ಸರ್ಕಾರಿ ಹಾಸ್ಟೆಲ್ ಗೆ ನುಗ್ಗಿದ ಯುವಕರಿಂದ ಗಲಾಟೆ ಆರೋಪ - ವಿದ್ಯಾರ್ಥಿಗಳ ನಡುವೆ ಹೊಯ್-ಕೈ ದೃಶ್ಯ ವೈರಲ್
ಶಿವಮೊಗ್ಗ : ಶಿವಮೊಗ್ಗ ನಗರದ ವಾಜಿಪೇಯಿ ಬಡಾವಣೆಯಲ್ಲಿರುವ ಸರ್ಕಾರಿ ಹಾಸ್ಟೆಲ್‌ಗೆ ನಿನ್ನೆ ದಿನ ರಾತ್ರಿ ಹೊರಗಡೆಯ ಯುವಕರು ನುಗ್ಗಿ ಗಲಾಟೆ ಮಾಡಿದ್ದಾರೆ ಎಂಬ ವಿಚಾರ ಕೇಳಿ ಬಂದಿದೆ. ಇದಕ್ಕೆ ಸಾಕ್ಷಿ ಎಂಬಂತೆ ವಿಡಿಯೋವೊಂದು ಹರಿದಾಡುತ್ತಿದೆ.
ಹೊರಗಡೆಯ ಯುವಕರು ಹಾಗೂ ಹಾಸ್ಟೆಲ್‌ನ ವಿದ್ಯಾರ್ಥಿಗಳ ನಡುವೆ ಹೊಯ್-ಕೈ ನಡೆಯುತ್ತಿರುವ ದೃಶ್ಯಗಳು ಈ ವಿಡಿಯೋದಲ್ಲಿವೆ. ಅಟಲ್‌ ಬಿಹಾರಿ ವಾಜಪೇಯಿ ಬಡಾವಣೆಯಲ್ಲಿರುವ ಹಿಂದುಳಿದ ವರ್ಗಗಳ ಮೆಟ್ರಿಕ್‌ ನಂತರದ ಬಾಲಕರ ಹಾಸ್ಟೆಲ್‌ನಲ್ಲಿ ಈ ಘಟನೆ ನಡೆದಿದೆ ಎನ್ನಲಾಗಿದ್ದು, ಇಲ್ಲಿನ ಹಾಸ್ಟೆಲ್‌ನಲ್ಲಿ ನಿನ್ನೆ ವಿದ್ಯಾರ್ಥಿಯೊಬ್ಬನ ಹುಟ್ಟುಹಬ್ಬ ಇತ್ತು ಎನ್ನಲಾಗಿದೆ.
ಹುಟ್ಟುಹಬ್ಬ ಆಚರಣೆ ಸಂಬಂಧ ಹೊರಗಡೆಯಿಂದ ಕೆಲವು ಯುವಕರು ಹಾಸ್ಟೆಲ್ ಬಂದಿದ್ದಾರೆ. ಆ ಬಳಿಕ ಹುಟ್ಟುಹುಬ್ಬ ಆಚರಣೆ ವೇಳೆ ಇನ್ನೊಂದು ಕೋಣೆಯಲ್ಲಿದ್ದ ವಿದ್ಯಾರ್ಥಿಗಳ ಜೊತೆಗೆ ಜಗಳವಾಡಿದ್ದಾರೆ ಎಂಬುದು ಆರೋಪವಾಗಿದೆ.
ಇನ್ನು ಈ ಘಟನೆ ನಡೆದ ವೇಳೆಯಲ್ಲಿ ಹಾಸ್ಟೆಲ್ ವಾರ್ಡನ್ ಸ್ಥಳದಲ್ಲಿ ಇರಲಿಲ್ಲ ಎನ್ನಲಾಗಿದೆ. ಅಲ್ಲದೆ ಘಟನೆ ನಡೆದ ಬಳಿಕವು ವಾರ್ಡನ್ ಈ ಬಗ್ಗೆ ವಿಚಾರಿಸಿಲ್ಲ ಎಂದು ಹೇಳಲಾಗುತ್ತಿದೆ. ವಾರ್ಡನ್ ಸಮರ್ಪಕವಾಗಿ ಡ್ಯೂಟಿಗೆ ಅವರು ಬರುತ್ತಿಲ್ಲ. ನಡೆದ ಘಟನೆಯ ಬಗ್ಗೆಯು ಅವರು ತಲೆಕೆಡಿಸಿಕೊಂಡಿಲ್ಲ. ಅದೃಷ್ಟಕ್ಕೆ ನಿನ್ನೆ ಯಾವುದೇ ಅಪಾಯ ಸಂಭವಿಸಿಲ್ಲ. ಹೊರಗಡೆಯಿಂದ ಹಾಸ್ಟೆಲ್‌ಗೆ ಯುವಕರು ಬರಲು ಅವಕಾಶವಾಗಿದ್ದು ಹೇಗೆ ಎಂಬುದು ಸದ್ಯದ ಪ್ರಶ್ನೆಯಾಗಿದೆ.
PublicNext
26/11/2024 05:50 pm
ಸಂಬಂಧಿತ ಸುದ್ದಿ
LOADING...
