ಶಿಗ್ಗಾಂವಿ/ ಹುಬ್ಬಳ್ಳಿ: ಶಾಲೆಯಿಂದ ಅಪಹರಿಸಿ ದಲಿತ ಬಾಲಕನ ಮೇಲೆ ಹಲ್ಲೆ- ಶಿಗ್ಗಾಂವಿ ತಾಲ್ಲೂಕಿನ ತಿಮ್ಮಾಪುರದಲ್ಲಿ ಘಟನೆ
Public Next Exclusive.....
ಶಿಗ್ಗಾಂವಿ/ ಹುಬ್ಬಳ್ಳಿ: ಕ್ಷುಲ್ಲಕ ವಿಚಾರಕ್ಕೆ ದಲಿತ ಬಾಲಕನೋರ್ವನನ್ನು ಶಾಲೆಯಿಂದ ಅಪಹರಣ ಮಾಡಿದಲ್ಲದೇ ಮನಬಂದಂತೆ ಥಳಿಸಿ, ಚಿತ್ರಹಿಂಸೆ ನೀಡಿರುವ ಅಮಾನವೀಯ ಘಟನೆ ಹಾವೇರಿ ಜಿಲ್ಲೆಯ ಶಿಗ್ಗಾಂವಿ ತಾಲೂಕಿನ ತಿಮ್ಮಾಪುರ ಗ್ರಾಮದಲ್ಲಿ ನಡೆದಿದೆ.
ಹೌದು,,,, ನಾಗರಾಜ್ ಶೇಖರ್ ಮೈಸೂರು ಎಂಬಾತನೇ ಹಲ್ಲೆಗೆ ಒಳಗಾದ ವಿದ್ಯಾರ್ಥಿಯಾಗಿದ್ದಾನೆ. ಬೆಳಗ್ಗೆ ಶಾಲೆಗೆ ಹೋಗಿದ್ದಾನೆ. ಏಕಾಏಕಿಯಾಗಿ ಅದೇ ಊರಿನ ಮಂಜುನಾಥ ಬಗಾಡೆ, ಗಣಪತಿ ಗುಣೋಜಿ ಇನ್ನಿತರರು ಸೇರಿಕೊಂಡು ಶಾಲೆಗೆ ನುಗ್ಗಿ ಯಾರ ಅನುಮತಿ ಪಡೆಯದೇ, ಬಾಲಕ ನಾಗರಾಜ ಮೈಸೂರನ್ನು ಅಪಹರಣ ಮಾಡಿದಲ್ಲದೇ, ಮನಬಂದಂತೆ ಥಳಿಸಿ, ಅವಾಚ್ಯವಾಗಿ ನಿಂದಿಸಿ, ಜಾತಿ ನಿಂದನೆ ಮಾಡಿದ್ದಾರಂತೆ. ಅಷ್ಟೇ ಅಲ್ಲದೇ ನಿರ್ಜನ ಪ್ರದೇಶಕ್ಕೆ ಕರೆದುಕೊಂಡು ಹೋಗಿ ಕಂಬಕ್ಕೆ ಕಟ್ಟಿ ಹಾಕಿ ಚಿತ್ರಹಿಂಸೆ ಮಾಡಿದ್ದಾರೆಂದು ಪೋಷಕರು ಆರೋಪಿಸಿದ್ದಾರೆ.
ಇನ್ನು ಹಲ್ಲೆಗೆ ಒಳಗಾದ ವಿದ್ಯಾರ್ಥಿಯನ್ನು ಪೋಷಕರು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸುತ್ತಿದ್ದು, ಈ ಘಟನೆ ತಡಸ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ. ದಲಿತ ಬಾಲಕನನ್ನು ಮೈತುಂಬಾ ಬಾಸುಂಡೆ ಬರೆ ಬೀಳುವಂತೆ ಹೊಡೆದಿದ್ದಾರೆ. ಬಾಲಕನ ಪೋಷಕರು ಜಿಲ್ಲಾ ಮಕ್ಕಳ ರಕ್ಷಣಾ ಅಧಿಕಾರಿಗಳಿಗೆ ದೂರು ಸಲ್ಲಿಸಿದ್ದಾರೆ. ಯಾವುದೇ ಅನುಮತಿ ಇಲ್ದೆ ಶಾಲೆಯಿಂದ ಕರೆದುಕೊಂಡು ಹೋಗಿದ್ದಾರೆಂದು ಶಾಲಾ ಶಿಕ್ಷಕರು ಲಿಖಿತ ರೂಪದಲ್ಲಿ ನೀಡಿದ್ದಾರೆ. ಇಂತಹದೊಂದು ಘಟನೆ ನಡೆದ್ರು ಕೂಡ ತಡಸ್ ಪೊಲೀಸರು ಏನು ಮಾಡ್ತಿದ್ದಾರೆ. ಈ ಬಗ್ಗೆ ಹಾವೇರಿ ಜಿಲ್ಲಾಡಳಿತ ಸೂಕ್ತ ತನಿಖೆ ನಡೆಸಿ ಕ್ರಮ ಜರುಗಿಸಬೇಕಾಗಿದೆ.
ಈರಣ್ಣ ವಾಲಿಕಾರ, ಪಬ್ಲಿಕ್ ನೆಕ್ಸ್ಟ್ ಹುಬ್ಬಳ್ಳಿ.
ಹುಬ್ಬಳ್ಳಿ-ಧಾರವಾಡ ನೆಕ್ಸ್ಟ್
29/01/2025 05:33 pm
ಸಂಬಂಧಿತ ಸುದ್ದಿ
LOADING...
