ಧಾರವಾಡ: ತನ್ನ ನೋವು ನುಂಗಿ ಕರುಳ ಕುಡಿಗೆ ಹಾಲುಣಿಸುತ್ತಿರುವ ಅಶ್ವ- ಮನ ಮಿಡಿಯುವ ದೃಶ್ಯ!
ಧಾರವಾಡ: ಕುರುಬರ ಕುದುರೆ ಹಿಂಡಿನಲ್ಲಿದ್ದ ಆ ಕುದುರೆಗೆ ಆನೆಕಾಲು ರೋಗ ಬಾಧಿಸಿತ್ತು. ಹೀಗಾಗಿ ಆ ಕುದುರೆಯನ್ನು ಕುರುಬರು ಗರ್ಭಿಣಿ ಇದ್ದಾಗಲೇ, ಅರ್ಧ ದಾರಿಯಲ್ಲೇ ಬಿಟ್ಟು ಹೋಗಿದ್ದರು. ಈಗ ಆ ಕುದುರೆಗೆ ಮರಿ ಕೂಡ ಜನಿಸಿದೆ.
ಮೊದಲೇ ತನಗೆ ಆನೆಕಾಲು ರೋಗ ಇದ್ದು, ನಡೆಯುವುದೇ ತಾಯಿ ಕುದುರೆಗೆ ಕಷ್ಟವಾಗಿದೆ. ಹೀಗಿದ್ದರೂ ತನ್ನ ಮರಿಗಾಗಿ ಆ ಕುದುರೆ ಜೀವ ಸವೆಸುತ್ತಿದೆ. ಕುಂಟುತ್ತಾ ಸಾಗಿ ಅಲ್ಲಲ್ಲಿ ಮೇಯ್ದು ತನ್ನ ಮಗುವಿಗೆ ಹಾಲುಣಿಸುವ ದೃಶ್ಯ ಕರುಳು ಹಿಂಡುವಂತಿದೆ.
ತಾಯಿ ಕುದುರೆಯ ಮುಂಗಾಲು ಆನೆಕಾಲಿನಂತಾಗಿದೆ. ಆ ಕುದುರೆಗೆ ನಡೆದಾಡುವುದೂ ಕಷ್ಟವಾಗಿದೆ. ಹೀಗಿದ್ದಾಗಲೂ ಮರಿಗೆ ಜನ್ಮ ಕೊಟ್ಟಿರುವ ಅಶ್ವ, ತನ್ನ ಕರುಳ ಬಳ್ಳಿಗಾಗಿ ಆದಷ್ಟು ದಿನ ಜೀವ ಸವೆಸುತ್ತಿದೆ. ತಾಯಿ ಬಿಟ್ಟು ತನಗೆ ಯಾರೂ ದಿಕ್ಕಿಲ್ಲದೇ ಇರುವುದರಿಂದ ಮರಿ ಕುದುರೆಯು ತಾಯಿ ಕುದುರೆಯೊಂದಿಗೆ ಸಾಗುತ್ತಿರುವ ದೃಶ್ಯ ಮನಮಿಡಿಯುವಂತಿದೆ.
Kshetra Samachara
22/01/2025 07:56 am
ಸಂಬಂಧಿತ ಸುದ್ದಿ
LOADING...
