ಎಣ್ಣೆ ಗುಂಗಲ್ಲಿ ಅಳಿಯನಿಗೆ ಗುಂಡಿಕ್ಕಿದ..!
ಗುಂಡಿನ ಮತ್ತೆ ಗಮ್ಮತ್ತು. ಅಳತೆ ಮೀರಿದರೆ ಆಪತ್ತು ಎಂಬ ಮಾತಿದೆ. ಗುಂಡು ಹಾಕಿದ ಗಂಡಸರು ಜಗತ್ತನ್ನೇ ಗೆಲ್ಲುತ್ತೇನೆ ಎಂದು ವೀರಾವೇಷ ತೋರುತ್ತಾರೆ. ಆದರೆ ಇಲ್ಲೊಬ್ಬ ಮಹಾ ಕುಡುಕ ಅಳೆಯನ ಪ್ರಾಣ ಪಕ್ಷಿಯನ್ನೇ ಹಾರಿಸಿದ್ದಾನೆ. ಉತ್ತರ ಪ್ರದೇಶದ ಮುಜಾಫರ್ನಗರದಲ್ಲಿ ನಡೆದ ಈ ದುರಂತದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಜಮೀನಿನಲ್ಲಿ ನಿರ್ಮಿಸಲಾಗಿದ್ದ ವಾಟರ್‌ ಟ್ಯಾಂಕ್ ಮೇಲೆ ಇಬ್ಬರು ಮದ್ಯ ಸೇವಿಸುತ್ತಾ ಕುಳಿತಿದ್ದರು. ಈ ದೃಶ್ಯವನ್ನು ಇಬ್ಬರ ಪೈಕಿ ಓರ್ವನ ಅಳಿಯ ತನ್ನ ಮೊಬೈಲ್‌ನಲ್ಲಿ ಸೆರೆ ಹಿಡಿಯುತ್ತಿದ್ದ. ಈ ವೇಳೆ ಅವರ ಬಳಿ ಇದ್ದ ಕಂಟ್ರಿ ಮೇಡ್ ಪಿಸ್ತೂಲನ್ನೂ ಹೊರತೆಗೆದಿದ್ದಾರೆ. ಪಿಸ್ತೂಲು ಹೊರತೆಗೆದ ವ್ಯಕ್ತಿ ಅದಕ್ಕೆ ಬುಲೆಟ್ ಹಾಕಿ ಅಳಿಯನಿಗೆ ಗುರಿ ಇಟ್ಟು ಶೂಟ್ ಮಾಡಿದ್ದಾನೆ. ಪರಿಣಾಮ ಗಂಭೀರವಾಗಿ ಗಾಯಗೊಂಡ ಯುವಕ ಮೊಬೈಲ್ ಕೈಬಿಟ್ಟು ನೆಲಕ್ಕೆ ಉರುಳಿದ್ದಾನೆ. ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಶೂಟ್ ಮಾಡಿದ ಆರೋಪಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ.
PublicNext
27/02/2021 05:47 pm
ಸಂಬಂಧಿತ ಸುದ್ದಿ
LOADING...
