ಚಿತ್ರಾಪು:"ವಿದ್ಯಾರ್ಥಿಗಳು ಗುರು ತತ್ವವನ್ನು ತಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು": ಡಾ. ರಾಜಶೇಖರ ಕೋಟ್ಯಾನ್
ಮುಲ್ಕಿ:ವಿದ್ಯಾರ್ಥಿಗಳು ಗುರು ತತ್ವವನ್ನು ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡು ಸಮಾಜದ ಒಬ್ಬ ಆದರ್ಶ ಪ್ರಜೆಯಾಗಿ ಬಾಳಬೇಕು, ನಮ್ಮ ಪ್ರಗತಿಗೆ ವಿದ್ಯೆಯೇ ಮೂಲ ಎಂದು ತಿಳಿದುಕೊಳ್ಳುವುದು ಬಹಳ ಮುಖ್ಯ ಎಂದು ರಾಷ್ಟ್ರೀಯ ಬಿಲ್ಲವರ ಮಹಾಮಂಡಲದ ಅಧ್ಯಕ್ಷ ಡಾ. ರಾಜಶೇಖರ ಕೋಟ್ಯಾನ್ ಹೇಳಿದರು.
ಮುಲ್ಕಿ ಚಿತ್ರಾಪು ಶ್ರೀ ವಿಠೋಭ ಬಾಲಲೀಲಾ ಭಜನಾ ಮಂದಿರದ ವತಿಯಿಂದ ಶೈಕ್ಷಣಿಕ ಸಹಕಾರ ಯೋಜನೆಯಡಿ ನಡೆದ ಪುಸ್ತಕ ವಿತರಣಾ ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿ ಭಾಗವಹಿಸಿ ಮಾತನಾಡಿದರು.ಮಂದಿರ ಅಧ್ಯಕ್ಷ ಲೋಕೇಶ್ ಕೋಟ್ಯಾನ್ ಅಧ್ಯಕ್ಷತೆ ವಹಿಸಿದ್ದರು.
ಅತಿಥಿಗಳಾಗಿ ರವಿ ಕೆ .ಶೆಟ್ಟಿ ಮಹಾಬಲ ಸನಿಲ್, ಯೋಗೀಶ್ ಕೋಟ್ಯಾನ್, ರಾಧಿಕಾ ಕೋಟ್ಯಾನ್,ಮಂದಿರದ ಉಪಾಧ್ಯಕ್ಷ ಮಂಜುನಾಥ ಸನಿಲ್, ಗೌರವ ಅಧ್ಯಕ್ಷರುಗಳಾದ ರಮೇಶ್ ಅಮೀನ್, ಬಾಲಚಂದ್ರ ಸನೀಲ್, ಕಾರ್ಯದರ್ಶಿ ರಿತೇಶ್ ಪೂಜಾರಿ, ಕೋಶಾಧಿಕಾರಿ ಪ್ರಜ್ವಲ್ ಕೋಟ್ಯಾನ್ ,ಭಜನಾ ಸಂಚಾಲಕ ಅಶೋಕ ಅಮೀನ್ ಮತ್ತು ಮಹಿಳಾ ಮಂಡಲದ ಅಧ್ಯಕ್ಷರಾದ ಕುಸುಮ ಆರ್ ಕೋಟ್ಯಾನ್ ಮತ್ತಿತರರು ಉಪಸ್ಥಿತರಿದ್ದರು.
Kshetra Samachara
06/08/2021 09:41 pm
ಸಂಬಂಧಿತ ಸುದ್ದಿ
LOADING...
