ಹುಬ್ಬಳ್ಳಿ: ಕಣ್ಣೀರಿನ ಕವಲುದಾರಿಯಾಗಿದೆ ಕಲಾವಿದನ ಬದುಕು:ಕಣ್ಣುತೆರೆದು ನೋಡ ಬಡವನ ಕಷ್ಟ
ಹುಬ್ಬಳ್ಳಿ: ಬಣ್ಣದ ಬದುಕಿನಲ್ಲಿ ಅದೆಷ್ಟೋ ಮರೆಯಲಾಗದ ನೋವುಗಳಿರುತ್ತವೆ.ಆ ನೋವುಗಳನ್ನು ಮನದಾಳದಲ್ಲಿ ಹುದುಗಿಟ್ಟು ಮುಖಕ್ಕೆ ಬಣ್ಣ ಹಚ್ಚಿಕೊಂಡು ರಂಗಭೂಮಿಯಲ್ಲಿ ನಟಿಸಿ ಸಾಧನೆ ಮಾಡುವುದು ಅಸಾಧ್ಯದ ಮಾತು.ಎಂತಹದೇ ಕಷ್ಟಗಳು ಬಂದರೂ ಹಿಂದೇಟು ಹಾಕದೇ ರಂಗಭೂಮಿಯಲ್ಲಿ ಸಾಧನೆ ಮಾಡಿದ ಸಾಧಕನ ಬಗ್ಗೆ ತೋರಸ್ತೀವಿ ನೋಡಿ....
ಹೌದು...ಇಲ್ಲಿ ಸಾಕಷ್ಟು ಪುರಸ್ಕಾರಗಳ ಪ್ರಮಾಣ ಪತ್ರವನ್ನು ಮುಂದಿಟ್ಟು ಕೊಂಡಿರುವ ವ್ಯಕ್ತಿ ಹೆಸರು ಪ್ರಕಾಶ ಕಡಪಟ್ಟಿ ಮೂಲತಃ ಬಾಗಲಕೋಟ ಜಿಲ್ಲೆಯ ಜಮಖಂಡಿ ತಾಲ್ಲೂಕಿನ ಕಡಪಟ್ಟಿಯ ಗ್ರಾಮದವರು.ಪ್ರಸ್ತುತವಾಗಿ ಕುಂದಗೋಳ ತಾಲೂಕಿನ ಬೆಟದೂರ ಇನಾಂಕೊಪ್ಪದ ಮಗಳ ಮನೆಯಲ್ಲಿ ಜೀವನ ನಡೆಸುತ್ತಿದ್ದಾರೆ. ಕನ್ನಡ ರಂಗಭೂಮಿ ಸಾಧಕರ ಪಟ್ಟಿಯಲ್ಲಿ ತಮ್ಮ ಹೆಸರನ್ನು ಅಚ್ಚಳಿಯದ ರೀತಿಯಲ್ಲಿ ಅಚ್ಚೊತ್ತಿದ ಸಾಧಕ.ಪಿಯುಸಿ ವಿದ್ಯಾರ್ಹತೆ ಹೊಂದಿರುವ ಇವರು ಬಾಲ್ಯದಿಂದಲೂ ನಾಟಕ ಪ್ರೀತಿ ಅಭಿಮಾನ ರಂಗಭೂಮಿಗೆ ಕರೆದುಕೊಂಡು ಹೋಗಿದೆ.
73 ವಯಸ್ಸಿನಲ್ಲಿಯೂ ಕೂಡ ರಂಗಭೂಮಿಯ ಮೇಲಿನ ಪ್ರೀತಿ ಅಭಿಮಾನ ಮಾತ್ರ ಕಡಿಮೆಯಾಗಿಲ್ಲ.
ನಾಟಕ ರಚನೆ,ಸಂಗೀತ ಸಂಯೋಜನೆ, ಗೀತ ರಚನೆ,ಹಾಡಿನ ಮೂಲಕ ಹೆಸರು ವಾಸಿಯಾಗಿರುವ ಕಲಾವಿದನ ಬದುಕು ನಿಜಕ್ಕೂ ಕಷ್ಟದಲ್ಲಿಯೇ ಕಣ್ಣೀರು ಇಡುವಂತಾಗಿದೆ.ಭಲೇ ಮಗಳೆ,ಅನಂತರ ಚಿನ್ನದಗೊಂಬೆ,ಸತಿ ಸಂಸಾರದ ಜ್ಯೋತಿ, ಭೂಮಿ ತೂಕದ ಹೆಣ್ಣು, ತವರು ಬಿಟ್ಟು ತಂಗಿ,ಮುತ್ತೈದೆಗೆ ಕುತ್ತು ಐದು,ಬಂಗಾರದ ಮನುಷ್ಯ ಹೀಗೆ ಹಲವಾರು ನಾಟಕ ರಚನೆ ಮತ್ತು ಅಭಿನಯದ ಮೂಲಕ ಜೀವನವನ್ನೆ ರಂಗಭೂಮಿ ಮೀಸಲಿಟ್ಟ ಕಲಾವಿದನ ಬದುಕು ಕಣ್ಣೀರಿನ ಕವಲುದಾರಿಯಾಗಿದೆ.
ಡಾ.ಗುಬ್ಬಿವೀರಣ್ಣ,ಕಲಾಕೌಸ್ತುಭ,ರಂಗಶ್ರೀ ಪ್ರಶಸ್ತಿ ಸೇರಿದಂತೆ ಹತ್ತು ಹಲವಾರು ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿದ್ದು,ಸುಮಾರು55 ಕ್ಕೂ ಹೆಚ್ಚು ವರ್ಷಗಳ ಅವಿಸ್ಮರಣೀಯ ಸೇವೆಯನ್ನು ರಂಗಭೂಮಿಗೆ ನೀಡಿದ್ದು,ಜೀವಿಸಲು ಒಂದು ಸೂರು ಇಲ್ಲದ ಸ್ಥಿತಿಯಲ್ಲಿಯೆ ಬದುಕಿನ ಬಂಡೆಯನ್ನು ಮುನ್ನಡೆಸುತ್ತಿದ್ದಾರೆ.
ಸರ್ಕಾರ ನೀಡುವ ಮಾಶಾಸನದಲ್ಲಿಯೇ ಜೀವನ ನಡೆಸುತ್ತಿದ್ದು,ಸರ್ಕಾರ ಇನ್ನೂ ಹೆಚ್ಚಿನ ಪರಿಹಾರವನ್ನು ಕಲಾವಿದರಿಗೆ ನೀಡಬೇಕಿದೆ.ಅಲ್ಲದೇ ಯಾರಾದರೂ ಸಹಾಯ ಮಾಡಲು ಆಸಕ್ತಿಯಿರುವವರು sbi A/c 34416445674 ifsc code-SBIN0020824 ಗೆ ಧನ ಸಹಾಯ ಮಾಡಲು ಕಲಾವಿದ ಪ್ರಕಾಶ ಕಡಪಟ್ಟಿ ಮನವಿ ಮಾಡಿದ್ದಾರೆ.
Kshetra Samachara
26/09/2020 06:57 pm
ಸಂಬಂಧಿತ ಸುದ್ದಿ
LOADING...
