ಬೆಂಗಳೂರು: ಕಾರುಗಳ ಮ್ಯಾಗ್‌ವ್ಹೀಲ್ ಕದಿಯುತ್ತಿದ್ದ ಖತರ್ನಾಕ್ ಕಳ್ಳರ ಬಂಧನ
ಬೆಂಗಳೂರು: ಮನೆ ಮುಂದೆ ನಿಲ್ಲಿಸಿದ್ದ ಹೈಎಂಡ್ ಕಾರಿನ ಚಕ್ರ ಕದಿಯುತ್ತಿದ್ದ ಗ್ಯಾಂಗ್‌ವೊಂದನ್ನು ಜೆಪಿ ನಗರ ಪೊಲೀಸರು ಬಂಧಿಸಿದ್ದಾರೆ. ಹೈದರ್ ಅಲಿ, ಗೌಸ್ ಬೇಗ್ ಬಂಧಿತ ಆರೋಪಿಗಳಾಗಿದ್ದಾರೆ.
ಕಾರು ಕದ್ದರೆ ಕಾರಿನ ನಂಬರ್ ಮೂಲಕ ಸಿಕ್ಕಿಬೀಳಬಹುದು ಎಂಬ ಕಾರಣಕ್ಕೆ ಪ್ಲಾನ್ ಮಾಡಿಕೊಂಡಿದ್ದ ಈ ಐನಾತಿಗಳು ಕಾರಿನ ಚಕ್ರಗಳನ್ನು ಮಾತ್ರ ಕದ್ದು ಕೆಲ ಪರಿಚಯಸ್ಥ ಅಂಗಡಿಗಳು, ಆನ್‌ಲೈನ್ ಮೂಲಕ ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿದ್ದರು. ರಾತ್ರಿ ವೇಳೆ ಸ್ಕೂಟಿಯಲ್ಲಿ ಬಂದು ಕ್ಷಣ ಮಾತ್ರದಲ್ಲಿ ವ್ಹೀಲ್ ಕದ್ದು ಎಸ್ಕೇಪ್ ಆಗುತ್ತಿದ್ರು.
ಒಬ್ಬ ಕಾರಿನ ವ್ಹೀಲ್ ಬಿಚ್ಚಿದ್ರೆ ಮತ್ತೊಬ್ಬ ಅಕ್ಕಪಕ್ಕ ಯಾರಾದ್ರೂ ಬರ್ತಾರಾ? ಎಂದು ವಾಚ್ ಮಾಡುತ್ತಿದ್ದ. ಅಂತೆಯೇ ಜೆಪಿ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಇವರು ಕೈಚಳಕ ತೋರಿಸಿದ್ರು. ಪ್ರಕರಣ ದಾಖಲಿಸಿಕೊಂಡಿದ್ದ ಪೊಲೀಸರು ಸಿಸಿಟಿವಿ ದೃಶ್ಯಾವಳಿಗಳ ಆಧಾರದ ಮೇಲೆ ಇಬ್ಬರನ್ನು ಬಂಧಿಸಿ 15 ಲಕ್ಷ ಮೌಲ್ಯದ 60 ಮ್ಯಾಗ್ ವ್ಹೀಲ್‌ಗಳು, ಒಂದು ಕಾರು ಸೀಜ್ ಮಾಡಿದ್ದಾರೆ. ಆರೋಪಿಗಳ ಬಂಧನದಿಂದ 20 ಪ್ರಕರಣಗಳು ಪತ್ತೆಯಾಗಿದ್ದು, ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.
PublicNext
05/02/2025 05:41 pm
ಸಂಬಂಧಿತ ಸುದ್ದಿ
LOADING...
