ನಿಮ್ಮನ್ನ ಇನ್ನ ಸುಮ್ಮ ಬಿಡೋದಿಲ್ರಿ..
ಧಾರವಾಡ: ಎಪಿಎಂಸಿ ಕಾಯ್ದೆ ತಿದ್ದುಪಡಿ ವಿರೋಧಿಸಿ ಬೆಂಗಳೂರಿನಲ್ಲಿ ನಡೆಯುತ್ತಿರುವ ರೈತರಿಗೆ ನವಲಗುಂದ ತಾಲೂಕಿನ ಶಿರೂರು ಗ್ರಾಮದ ರೈತರು ಬೆಂಬಲ ಸೂಚಿಸಿದ್ದಾರೆ.
ಕಿತ್ತೂರು ಹಾಗೂ ಬೀಡಿ ರಸ್ತೆ ಬಂದ್ ಮಾಡಿ ರೈತ ಮುಖಂಡ ಮಲ್ಲಿಕಾರ್ಜುನಗೌಡ ಬಾಳನಗೌಡರ ನೇತೃತ್ವದಲ್ಲಿ ಪ್ರತಿಭಟನೆ ನಡೆಸಿದ ರೈತರು, ಟೈರ್ ಗೆ ಬೆಂಕಿ ಹಚ್ಚಿ ಸರ್ಕಾರದ ವಿರುದ್ಧ ಘೋಷಣೆ ಕೂಗಿದರು.
ರೈತರ ಹೊಲಗಳಿಗೆ ಹೋಗುವ ರಸ್ತೆಗಳು ಹದಗೆಟ್ಟಿವೆ. ರೈತರಿಗೆ ಬೆಳೆವಿಮೆ, ಬೆಳೆ ಪರಿಹಾರ ಸರಿಯಾಗಿ ಸಿಕ್ಕಿಲ್ಲ.
ರೈತರು ತೀವ್ರ ಸಂಕಷ್ಟದಲ್ಲಿದ್ದಾರೆ. ಬೆಂಗಳೂರಿನಲ್ಲಿ ರೈತರು ಪ್ರತಿಭಟನೆ ನಡೆಸುತ್ತಿದ್ದರೂ ಯಾವ ಮಂತ್ರಿಗಳು ಕೂಡ ಸ್ಪಂದನೆ ನೀಡಿಲ್ಲ. ನಿಮ್ಮನ್ನು ಇನ್ಮುಂದೆ ಸುಮ್ಮನೆ ಬಿಡೋದಿಲ್ಲ.
ಯಾವ ಹಳ್ಳಿಗಳಿಗೂ ಕಾಲಿಡಲು ನಿಮ್ಮನ್ನು ಬಿಡೋದಿಲ್ಲ. ಸರ್ಕಾರ ಕೂಡಲೇ ರೈತರ ಸಮಸ್ಯೆಗಳಿಗೆ ಪರಿಹಾರ ನೀಡಬೇಕು. ಇಲ್ಲದೇ ಹೋದರೆ ರೈತರು ಒಕ್ಕೊರಲ ಹೋರಾಟಕ್ಕೆ ಮುಂದಾಗಬೇಕಾಗುತ್ತದೆ ಎಂದು ಮಲ್ಲಿಕಾರ್ಜುನಗೌಡ ಎಚ್ಚರಿಸಿದರು.
Kshetra Samachara
25/09/2020 12:22 pm
ಸಂಬಂಧಿತ ಸುದ್ದಿ
LOADING...
