ಧಾರವಾಡ: ಬುಲೆಟ್ ಎಗರಿಸುವುದೇ ಈತನ ಕಾಯಕ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಧಾರವಾಡ: ಬುಲೆಟ್ ಎಗರಿಸುವುದೇ ಈತನ ಕಾಯಕ

ಧಾರವಾಡ: ಬೈಕ್ ಕಳ್ಳತನ ಮಾಡುವವರಲ್ಲೂ ವಿಭಿನ್ನ ಕಳ್ಳರು ಇರುತ್ತಾರೆ ಎಂಬುದು ಈಗ ಗೊತ್ತಾಗಿದೆ. ಧಾರವಾಡದಲ್ಲಿ ಈಗ ಬುಲೆಟ್‌ಗಳೇ ಟಾರ್ಗೆಟ್ ಆಗುತ್ತಿವೆ.

ಧಾರವಾಡದಲ್ಲೊಬ್ಬ ಖದೀಮ ಕೇವಲ ಬುಲೆಟ್ ಬೈಕ್‌ಗಳನ್ನೇ ಟಾರ್ಗೆಟ್ ಮಾಡಿ ಅವುಗಳನ್ನೇ ಕದ್ದುಕೊಂಡು ಪರಾರಿಯಾಗುತ್ತಿದ್ದಾನೆ. ಧಾರವಾಡದ ರಾಘವೇಂದ್ರ ನಗರದಲ್ಲಿ ಒಂದೇ ದಿನ ಎರಡು ಬುಲೆಟ್‌ಗಳು ಕಳ್ಳತನವಾಗಿವೆ. ಈ ಹಿಂದೆ ಕೂಡ ಧಾರವಾಡದಲ್ಲಿ ಅನೇಕರ ಬುಲೆಟ್ ಬೈಕ್‌ಗಳು ಕಳ್ಳತನವಾಗಿವೆ. ಈಗ ಟಾರ್ಗೆಟ್ ಮಾಡಿಯೇ ಬುಲೆಟ್‌ಗಳನ್ನು ಎಗರಿಸಲಾಗುತ್ತಿದೆ. ಗೇಟ್‌ಗೆ ಕೀಲಿ ಹಾಕಿದರೂ ಕೀಲಿಯನ್ನು ಚಾಣಾಕ್ಷತನದಿಂದ ಮುರಿಯುವ ಖದೀಮ ಆನಂತರ ಬುಲೆಟ್ ಎಗರಿಸಿಕೊಂಡು ಪರಾರಿಯಾಗುತ್ತಿದ್ದಾನೆ. ಇಂತಹ ಖದೀಮನ ಕೈಚಳಕ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

2018ಕ್ಕಿಂತ ಮುಂಚೆ ಬಂದ ಬುಲೆಟ್‌ಗಳನ್ನೇ ಈತ ಟಾರ್ಗೆಟ್ ಮಾಡುತ್ತಾನೆ. ಆನಂತರ ಬಂದ BS6 ಬುಲೆಟ್‌ಗಳು ಡೈರೆಕ್ಟ್ ಸ್ಟಾರ್ಟ್ ಮಾಡಲು ಹೋದರೆ ಅವುಗಳು ಸ್ಟಾರ್ಟ್ ಆಗೋದಿಲ್ಲ. ಹೀಗಾಗಿ 2018ಕ್ಕಿಂತ ಮುಂಚೆ ಮಾರುಕಟ್ಟೆಗೆ ಬಂದ ಬುಲೆಟ್‌ಗಳನ್ನೇ ಈತ ಟಾರ್ಗೆಟ್ ಮಾಡಿ ಕದಿಯುತ್ತಿದ್ದಾನೆ.

ಧಾರವಾಡದ ರಾಘವೇಂದ್ರನಗರದಲ್ಲಿ ಒಂದೇ ದಿನ ರಾತ್ರಿ ಈ ಖದೀಮ ಎರಡು ಬುಲೆಟ್‌ಗಳನ್ನು ಎಗರಿಸಿದ್ದಾನೆ. ಈ ಸಂಬಂಧ ಉಪನಗರ ಠಾಣೆಯಲ್ಲಿ ದೂರು ಕೂಡ ದಾಖಲಾಗಿದೆ. ಸದ್ಯ ಧಾರವಾಡದಲ್ಲಿ ಕೇವಲ ಬುಲೆಟ್‌ಗಳನ್ನೇ ಟಾರ್ಗೆಟ್ ಮಾಡಿ ಕಳವು ಮಾಡುವ ಹೊಸ ತಂಡ ಹುಟ್ಟಿಕೊಂಡಿದ್ದು, ಬುಲೆಟ್ ಮಾಲೀಕರು ತಮ್ಮ ವಾಹನಗಳನ್ನು ಜೋಪಾನವಾಗಿಟ್ಟುಕೊಳ್ಳಬೇಕಿದೆ.

-ಪ್ರವೀಣ ಓಂಕಾರಿ, ಪಬ್ಲಿಕ್ ನೆಕ್ಸ್ಟ್, ಧಾರವಾಡ.

Edited By :