ಉಡುಪಿ: ಜಿಲ್ಲೆಯಲ್ಲಿ ಅ. 3ರಿಂದಲೇ ದಸರಾ ರಜೆ
ಉಡುಪಿ: ದಸರಾ ಉತ್ಸವವನ್ನು ದೊಡ್ಡ ಮಟ್ಟದಲ್ಲಿ ಆಚರಣೆ ಮಾಡುವ ಜಿಲ್ಲೆಗಳನ್ನು ಹೊರತುಪಡಿಸಿ ಉಳಿದೆಲ್ಲ ಕಡೆಗಳಲ್ಲೂ ಅ. 3ರಿಂದ ಅ. 16ರ ವರೆಗೆ ಶಾಲೆಗಳಿಗೆ ಮಧ್ಯಾಂತರ ರಜೆ ಇರುತ್ತದೆ. ಉಡುಪಿ ಜಿಲ್ಲೆಗೂ ಇದುವೇ ಅನ್ವಯವಾಗುತ್ತದೆ. ಯಾವುದೇ ಗೊಂದಲ ಬೇಡ ಎಂದು ಡಿಡಿಪಿಐ ಶಿವರಾಜ್ ಸ್ಪಷ್ಟಪಡಿಸಿದ್ದಾರೆ.
ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ದೊಡ್ಡ ಮಟ್ಟದ ದಸರಾ ಆಚರಣೆ ಇರುವುದರಿಂದ ಆ ಜಿಲ್ಲೆಗೆ ಸೀಮಿತವಾಗಿ ರಜೆ ದಿನಾಂಕವನ್ನು ಪರಿಷ್ಕರಿಸಲಾಗಿದೆ. ಆದರೂ ಜಿಲ್ಲೆಯ ಕೆಲವು ಅನುದಾನಿತ ಹಾಗೂ ಅನುದಾನ ರಹಿತ ಖಾಸಗಿ ಶಾಲೆಗಳು ತಮ್ಮ ಅನುಕೂಲಕ್ಕೆ ತಕ್ಕಂತೆ ರಜೆ ಘೋಷಣೆ ಮಾಡಿವೆ. ಆದರೆ ಸರಕಾರಿ ಶಾಲೆಗಳು ಇಲಾಖೆಯ ನಿರ್ದೇಶನವನ್ನು ಸ್ಪಷ್ಟವಾಗಿ ಪಾಲಿಸಬೇಕಾಗುತ್ತದೆ ಎಂದಿದ್ದಾರೆ. ರಜೆಯ ಅವಧಿಯಲ್ಲೂ ಎಸೆಸೆಲ್ಸಿ ವಿದ್ಯಾರ್ಥಿಗಳನ್ನು ಗಮನದಲ್ಲಿಟ್ಟುಕೊಂಡು ನಡೆಸುವ ವಿಶೇಷ ತರಗತಿಗಳ ಬಗ್ಗೆ ಆಯಾ ಶಾಲೆಯ ಮುಖ್ಯ ಶಿಕ್ಷಕರು, ವಿಷಯ ಶಿಕ್ಷಕರು ತೀರ್ಮಾನ ತೆಗೆದುಕೊಳ್ಳಲಿದ್ದಾರೆ ಎಂದು ಶಿಕ್ಷಣ ಇಲಾಖೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
Kshetra Samachara
15/09/2022 05:22 pm
ಸಂಬಂಧಿತ ಸುದ್ದಿ
LOADING...
