ಹೊಸದುರ್ಗ: ಮನೆ ರಿಪೇರಿಗಾಗಿ ಧರ್ಮಸ್ಥಳ ಸಂಘದಿಂದ 10,000 ರೂ ಸಹಾಯಧನ ವಿತರಣೆ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಹೊಸದುರ್ಗ: ಮನೆ ರಿಪೇರಿಗಾಗಿ ಧರ್ಮಸ್ಥಳ ಸಂಘದಿಂದ 10,000 ರೂ ಸಹಾಯಧನ ವಿತರಣೆ

ಹೊಸದುರ್ಗ: ಹೊಸದುರ್ಗ ತಾಲೂಕಿನ ಹಾಲುರಾಮೇಶ್ವರ ಯೋಜನೆ ಕಚೇರಿಯ ಜಾನಕಲ್ ವಲಯದ ಗೂಳಿಹಟ್ಟಿ ಗ್ರಾಮದಲ್ಲಿ ಇಂದು ಶ್ರೀ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ಸಂಘದ ಸದಸ್ಯರಾದ ಶ್ರೀಮತಿ ರತ್ನಮ್ಮ ಎಂಬ ಮಹಿಳೆ 10000 ರೂ ಸಹಾಯ ಧನವನ್ನ ನೀಡಿದ್ದರು.

ಪ್ರಕೃತಿ ವಿಕೋಪದಿಂದ ಮನೆ ಹಾಳಾಗಿದ್ದು ವಾಸಿಸುವ ಮನೆಯನ್ನು ರಿಪೇರಿ ಮಾಡಿಸಿಕೊಳ್ಳುವ ಉದ್ದೇಶಕ್ಕಾಗಿ ಯೋಜನಾಧಿಕಾರಿ ಚಂದ್ರಶೇಖರ್ ಅವರು ಗ್ರಾಮಸ್ಥರ ಸಮ್ಮುಖದಲ್ಲಿ ನಿರಾಶ್ರಿತ ಮಹಿಳೆಗೆ ಚೆಕ್ ವಿತರಿಸಿದ್ದಾರೆ.

ಈ ವೇಳೆ ಸಮಾಜಸೇವಕ ಗೂಳಿಹಟ್ಟಿ ಆರ್. ಕೃಷ್ಣಮೂರ್ತಿ ಮಾತನಾಡಿ, ಬಡ ವಿದ್ಯಾರ್ಥಿಗಳಿಗೆ ಸುಜ್ಞಾನ ನಿಧಿ ವೇತನ, ಶುದ್ಧ ಕುಡಿಯುವ ನೀರಿನ ಘಟಕ ಸ್ಥಾಪನೆ, ನಿರ್ಗತಿಕರಿಗೆ ಮಾಸಾಸನ ಕೊಡುವಂತಹ ಕಾರ್ಯಕ್ರಮ, ಶಾಲಾ ಕಾಲೇಜಿಗಳ ದುರಸ್ತಿಗೆ ಸಹಾಯಧನ, ಗ್ರಾಮಗಳ ದೇವಸ್ಥಾನಗಳ ಜೀರ್ಣೋದ್ಧಾರಗಳು ಸಹಾಯಧನ ಹೀಗೆ ಹಲವಾರು ಕಾರ್ಯಕ್ರಮಗಳ ಮೂಲಕ ಜನಪ್ರಿಯತೆಯನ್ನು ಗೊಳಿಸುವ ಜೊತೆಗೆ ಮೆಚ್ಚುಗೆಯನ್ನು ಪಡೆಯುತ್ತಿದೆ ಎಂದರು.

Edited By :