿ ಮೆರೆದಾಡುತ್ತಾನೆ. ಇಂಥ ಘೋಡ್ಸೆಯ ದೇವಸ್ಥಾನವನ್ನು ಕಟ್ಟಿ ಬಿಜೆಪಿಯವರು ಸಂಭ್ರಮಿಸುತ್ತಿರುವುದು ದುರಂತ ಎಂದರು.
Kshetra Samachara
30/01/2025 07:16 pm
ಸಂಬಂಧಿತ ಸುದ್ದಿ
LOADING...
