ಬೆಂಗಳೂರು: ಚಾಲಕನ ನಿಯಂತ್ರಣ ತಪ್ಪಿ ನಂದಿನಿ ಹಾಲಿನ ಕೇಂದ್ರಕ್ಕೆ ನುಗ್ಗಿದ ಲಾರಿ ಡಿಕ್ಕಿ
ದೊಡ್ಡಬಳ್ಳಾಪುರ: ಚಾಲಕನ ನಿಯಂತ್ರಣ ತಪ್ಪಿದ ಲಾರಿಯೊಂದು ನಂದಿನಿ ಹಾಲಿನ ಕೇಂದ್ರಕ್ಕೆ ನುಗ್ಗಿದ ಘಟನೆ ದೊಡ್ಡಬಳ್ಳಾಪುರ ನಗರದ ರೈಲ್ವೆ ಸ್ಟೇಷನ್ ಸರ್ಕಲ್‌ನಲ್ಲಿ ಇಂದು ನಸುಕಿನ ಜಾವ 4:30ರ ಸುಮಾರಿಗೆ ನಡೆದಿದೆ.
ಗೌರಿಬಿದನೂರು ನಿಂದ ಬೆಂಗಳೂರು ಕಡೆಗೆ ಹೋಗುತ್ತಿದ್ದ ಲಾರಿಯು ಚಾಲಕನ ನಿಯಂತ್ರಣ ತಪ್ಪಿ ರೈಲ್ವೆ ಸ್ಟೇಷನ್ ಸರ್ಕಲ್‌ನ ಕರ್ನರ್‌ನಲ್ಲಿಯೇ ಇದ್ದ ನಂದಿನಿ ಹಾಲಿನ ಬೂತ್‌ಗೆ ನುಗ್ಗಿದೆ. ಘಟನೆ ವೇಳೆ ಹಾಲಿನ ಕೇಂದ್ರ ತೆಗೆದಿರಲಿಲ್ಲ. ಮುಂಜಾನೆ ಹಾಲು ಖರೀದಿಗೆ ಹೆಚ್ಚಿನ ಜನರು ಬರುತ್ತಾರೆ. ಒಂದು ಈ ವೇಳೆ ಅಂಗಡಿ ತೆರೆದಿದ್ದರೆ ಭಾರೀ ಅನಾಹುತವೇ ಸಂಭವಿಸುತ್ತಿತ್ತು. ಅದೃಷ್ಟವಶಾತ್ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ಅಪಘಾತದ ನಂತರ ಲಾರಿ ಚಾಲಕ ಪರಾರಿಯಾಗಿದ್ದಾನೆ.
ಘಟನೆಯಲ್ಲಿ ಹಾಲಿನ ಕೇಂದ್ರದ ಮುಂದೆ ನಿಲ್ಲಿಸಿದ್ದ ಎರಡು ಕಬಾಬ್ ಗಾಡಿಗಳು ಸಹ ಜಖಂಗೊಂಡಿವೆ. ಇನ್ನು ಲಾರಿಯನ್ನ ತೆರವು ಮಾಡದೆ ಇದಿದ್ದರಿಂದ ಸರ್ಕಲ್‌ನಲ್ಲಿ ಕೆಲ ಹೊತ್ತು ಟ್ರಾಫಿಕ್‌ ಜಾಮ್ ಉಂಟಾಯಿತು. ದೊಡ್ಡಬಳ್ಳಾಪುರ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.
Kshetra Samachara
16/08/2022 09:33 am
ಸಂಬಂಧಿತ ಸುದ್ದಿ
LOADING...
