ಬೆಂಗಳೂರು: ಖಾಸಗಿ ಫೋಟೋ, ವಿಡಿಯೋ ಇಟ್ಕೊಂಡು ಮಹಿಳೆ ಬಳಿ ಸುಲಿಗೆ ಮಾಡಿದ ರೌಡಿ ಶೀಟರ್!
ಬೆಂಗಳೂರು: ಆಕೆಗೆ ಆತ ರೌಡಿ ಶೀಟರ್ ಅನ್ನೋದೆ ಗೊತ್ತಿರ್ಲಿಲ್ಲ ಅನ್ಸಿತ್ತೆ, ಮನೆ ಬಾಡಿಗೆ ಅಂತ ಬಂದವನ ಜೊತೆಗೆ ಸಲುಗೆ ಬೆಳೆಸಿದ್ದ ಗೃಹಿಣಿ ಕೊನೆಗೆ ಆತನ ಪ್ರೀತಿಯ ತೆಕ್ಕೆಗೆ ಬಿದ್ದಿದ್ಳು. ಗಂಡ ಮಕ್ಕಳು ಇದ್ರು. ಆ ರೌಡಿಯ ಪ್ರೀತಿ ಮಾತಿಗೆ ಕಟ್ಟುಬಿದ್ದು ಗೃಹಿಣಿ ತನ್ನ ಪ್ರೀತಿ ಜೊತೆಗೆ ದೇಹವನ್ನು ಆತನಿಗೆ ದಾರೆ ಎರೆದಿದ್ಳು.
ದಿನಕಳೆದಂತೆ ಆತನ ಮುಕವಾಡದ ಬಗ್ಗೆ ಗೊತ್ತಾಗಿತ್ತು. ಆಗ ಮಹಿಳೆ ಆ ರೌಡಿಯನ್ನ ಅವೈಡ್ ಮಾಡಿದ್ದಕ್ಕೆ ಚಾಕು ತೋರಿಸಿ ಮಹಿಳೆ ಬಳಿ ಕಾರು ಒಡವೆ ರಾಬರಿ ಮಾಡಿ ಪರಾರಿಯಾಗಿದ್ದಾನೆ. ರೌಡಿಶೀಟರ್ ಸುರೇಶ್ ಅಲಿಯಾಸ್ ಕುಣಿಗಲ್ ಸೂರಿಯಿಂದ ಮಹಿಳಯಿಂದ ಸುಲಿಗೆ ಮಾಡಿದ್ದು ಈ ಬಗ್ಗೆ ಬ್ಯಾಡರಹಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಕುಣಿಗಲ್ ಸೂರಿ ವಿರುದ್ಧ ಮಾಜಿ ಯೋಧನ ಪತ್ನಿ ಪೊಲೀಸರಿಗೆ ದೂರು ನೀಡಿದ್ದಾರೆ.
ಮಹಳೆ ಜೊತೆಗೆ ಸಲುಗೆಯಿಂದ ದೈಹಿಕ ಸಂಪರ್ಕ ಬೆಳಸಿ, ಖಾಸಗಿ ಫೋಟೋ ಇಟ್ಟುಕೊಂಡು ಬ್ಲ್ಯಾಕ್‌ಮೇಲ್ ಮಾಡಿದ್ದನಂತೆ, ಹಣ ನೀಡದಾಗ ಆ ಫೋಟೋವನ್ನು ಆಕೆಗೆ ಹಾಗೂ ಪತಿ ಮತ್ತು ಸಂಬಂಧಿಕರಿಗೆ ಕಳುಹಿಸಿ ಮಹಿಳೆ ಮಾನಹಾನಿ ಮಾಡಿದ್ದಾನೆ.
ಹಲವು ವರ್ಷಗಳಿಂದ ಮಹಿಳೆಯಿದ್ದ ಬಿಲ್ಡಿಂಗ್‌ನಲ್ಲೆ ಲೀಸ್‌ಗೆ ಇದ್ದ ಸೂರಿ, ನಾನು ಓಲಾ ಡ್ರೈವರ್ ಅಂತ ಪರಿಚಯ ಮಾಡಿಕೊಂಡಿದ್ದ. ಕಳೆದ ಮೂರು ವರ್ಷದ ಹಿಂದೆ ಸೂರಿ ಕೇಸ್‌ವೊಂದರಲ್ಲಿ ಜೈಲು ಸೇರಿದ್ದ,
ಆಗಲೇ ಸೂರಿ ರೌಡಿ ಅಂತ ಗೊತ್ತಾಗಿದ್ದಂತೆ,
ಸಂತ್ರಸ್ತೆ ಪತಿ ಹಾಗೂ ಮಕ್ಕಳು ಇಲ್ಲದಾಗ ಮನೆಗೆ ಬಂದು ಹೋಗ್ತಿದ್ದ ಸೂರಿ ಮೊಬೈಲ್‌ನಲ್ಲಿ ಹಲವು ಮಹಿಳೆಯರು ವಿಡಿಯೋ ಫೋಟೋ ಇರೋದನ್ನ ಸಂತ್ರಸ್ತೆ ನೋಡಿ ಗಲಾಟೆ ಮಾಡಿ ಆತನನ್ನ ಅವೈಡ್ ಮಾಡಿದ್ದಾಳೆ. ಆಗ ಮಹಿಳೆಯ ಫೋಟೋಗಳನ್ನ ತೋರಿಸಿ ಬೆದರಿಸಿ ಹಣ ಕೂಡ ಪಡೆಯುತ್ತಿದ್ನಂತೆ.
ನವೆಂಬರ್ 30ರಂದು ವಾಲ್ಮೀಕಿ ಸರ್ಕಲ್ ಬಳಿ ಮಹಿಳೆ ತನ್ನ ಮನೆಗೆ ಹೋಗ್ತಿದ್ದಾಗ ಅಡ್ಡ ಹಾಕಿದ ಸೂರಿ ಕಾಲ್ ರಿಸೀವ್ ಮಾಡ್ತಿಲ್ಲ ಯಾಕೆ ಎಂದು ಪ್ರಶ್ನಿಸಿ, ಹಣಕ್ಕೆ ಡಿಮ್ಯಾಂಡ್ ಮಾಡಿದ್ನಂತೆ. ಮಹಿಳೆ ಹಣವಿಲ್ಲ ನನ್ನ ಬಳಿ ಎಂದಾಗ ಚಾಕು ತೋರಿಸಿ ಬೆದರಿಸಿ ಮೊಬೈಲ್, ಕಾರು ಹಾಗೂ 18 ಗ್ರಾಂ ಚಿನ್ನದ ಓಲೆ ಕಿತ್ತುಕೊಂಡ ಹೋಗಿರೋದಾಗಿ ಎಫ್ ಐ ಆರ್ ದಾಖಲಾಗಿದೆ.
ಇನ್ನೂ ಸೂರಿ ಹುಡುಕಾಟದಲ್ಲಿ ಬ್ಯಾಡರಹಳ್ಳಿ ಪೊಲೀಸರು ತಲಾಶ್ ನಡೆಸಿದ್ರೆ, ಈ ಮಧ್ಯೆ ತುಮಕೂರು ಕೋರ್ಟ್ ಆವರಣದಲ್ಲಿ ತನ್ನ ಅಣ್ಣನಿಗೆ ಚಾಕು ಇರಿದು ಜೈಲು ಸೇರಿದ್ದಾನೆ. ಸದ್ಯ ಬಾಡಿ ವಾರೆಂಟ್ ಮೇಲೆ ಸೂರಿಯನ್ನ ಕಸ್ಟಡಿಗೆ ಪಡೆಯಲು ಬ್ಯಾಡರಹಳ್ಳಿ ಪೊಲೀಸರು ತಯಾರಿ ನಡೆಸಿದ್ದಾರೆ.
PublicNext
27/12/2024 09:21 pm
ಸಂಬಂಧಿತ ಸುದ್ದಿ
LOADING...
