ಉಡುಪಿ: ಶ್ರೀ ಕೃಷ್ಣಮಠ ವತಿಯಿಂದ ಸಂತ್ರಸ್ತರಿಗೆ ಉಪಾಹಾರ, ಭೋಜನ ವ್ಯವಸ್ಥೆ
ಉಡುಪಿ: ನಿನ್ನೆ ಸಂಭವಿಸಿದ ಭಾರೀ ಮಳೆಯ ಪ್ರಭಾವದಿಂದಾಗಿ ಶ್ರೀಕೃಷ್ಣ ಮಠದ ಸುತ್ತಲಿನ ನೆರೆಪ್ರದೇಶಗಳಾದ ಕಲ್ಸಂಕ, ಪಾರ್ಕಿಂಗ್ ಏರಿಯಾ ಮತ್ತು ಬೈಲಕೆರೆಗಳಲ್ಲಿ ಪರ್ಯಾಯ ಶ್ರೀ ಈಶಪ್ರಿಯತೀರ್ಥ ಶ್ರೀಪಾದರ ಆಶಯದಂತೆ ಮಠದ ವ್ಯವಸ್ಥಾಪಕ ಗೋವಿಂದರಾಜ್ ಮತ್ತು ಸ್ಥಳೀಯ ಉದ್ಯಮಿ ಹರೀಶ್ ಬೈಲಕೆರೆಯವರೊಂದಿಗೆ ಮನೆ-ಮನೆಗೆ ತೆರಳಿ, ಸಂತ್ತಸ್ತರ ಯೋಗಕ್ಷೇಮ ವಿಚಾರಿಸಿ, ಬೆಳಗ್ಗಿನ ಫಲಾಹಾರದ ವ್ಯವಸ್ಥೆ ಮಾಡಲಾಯಿತು.
ಇದಲ್ಲದೆ ,ಮಧ್ಯಾಹ್ನ ಎಲ್ಲಾ ಮನೆಗಳಿಗೆ ಜ್ವರ ನಿರೋಧಕ ಕಷಾಯ ವಿತರಿಸಲಾಯಿತು. ಹಾಗೆಯೇ ಮಧ್ಯಾಹ್ನದ ಭೋಜನವನ್ನು ಮನೆ-ಮನೆಗೆ ತಲುಪಿಸುವ ವ್ಯವಸ್ಥೆ ಮಠದ ವತಿಯಿಂದ ಮಾಡಲಾಗಿದೆ.
ಸಂತ್ರಸ್ತರು ಅಪೇಕ್ಷಿಸಿದರೆ ಸಾಯಂಕಾಲದ ಭೋಜನ ಮಠದಿಂದ ನೀಡಲಾಗುವುದು. ಸ್ಥಳೀಯರು ಸುರಕ್ಷಿತರಾಗಿರಬೇಕೆನ್ನುವ ಶ್ರೀಪಾದರ ಆಶಯದಂತೆ ಈ ಎಲ್ಲಾ ಸೇವಾ ಕಾರ್ಯಗಳನ್ನು ಶ್ರೀ ಮಠ ಮಾಡುತ್ತಿದೆ.
Kshetra Samachara
21/09/2020 01:09 pm
ಸಂಬಂಧಿತ ಸುದ್ದಿ
LOADING...
