VIDEO: ಕಾಡ್ಗಿಚ್ಚಿನಿಂದ ಲಾಸ್ ಎಂಜಲೀಸ್‌ಗೆ ಭಾರೀ ಲಾಸ್ - ನರಕ ಸದೃಶ ದೃಶ್ಯ
ನ್ಯೂಯಾರ್ಕ್: ಭಾರೀ ಕಾಡ್ಗಿಚ್ಚಿನಿಂದ ಅಮೆರಿಕದ ಲಾಸ್ ಎಂಜಲೀಸ್ ನಗರ ಸಂಪೂರ್ಣ ನಲುಗಿ ಹೋಗಿದೆ. ಸುಮಾರು 50 ಬಿಲಿಯನ್ ಡಾಲರ್‌ಗೂ ಮೀರಿ ನಷ್ಟ ಸಂಭವಿಸಿದೆ.
ಯುನೈಟೆಡ್ ಸ್ಟೇಟ್ಸ್‌ನ ಕೆಲವು ಅತ್ಯಮೂಲ್ಯ ರಿಯಲ್ ಎಸ್ಟೇಟ್ ಸೇರಿದಂತೆ ಈಗಾಗಲೇ ದೊಡ್ಡ ಪ್ರಮಾಣದ ಆಸ್ತಿ ನಷ್ಟಗೊಂಡಿದೆ. ಬೆಂಕಿಯು ಗಮನಾರ್ಹ ದೀರ್ಘಕಾಲೀನ ಆರ್ಥಿಕ ಅಡಚಣೆಗೆ ಕಾರಣವಾಗಬಹುದು ಎಂದು ನಿರೀಕ್ಷಿಸಲಾಗಿದೆ.
ವಾಮಾನ ಮುನ್ಸೂಚನೆ ಸೇವೆಯಾದ ಅಕ್ಯೂವೆದರ್, ಕ್ಯಾಲಿಫೋರ್ನಿಯಾ ಕಾಡ್ಗಿಚ್ಚಿನಿಂದ ಆರ್ಥಿಕ ಹಾನಿಯನ್ನು $ 52 ಬಿಲಿಯನ್ ಮತ್ತು $ 57 ಬಿಲಿಯನ್ ನಡುವೆ ಅಂದಾಜಿಸಿದೆ. ಖಾಸಗಿ ಹವಾಮಾನ ಮುನ್ಸೂಚಕರು ಬೆಂಕಿಯು ಮತ್ತಷ್ಟು ಉಲ್ಬಣವಾದರೆ ಒಟ್ಟು ನಷ್ಟವು ಹೆಚ್ಚಾಗುವ ಸಂಭವ ಇದೆ. ಇದು ಆಧುನಿಕ ಕ್ಯಾಲಿಫೋರ್ನಿಯಾದ ಇತಿಹಾಸದಲ್ಲಿ ಅತ್ಯಂತ ಕೆಟ್ಟ ಕಾಡ್ಗಿಚ್ಚು ಆಗಬಹುದು ಎಂದು ಎಚ್ಚರಿಸಿದ್ದಾರೆ.
ಕಾಡ್ಗಿಚ್ಚಿನಿಂದ ಕನಿಷ್ಠ ಐದು ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ಈಗಾಗಲೇ ಲಕ್ಷಾಂತರ ಜನರನ್ನು ಸ್ಥಳಾಂತರಿಸಲಾಗಿದೆ. ಮಂಗಳವಾರದಿಂದ ಸುಮಾರು 27,000 ಎಕರೆ ಪ್ರದೇಶವನ್ನು ಸುಟ್ಟುಹಾಕಿರುವ ಪಾಲಿಸೇಡ್ಸ್ ಮತ್ತು ಈಟನ್ ಬೆಂಕಿ ಸೇರಿದಂತೆ ಕನಿಷ್ಠ ಏಳು ವಿಭಿನ್ನ ಬೆಂಕಿಗಳಲ್ಲಿ ಹರಡಿರುವ ಜ್ವಾಲೆಗಳಿಂದಾಗಿ 1,37000 ಕ್ಕೂ ಹೆಚ್ಚು ಜನರನ್ನು ಸ್ಥಳಾಂತರಿಸಲಾಗಿದೆ.
PublicNext
09/01/2025 02:24 pm
ಸಂಬಂಧಿತ ಸುದ್ದಿ
LOADING...
