ಧಾರವಾಡ: ತಲೆಗೆ ಪೇಟ ಸುತ್ತಿ ಚಕ್ಕಡಿ ಓಡಿಸಿದ ಧಾರವಾಡ ಡಿಸಿ
ಧಾರವಾಡ: ಜಿಲ್ಲಾಡಳಿತದ ನಡೆ ಹಳ್ಳಿಯ ಕಡೆ ಎಂಬ ಕಂದಾಯ ಇಲಾಖೆ ಯೋಜನೆಯಡಿ ಅಳ್ನಾವರ ತಾಲೂಕಿನ ಕೋಗಿಲಗೇರಿ ಗ್ರಾಮದಲ್ಲಿ ಧಾರವಾಡ ಜಿಲ್ಲಾಧಿಕಾರಿ ನಿತೇಶ್ ಪಾಟೀಲ ಅವರು ಇಂದು ಗ್ರಾಮ ವಾಸ್ತವ್ಯ ಮಾಡಿದ್ದಾರೆ. ಬೆಳಿಗ್ಗೆ ಗ್ರಾಮಕ್ಕೆ ಹೋದ ಜಿಲ್ಲಾಧಿಕಾರಿಯನ್ನು ಹಳ್ಳಿಯ ಜನ ಮೆರವಣಿಗೆ ಮಾಡಿ, ಹಣೆಗೆ ತಿಲಕ ಇಟ್ಟು ಸ್ವಾಗತಿಸಿಕೊಂಡರು.
ಚಕ್ಕಡಿ ಮೆರವಣಿಗೆ ವೇಳೆ ಸ್ವತಃ ಜಿಲ್ಲಾಧಿಕಾರಿಯೇ ಚಕ್ಕಡಿ ಓಡಿಸಿ ಗಮನಸೆಳೆದರು. ಇಂದು ಕೋಗಿಲಗೇರಿ ಗ್ರಾಮದಲ್ಲಿ ಜಿಲ್ಲಾಧಿಕಾರಿಗಳು ವಾಸ್ತವ್ಯ ಹೂಡಲಿದ್ದು, ಕಂದಾಯ ಇಲಾಖೆಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಸ್ಥಳದಲ್ಲೇ ಬಗೆಹರಿಸಲಿದ್ದಾರೆ. ಜಿಲ್ಲಾಧಿಕಾರಿಗೆ ಜಿಲ್ಲಾ ಪಂಚಾಯ್ತಿ ಸಿಇಓ ಡಾ.ಸುಶೀಲಾ, ಹೆಚ್ಚುವರಿ ಜಿಲ್ಲಾಧಿಕಾರಿ ಶಿವಾನಂದ ಕರಾಳೆ, ಉಪವಿಭಾಗಾಧಿಕಾರಿ ಡಾ.ಗೋಪಾಲಕೃಷ್ಣ ಸಾಥ್ ನೀಡಿದರು.
Edited By :
Manjunath H D
Kshetra Samachara
20/02/2021 03:20 pm
ಸಂಬಂಧಿತ ಸುದ್ದಿ
LOADING...
