ಅಥಣಿ : ಟ್ರ್ಯಾಕ್ಟ‌ರ್ ಟ್ರಾಲಿಗೆ ಕಾರು ಡಿಕ್ಕಿ : ನಾಲ್ವರು ಪ್ರಯಾಣಿಕರಿಗೆ ಗಾಯ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಅಥಣಿ : ಟ್ರ್ಯಾಕ್ಟ‌ರ್ ಟ್ರಾಲಿಗೆ ಕಾರು ಡಿಕ್ಕಿ : ನಾಲ್ವರು ಪ್ರಯಾಣಿಕರಿಗೆ ಗಾಯ

ಅಥಣಿ ಸಮೀಪದ ಬಡಚಿ ಗ್ರಾಮದ ಹತ್ತಿರ ಜೇವರ್ಗಿ-ಸಂಕೇಶ್ವರ ರಾಷ್ಟ್ರೀಯ ಹೆದ್ದಾರಿ ಟೋಲ್‌ನಾಕಾ ಬಳಿ ತಡರಾತ್ರಿ ಕಾರವೊಂದು ಕಬ್ಬು ಸಾಗಿಸುತ್ತಿದ್ದ ಟ್ರ್ಯಾಕ್ಟರ್ ಟ್ರಾಲಿಗೆ ಡಿಕ್ಕಿ ಹೊಡೆದ ಪರಿಣಾಮ ಕಾರಿ‌ನಲ್ಲಿದ್ದ ನಾಲ್ವರು ಗಾಯಗೊಂಡ ಘಟನೆ ನಡೆದಿದೆ.

ಅಥಣಿ ಪಟ್ಟಣದ ಬಣಜವಾಡ ಶಿಕ್ಷಣ ಸಂಸ್ಥೆಯ ಸಂಸ್ಥಾಪಕ ಅಧ್ಯಕ್ಷ ಲಕ್ಷ್ಮಣ ಬಣಜವಾಡ (55), ರಾಜೇಂದ್ರ ಪೂಜಾರಿ (56), ಚಿಕ್ಕೂಡ ಗ್ರಾಮದ ಮಲ್ಲಪ್ಪ ತೇಲಿ (45) ಹಾಗೂ ಅಥಣಿ ಪಟ್ಟಣದ ಚಾಲಕ ದುಂಡಪ್ಪ ವನಜೋಳಿ (28) ಗಾಯಗೊಂಡಿದ್ದಾರೆ.

ಇವರು ಕಾರಿನಲ್ಲಿ ವಿಜಯಪುರ ಕಡೆಯಿಂದ ಅಥಣಿಗೆ ತೆರಳಿವಾಗ ಈ ಅಪಘಾತ ಸಂಭವಿಸಿದೆ. ಗಾಯಾಳುಗಳನ್ನು ಅಥಣಿ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಐಗಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸ್ಥಳಕ್ಕೆ ಐಗಳಿ ಪಿಎಸ್‌ಐ ಚಂದ್ರಶೇಖರ ಸಾಗನೂರ, ಹವಾಲ್ದಾರ ಪ.ಎಸ್. ಮಲಗೌಡರ, ಸಂಜು ಸನಗೊಂಡ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

Edited By :