ಕಾಗವಾಡ: ವರ್ಷಾಂತ್ಯದಲ್ಲಿ ಕಾಲುವೆಗೆ ನೀರು ಪೂರೈಕೆ ಬಹುತೇಕ ಕಷ್ಟ - ಶಾಸಕ ರಾಜು ಕಾಗೆ
ಕಾಗವಾಡ: ವರ್ಷಾಂತ್ಯದಲ್ಲಿ ಕಾಲುವೆಗೆ ನೀರು ಪೂರೈಕೆ ಸಾಧ್ಯವಿಲ್ಲ ಎಂದು ಬಸವೇಶ್ವರ ಏತ ನೀರಾವರಿ ವಿಚಾರವಾಗಿ ಶಾಸಕ ರಾಜು ಕಾಗೆ ಸ್ಪಷ್ಟನೆ ನೀಡಿದ್ದಾರೆ.
ಕ್ಷೇತ್ರದ ವಿವಿಧ ಗ್ರಾಮಗಳ ಅಭಿವೃದ್ಧಿ ಕಾಮಗಾರಿ ಭೂಮಿ ಪೂಜೆ ನೆರವೇರಿಸಿ ಮಾಧ್ಯಮಕ್ಕೆ ಸ್ಪಷ್ಟನೆ ನೀಡಿದ ಅವರು, ಬಸವೇಶ್ವರ ಏತ ನೀರಾವರಿ ವಿಚಾರದಲ್ಲಿ ಗೊಂದಲ ಉಂಟಾಗಿದ್ದು ಸತ್ಯ. ಗುತ್ತಿಗೆದಾರನ ತೆರಿಗೆ ವಿಚಾರ ಹಾಗೂ ಅಧಿಕಾರಿಗಳ ನಿರ್ಲಕ್ಷ್ಯದಿಂದ ಕಾಮಗಾರಿ ವಿಳಂಬವಾಗಿದೆ.
ನಾನು ಕೂಡ ಈಗಾಗಲೇ ಹಲವು ಬಾರಿ ಸಿಎಂ ಗಮನಕ್ಕೆ ತಂದಿದ್ದೇನೆ. ಬಸವೇಶ್ವರ ಏತ ನೀರಾವರಿ ವಿಚಾರದಲ್ಲಿ ನಾನು ಪ್ರಾಮಾಣಿಕ ಪ್ರಯತ್ನ ಮಾಡಿದ್ದೇನೆ. ಈಗಾಗಲೆ ಕಾಮಗಾರಿ ಪೂರ್ಣಗೊಳ್ಳುವ ಹಂತಕ್ಕೆ ತಲುಪಿದ್ದು, ಚಳಿಗಾಲದ ಅಧಿವೇಶನಕ್ಕೂ ಮುನ್ನವೇ ಚಾಲನೆ ನೀಡಲಿದ್ದೇವೆ.
ಈ ವರ್ಷ ಪೂರ್ಣ ಪ್ರಮಾಣದಲ್ಲಿ ನೀರು ಪೂರೈಕೆ ಸಾಧ್ಯವಿಲ್ಲ. ಈಗಾಗಲೇ ಕಾಲುವೆಯಲ್ಲಿ ಎರಡು ಪಂಪ್ ಸೆಟ್ ಪ್ರಾರಂಭ ಮಾಡಲಿದ್ದೇವೆ. ಶೀಘ್ರವೇ ಮೊದಲ ಹಂತದ ಸುಮಾರು ಹತ್ತು ಸಾವಿರ ಎಕರೆ ಭೂ ಪ್ರದೇಶಕ್ಕೆ ನೀರು ಪೂರೈಕೆ ಮಾಡಲಿದ್ದೇವೆ. ಮುಂದಿನ ಜೂನ್ ತಿಂಗಳಲ್ಲಿ ಪೂರ್ಣ ಪ್ರಮಾಣದಲ್ಲಿ ನೀರು ಪೂರೈಕೆ ಮಾಡಲಾಗುವುದು ಎಂದು ಹೇಳಿದರು.
Kshetra Samachara
22/11/2024 03:16 pm
ಸಂಬಂಧಿತ ಸುದ್ದಿ
LOADING...
