ಶಿವಮೊಗ್ಗ: ಕಳ್ಳತನ ಮಾಡಿದ್ದ ಬೈಕ್‌ಗಳ ಜೊತೆ ನಿಂತಿದ್ದ ಕಳ್ಳರ ಬಂಧನ
ಶಿವಮೊಗ್ಗ: ಕಳ್ಳತನ ಮಾಡಿದ್ದ ಬೈಕ್‌ಗಳ ಜೊತೆ ಬೈಪಾಸ್ ರಸ್ತೆಯಲ್ಲಿ ನಿಂತಿದ್ದ ಕಳ್ಳರನ್ನು ಪೊಲೀಸರು ಬಂಧಿಸಿದ್ದಾರೆ. ಶಿವಮೊಗ್ಗದ ಪುರಲೆ ಬಡಾವಣೆಯ ಸುಬ್ಬಯ್ಯ ಮೆಡಿಕಲ್ ಕಾಲೇಜಿನ ಹಿಂಭಾಗ ಬೈಪಾಸ್ ರಸ್ತೆಯಲ್ಲಿ ಗಸ್ತಿನಲ್ಲಿದ್ದ ಪೊಲೀಸರ ಕಣ್ಣಿಗೆ ಬಿದ್ದ ಬೈಕ್ ಕಳ್ಳರನ್ನು ಪೊಲೀಸರು ವಿಚಾರಣೆ ನಡೆಸುವ ವೇಳೆ ಕಳ್ಳತನದ ಬಗ್ಗೆ ವಿಚಾರ ತಿಳಿದುಬಂದಿದೆ.
ಅನುಮಾನಾಸ್ಪದವಾಗಿ ಎರಡು ಬೈಕ್‌ಗಳನ್ನು ನಿಲ್ಲಿಸಿಕೊಂಡು ನಿಂತಿದ್ದವರನ್ನು ಪೊಲೀಸರು ವಿಚಾರಣೆ ನಡೆಸಿದ್ದು, ಈ ವೇಳೆ, ಭದ್ರಾವತಿ ಸೀತಾರಾಂಪುರದ ಇಮ್ರಾನ್ (26), ಮದನ್ (18) ಕುಮಾರ್, ಹರೀಶ (18) ಎಂಬ ಬೈಕ್ ಕಳ್ಳರನ್ನು ಪೊಲೀಸರು ಬಂಧಿಸಿದ್ದಾರೆ.
ಶಿಕಾರಿಪುರದಲ್ಲಿ ಕಳ್ಳತನ ಮಾಡಿಕೊಂಡು ತಂದಿದ್ದ ಕಳ್ಳರು, ವಿಚಾರಣೆ ವೇಳೆ ಇನ್ನೂ ಹೆಚ್ಚಿನ ಬೈಕ್‌ಗಳನ್ನು ಕಳ್ಳತನ ಮಾಡಿರುವ ಬಗ್ಗೆ ಬಯಲಾಗಿದೆ. ಒಟ್ಟು 7 ದ್ವಿಚಕ್ರ ವಾಹನ ಕಳ್ಳತನ ಮಾಡಿರುವ ಕಳ್ಳರ ಬಳಿ ಒಟ್ಟು 9,40,000 ರೂ ಗಳ 7 ದ್ವಿಚಕ್ರ ವಾಹನಗಳ ವಶಪಡಿಸಿಕೊಂಡಿದ್ದು, 4 ಪಲ್ಸರ್, 1 ಅಪಾಚೆ, 1 ಸ್ಪ್ಲೆಂಡರ್ ಮತ್ತು 1 ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ ಬೈಕ್‌ಗಳನ್ನು ವಶಪಡಿಸಿಕೊಂಡಿದ್ದಾರೆ. ವಿವಿಧ ಪೊಲೀಸ್ ಠಾಣೆಗಳಲ್ಲಿ ಕಳ್ಳತನ ಪ್ರಕರಣಗಳು ದಾಖಲಾಗಿದ್ದು, ಈ ಪ್ರಕರಣದ ಮೂಲಕ ಬಯಲಾದಂತಾಗಿದೆ.
Kshetra Samachara
25/11/2024 08:32 pm
ಸಂಬಂಧಿತ ಸುದ್ದಿ
LOADING...
