ಹುಬ್ಬಳ್ಳಿ: ಆಮೆಗತಿಯಲ್ಲಿ ಸಾಗ್ತಿದೆ ಹುಬ್ಬಳ್ಳಿ ಫ್ಲೈ ಓವರ್ ಕಾಮಗಾರಿ, ಜನರಿಗೆ ಧೂಳಿನಿಂದ ಮುಕ್ತಿ ಯಾವಾಗ..? ಜನನಾಯಕರೇ ನೋಡಿ ಇತ್ತ...
ಹುಬ್ಬಳ್ಳಿ: ನೋಡ್ರಪ್ಪೋ ನೋಡ್ರಿ.... ನಮ್ ಹುಬ್ಳಿ ಯಾವಾಗ ಉದ್ಧಾರ ಆಗುತ್ತೋ ಏನೊ ಅಂತ್ ಒಂದು ಗೊತ್ತ ಆಗ್ತಿಲ್ರಿ... ಯಾಕಂದ್ರ ಫ್ಲೈ ಓವರ್ ಮಾಡಾಕತ್ತಾರಾ ಒಳ್ಳೆ ಕೆಲಸನ... ಆದ್ರ ಯಾಕ್ರಿ ಲೇಟ್ ಮಾಡ್ತಿದ್ದಿರಿ ಅಂತ ಜನ ನಾಯಕರನ್ನ ಕೇಳಿದ್ರ.... ಝಂಡು ಕಂಪನಿಯವರು ಓಡಿ ಹೋದವರ ಇನ್ನೂ ಬಂದಿಲ್ಲ ಅಂತ ಅದಕ್ ಫ್ಲೈ ಓವರ್ ಕೆಲಸ ಆಗ್ತಿಲ್ಲಾ ಅಂತ ನೆಪಾ ಹೇಳಾಕತ್ತರ ನೋಡ್ರಿ... ಪಾಪ ನಮ್ ಜನಾ ಈ ಫ್ಲೈ ಓವರ್‌ದಿಂದ ಬಾಳ ತೊಂದ್ರೆ ಅನುಭವಸಾಕತ್ತಾರ... ಅಧಿಕಾರಿಗಳು ಈ ಈ ಜನ ನಾಯಕರು ಎಸಿ ಕಾರ್‌ದಲ್ಲಿ ಓಡಾಡ್ತರ ಪಾಪ ಅವರಿಗೆಂಗ ಗೊತ್ತ ಆಗಬೇಕ ಅಲ್ಲ ರೀ... ಫ್ಲೈ ಓವರ್ ಕೆಲಸ ಹೆಂಗ್ ನಡ್ಯಾಕತೈತಿ ಅಂತ ನಾವ್ ತೋರಿಸ್ತೇವಿ ನೋಡಿ..
ಹೆಂಗ್ ನಡದೈತಿ ಅಂತ ನೋಡಿದ್ರೆಲ್ಲ.... ಎಲ್ಲೆ ನೋಡಿದ್ರೂ ಧೂಳು, ತಗ್ಗು, ಅರ್ಧಂಬರ್ಧ ಕೆಲಸ,,,, ಇದು ನೋಡ್ರಿ ನಮ್ ಹುಬ್ಳಿದಾಗ ಫ್ಲೈ ಓವರ್ ಕೆಲಸ... ನಮ್ ಜನಾನೂ ಹೆಂಗ್ ಅಂದ್ರ ಯಾವುದಕ್ ಧ್ವನಿ ಎತ್ತಬೇಕು ಅಂತನ ಗೊತ್ತಿಲ್ಲ.. ಹೆಂಗರ್ ಇರಲಿ ನಾವು ಅಡ್ಜಸ್ಟ್‌ಮೆಂಟ್ ಮಾಡ್ಕೊನ ಅನ್ನೊ ಮನೋಭಾವದವರು ಪಾಪ... ಸ್ಟಾರ್ಟ್ ಆದಾಗಿಂದ ಝಂಡು ಕಂಪನಿಯವರು ಆಮೆಗತಿಯಲ್ಲಿ ಆರಂಭ ಮಾಡಿದ್ರು,,,, ಯಾವಾಗ ಎಎಸ್ಐ ಪೊಲೀಸ್ ಅಧಿಕಾರಿ ಮೇಲೆ ಕಬ್ಬಿಣದ ರಾಡ್ ಬಿದ್ದು ಸಾವನ್ನಪ್ಪಿದ್ರೂ ಅವಾಗ ಊರ ಬಿಟ್ಟು ಹೋದವರು ಈ ಝಂಡು ಕಂಪನಿಯವರು ಇನ್ನೂವರೆಗೂ ಬಂದಿಲ್ಲಾ ನೋಡ್ರಿ... ನಮ್ಮ ಜಿಲ್ಲಾಡಳಿತನೂ ಸುಮ್ನ ಕುಂತಾರ ನೋಡ್ರಿ.... ಅವರಿಗೆ ಫ್ಲೈ ಓವರ್ ಕಾಮಗಾರಿ ಸ್ಟಾರ್ಟ್ ಮಾಡ್ರಿ ಅಂತ ನೋಟಿಸ್ ಕೊಟ್ರೂನೂ ಯಾವುದಕ್ಕೂ ತಲೆ ಕೆಡಿಸ್ಕೊಲಾರದಂಗ ಅರಾಮ ಕುಂತಾರ... ಯಾಕ ಅಂದ್ರ ಯಾರು ಹೇಳೋರಿಲ್ಲ ಕೇಳೋರಿಲ್ಲಾ... ನಮ್ ಜನಾನೂ ಹಾಗೆನೇ ಇರ್ತಾರ... ಜಿಲ್ಲಾ ಉಸ್ತುವಾರಿ ಸಚಿವ ಸಂತೋಷ್ ಲಾಡ್ ಅವರನ್ನು ಫ್ಲೈ ಓವರ್ ಕಾಮಗಾರಿ ಬಗ್ಗೆ ಕೇಳಿದ್ರ ಏನ ಹೇಳ್ತಾರ ಕೇಳಿ.
ಫ್ಲೈ ಓವರ್ ಕೆಲಸಾನ ಹಿಂಗ್ ಅರ್ಧಾಕ್ ಬಿಟ್ಟು ಹೋದ್ರ ಹೆಂಗ್ ನೋಡ್ರಿ... ನಮ್ ಹುಬ್ಳಿದಾಗ ಅದೆಷ್ಟೋ ಸಂಘಟನೆಗಳು ಇದಾವ್... ಒಂದ ಸಾರಿ ಆದ್ರು ಧ್ವನಿ ಎತ್ರಿ.. ಯಾವ ಯಾವದಕ್ಕೋ ಹೋರಾಟ ಮಾಡ್ತಿರಂತ ನಿಮ್ಮ ಹೋರಾಟದಿಂದ ಫ್ಲೈ ಓವರ್ ಕೆಲಸ ಸ್ಟಾರ್ಟ್ ಆಗಿ ಜಲ್ದಿ ಮುಗಸಲಿ... ಆಮೆಗತಿಯಲ್ಲಿನೂ ಈ ಕೆಲಸ ಸಾಗ್ತಿಲ್ಲಾ ನೋಡ್ರಿ... ಚನ್ನಮ್ಮ ಸರ್ಕಲ್, ಐಟಿ ಪಾರ್ಕ್, ಹಳೇ ಕೋರ್ಟ್ ಸರ್ಕಲ್, ಹೊಸೂರ ಸರ್ಕಲ್ ಈ ಭಾಗದಾಗ ಒಂದ ಸಾರಿ ಬೈಕ್‌ ದಾಗ ಹೋದ್ರ ಅಸ್ತಮಾ ಬರೋದ ಮಾತ್ರ ಗ್ಯಾರಂಟಿ ನೋಡ್ರಿ.... ನಮ್ಮ ನಿಮ್ಮೆಲ್ಲ ನೆಚ್ಚಿನ ನಾಯಕರೇ ಫ್ಲೈ ಓವರ್ ಕೆಲಸಾ ಜಲ್ದಿ ಮಾಡಿಸಿ ಪುಣ್ಯ ಕಟ್ಕೊರಿ.
ಈರಣ್ಣ ವಾಲಿಕಾರ, ಪಬ್ಲಿಕ್ ನೆಕ್ಸ್ಟ್ ಹುಬ್ಬಳ್ಳಿ.
ಹುಬ್ಬಳ್ಳಿ-ಧಾರವಾಡ ನೆಕ್ಸ್ಟ್
29/01/2025 06:13 pm
ಸಂಬಂಧಿತ ಸುದ್ದಿ
LOADING...
