ಹುಬ್ಬಳ್ಳಿ: ಗುಂಡಿ ಮುಕ್ತ ಮಾಡಲು ಎಚ್‌ಡಿಎಂಸಿ ನಿರ್ಧಾರ - 2.23 ಕೋಟಿ ವೆಚ್ಚದಲ್ಲಿ ಪಾಲಿಕೆ ಮಹತ್ವದ ಹೆಜ್ಜೆ..!
ಹುಬ್ಬಳ್ಳಿ: ಹುಬ್ಬಳ್ಳಿ - ಧಾರವಾಡ ಮಹಾನಗರ ಪಾಲಿಕೆ (ಎಚ್‌ಡಿಎಂಸಿ) ತಮ್ಮ ಯೋಜಿತ ವೇಳಾಪಟ್ಟಿಯಂತೆ ಗುಂಡಿ ದುರಸ್ತಿ ಕಾರ್ಯಗಳನ್ನು ಪ್ರಾರಂಭಿಸಲು ಸಜ್ಜಾಗಿದೆ. ಮಳೆ ಮತ್ತು ಇತರ ಹಲವಾರು ಅಂಶಗಳಿಂದಾಗಿ ಪ್ರಮುಖ ರಸ್ತೆಗಳು ಮತ್ತು ಒಳ ರಸ್ತೆಗಳಲ್ಲಿ ಹಲವಾರು ಹೊಂಡಗಳು ಹೊರಹೊಮ್ಮಿವೆ. ಸಾಮಾನ್ಯ ಸಭೆಗಳಲ್ಲಿ ಪಾಲಿಕೆ ಸದಸ್ಯರು ಗುಂಡಿ ದುರಸ್ತಿಗೆ ಪಟ್ಟು ಹಿಡಿದಿದ್ದ ಬೆನ್ನಲ್ಲೇ ಈಗ ಪಾಲಿಕೆ ಗುಂಡಿಗಳನ್ನು ಮುಚ್ಚಲು ಮುಂದಾಗಿದೆ.
ಪಾಲಿಕೆಯ ಸದಸ್ಯರ ಹಾಗೂ ಸಾರ್ವಜನಿಕರ ಮನವಿಗೆ ಸ್ಪಂದಿಸಿ ಎಚ್‌ಡಿಎಂಸಿ ಸಮಗ್ರ ಸಮೀಕ್ಷೆ ನಡೆಸಿ ದುರಸ್ತಿಗೆ ಅಂದಾಜು 2.23 ಕೋಟಿ ರೂ.ಗಳ ಅಂದಾಜು ವೆಚ್ಚವನ್ನು ಲೆಕ್ಕಹಾಕಿ, ನಂತರ ವಲಯವಾರು ಟೆಂಡರ್‌ಗಳನ್ನು ನೀಡಿತ್ತು. ಒಟ್ಟು ಹನ್ನೆರಡು ಟೆಂಡರ್‌ಗಳ ಪೈಕಿ ಎರಡು ವಲಯಗಳಿಗೆ ಗುತ್ತಿಗೆದಾರರಿಗೆ ಕಾಮಗಾರಿ ಆದೇಶ ನೀಡಲಾಗಿದೆ. ಎಚ್‌ಡಿಎಂಸಿ ಸಮೀಕ್ಷೆಯ ಮಾಹಿತಿಯ ಪ್ರಕಾರ, ಹುಬ್ಬಳ್ಳಿ-ಧಾರವಾಡದಲ್ಲಿ 52,722 ಚದರ ಮೀಟರ್‌ಗಳಷ್ಟು ರಸ್ತೆ ಹಾನಿಯಾಗಿದೆ. ಅಕ್ಟೋಬರ್ 21 ರ ಮೊದಲು, ರಿಪೇರಿ 18,612 ಚದರ ಮೀಟರ್‌ಗಳ ಗುಂಡಿಗಳನ್ನು ಮುಚ್ಚಿದೆ, ಆದರೆ 34,109 ಚದರ ಮೀಟರ್‌ಗಳು ಗುಂಡಿಗಳು ಉಳಿದಿವೆ. ಬಾಕಿ ಉಳಿದಿರುವ ದುರಸ್ತಿಗಳನ್ನು ಪೂರ್ಣಗೊಳಿಸಲು ಯೋಜಿತ ವೆಚ್ಚ ರೂ. 2 ಕೋಟಿ 23 ಲಕ್ಷ ರೂ. ಮೀಸಲಿಡಲಾಗಿದೆ.
ಎಲ್ಲೆಂದರಲ್ಲಿ ರಸ್ತೆಗುಂಡಿಗಳಿಂದ ಜನರು ಹೈರಾಣಾಗಿದ್ದು, ಈ ಬಗ್ಗೆ ಪಾಲಿಕೆಯು ಮುತುವರ್ಜಿಯಿಂದ ಗುಂಡಿಗಳನ್ನು ಮುಚ್ಚಲು ಮುಂದಾಗಿದೆ. ಈ ಬಗ್ಗೆ ಸಾಕಷ್ಟು ಬಾರಿಗೆ ನಿಮ್ಮ ಪಬ್ಲಿಕ್ ನೆಕ್ಸ್ಟ್ ವಿಸ್ತೃತ ವರದಿಯನ್ನು ಮಾಡುವ ಮೂಲಕ ಪಾಲಿಕೆಯ ಗಮನಕ್ಕೆ ತಂದಿದ್ದು, ಈಗ ಪಾಲಿಕೆಯು 2.23 ಕೋಟಿ ವೆಚ್ಚದಲ್ಲಿ ರಸ್ತೆ ಗುಂಡಿಯನ್ನು ಮುಚ್ಚುತ್ತಿದೆ. ಈಗಾಗಲೇ ಪ್ರಾಯೋಗಿಕ ಚಾಲನೆ ದೊರೆತಿದ್ದು, ಹೊಸೂರಿನ ಬಳಿಯಲ್ಲಿ ಕಾರ್ಯಾರಂಭ ಮಾಡಿದೆ.
ಒಟ್ಟಿನಲ್ಲಿ ಹುಬ್ಬಳ್ಳಿ ಧಾರವಾಡ ಮಹಾನಗರ ಪಾಲಿಕೆಯು ಜನರ ಸಮಸ್ಯೆಗೆ ಸ್ಪಂದಿಸಲು ಮುಂದಾಗಿರುವುದು ವಿಶೇಷವಾಗಿದೆ. ಆದಷ್ಟು ಬೇಗ ಅವಳಿನಗರವನ್ನು ಗುಂಡಿಮುಕ್ತ ದೂಳು ಮುಕ್ತ ಮಾಡಬೇಕಿದೆ.
ಮಲ್ಲೇಶ್ ಸೂರಣಗಿ ಪಬ್ಲಿಕ್ ನೆಕ್ಸ್ಟ್ ಹುಬ್ಬಳ್ಳಿ
ಹುಬ್ಬಳ್ಳಿ-ಧಾರವಾಡ ನೆಕ್ಸ್ಟ್
21/12/2024 06:57 pm
ಸಂಬಂಧಿತ ಸುದ್ದಿ
LOADING...
