ತೆರಿಗೆ ವಂಚನೆ ಮಾಡ್ತಿದ್ದ 1ಲಕ್ಷ ಕಟ್ಟಡಗಳ ಮಾಲೀಕರು: ಪಾಲಿಕೆ ನೋಟಿಸ್ ಜಾರಿ
ಬೆಂಗಳೂರು: ವಸತಿ ಕಟ್ಟಡಗಳೆಂದು ಪರವಾನಗಿ ಪಡೆದು ಅದೇ ಕಟ್ಟಡಗಳಲ್ಲಿ ವಾಣಿಜ್ಯ ಚಟುವಟಿಕೆ ನಡೆಸಿ ಬಾಡಿಗೆ ಮತ್ತಿತರ ಲಾಭ ಪಡೆಯುತ್ತ ಪಾಲಿಕೆಗೆ ತೆರಿಗೆ ವಂಚನೆ ಮಾಡುತ್ತಿದ್ದ 1ಲಕ್ಷ ಕಟ್ಟಡಗಳನ್ನು ಪತ್ತೆ ಹಚ್ಚಲಾಗಿದೆ. ಈ ರೀತಿಯಾಗಿ ಸರ್ಕಾರಕ್ಕೆ ತೆರಿಗೆ ಪಂಗನಾಮ ಹಾಕುತ್ತಿದ್ದ ಒಂದು ಲಕ್ಷ ಕಟ್ಟಡಗಳ ಮಾಲೀಕರಿಗೆ ಬಿಸಿ ಮುಟ್ಟಿಸಲು ಪಾಲಿಕೆ ಆಯುಕ್ತ ಮಂಜುನಾಥ್ ಪ್ರಸಾದ್ ಮುಂದಾಗಿದ್ದಾರೆ.
ನಗರದಲ್ಲಿ ನಿಯಮ ಉಲ್ಲಂಘಿಸಿ ವಸತಿ ಪ್ರದೇಶಗಳಲ್ಲೂ ವಾಣಿಜ್ಯ ಕಟ್ಟಡಗಳು ತಲೆಯೆತ್ತಿವೆ. 15-20 ಅಡಿ ಅಗಲದ ರಸ್ತೆಗಳಲ್ಲೂ ವಸತಿ ಕಟ್ಟಡಗಳನ್ನು ವಾಣಿಜ್ಯ ಉದ್ದೇಶಕ್ಕೆ ಪರಿವರ್ತಿಸುತ್ತಿರುವವರ ಸಂಖ್ಯೆ ಜಾಸ್ತಿಯಾಗಿದೆ. ಸಣ್ಣಪುಟ್ಟ ಅಂಗಡಿಗಳು, ತರಕಾರಿ, ದಿನಸಿ ಮಳಿಗೆಗಳು, ಗೋದಾಮುಗಳೂ ಸೇರಿದಂತೆ ಹಲವು ಉದ್ದೇಶಗಳಿಗೆ ವಸತಿ ಕಟ್ಟಡಗಳ ಅರ್ಧದಷ್ಟು ವಿಸ್ತೀರ್ಣವನ್ನು ಬಾಡಿಗೆಗೆ ಕೊಡಲಾಗುತ್ತಿದೆ. ಆದರೆ, ಕಟ್ಟಡ ಮಾಲೀಕರು ವಾಣಿಜ್ಯ ಉದ್ದೇಶಕ್ಕೆ ನೀಡಿರುವುದನ್ನು ಮರೆ ಮಾಚಿ, ವಸತಿ ಕಟ್ಟಡದ ತೆರಿಗೆ ಪಾವತಿಸುತ್ತಿದ್ದಾರೆ. ಇದರಿಂದ ಪಾಲಿಕೆಗೆ ಕೋಟ್ಯಂತರ ರೂ. ಆದಾಯ ಕೈತಪ್ಪಿ ಹೋಗುತ್ತಿದೆ.
ವಸತಿ ಕಟ್ಟಡಗಳಲ್ಲಿ ವಾಣಿಜ್ಯ ಚಟುವಟಿಕೆ ನಡೆಸುತ್ತಿರುವ ಕಟ್ಟಡಗಳ ಮಾಲೀಕರಿಗೆ ಬಿಬಿಎಂಪಿ ಈಗಾಗಲೇ ನೋಟಿಸ್ ಜಾರಿ ಮಾಡಿದೆ.
PublicNext
16/12/2020 08:18 am
ಸಂಬಂಧಿತ ಸುದ್ದಿ
LOADING...
