ದೊಡ್ಮನೆಯಲ್ಲಿ ಸೀರೆಯುಟ್ಟು ಬಂದ ಮಂಜು, ಗೋಲ್ಡ್ ಸುರೇಶ್
ಬಿಗ್ ಬಾಸ್ ಮನೆಯಲ್ಲಿ ಟಾಸ್ಕ್ ಅಂತ ಬಂದ್ರೆ ಉಳಿದವರಕ್ಕಿಂತ ಮಂಜು ಎತ್ತಿದ ಕೈ. ಆದರೆ ಇದೀಗ ಉಗ್ರಂ ಮಂಜು ಟಾಸ್ಕ್ ಜೊತೆಗೆ ಎಂಟರ್‌ಟೈನ್ಮೆಂಟ್‌ ಕೊಡಲು ರೆಡಿಯಾಗಿದ್ದಾರೆ. ಅವರ ಜೊತೆ ಗೋಲ್ಡ್ ಸುರೇಶ್ ಹಾಗೂ ಭವ್ಯಾಗೌಡ ಕೂಡ ಸೇರಿಕೊಂಡಿದ್ದಾರೆ. ಉಳಿದೆಲ್ಲಾ ಸ್ಪರ್ಧಿಗಳಿಗೆ ಈ ಮೂವರು ಭರ್ಜರಿ ಮನರಂಜನೆ ನೀಡಿದ್ದಾರೆ.
ದೊಡ್ಮನೆಯಲ್ಲಿ ಈ ವಾರ ‘ಬಿಗ್ ಬಾಸ್’ ಮಾಸ್ಟರ್‌ ಸ್ಟ್ರೋಕ್ ಕೊಟ್ಟಿದ್ದಾರೆ. ಬಿಗ್ ಬಾಸ್ ಮನೆಯಲ್ಲಿ ಸಿಗುವ ಅಧಿಕಾರಗಳನ್ನು ಸದುಪಯೋಗ ಪಡಿಸಿಕೊಳ್ಳುವ ಅವಕಾಶವನ್ನ ಎಲ್ಲಾ ಸ್ಪರ್ಧಿಗಳಿಗೂ ನೀಡಲಾಗಿದೆ. ಇದರ ಅನುಸಾರ ಟಾಸ್ಕ್ ನಲ್ಲಿ ಸೋತ ತಂಡದಿಂದ ಸೇವೆ ಮಾಡಿಸಿಕೊಳ್ಳುವ ಅಧಿಕಾರ, ಭಾಗ್ಯ ಗೆದ್ದ ತಂಡಕ್ಕಿದೆ. ಅದರಂತೆ ಸೋತ ಉಗ್ರಂ ಮಂಜು ತಂಡ ಈಗ ಸೇವೆ ಮಾಡಲು ಮುಂದಾಗಿದೆ.
ಗೆದ್ದ ತಂಡ ಮನರಂಜನೆಯ ಬೇಡಿಕೆ ಇಟ್ಟಿರಬೇಕು. ಅದಕ್ಕೆ, ಉಗ್ರಂ ಮಂಜು ಹಾಗೂ ಗೋಲ್ಡ್ ಸುರೇಶ್ ಸೀರೆಯುಟ್ಟು ಬಂದಿದ್ದಾರೆ. ಭವ್ಯಾ ಗೌಡ ಗಂಡಿನ ಅವತಾರ ತಾಳಿದ್ದಾರೆ. ಗೋಲ್ಡ್ ಸುರೇಶ್‌ಗೆ ಧನರಾಜ್ ಆಚಾರ್ ಫುಲ್ ಕಾಟ ಕೊಡುತ್ತಿದ್ದಾರೆ. ಬೇಡದ ಕೆಲಸಗಳನ್ನೆಲ್ಲಾ ಗೋಲ್ಡ್ ಸುರೇಶ್ ಕೈಯಲ್ಲಿ ಧನರಾಜ್ ಮಾಡಿಸುತ್ತಿದ್ದಾರೆ. ಇದಂತೂ ಬಿಗ್ ಬಾಸ್ ಪ್ರೋಮೊದಲ್ಲಿ ನಗುವಿನ ಅಲೆಯನ್ನು ಮೂಡಿಸಿದೆ. ಸೇವೆ ಭಾಗ್ಯದಡಿಯಲ್ಲಿ ಸ್ಪರ್ಧಿಗಳು ವೀಕ್ಷಕರಿಗೆ ಭರ್ಜರಿ ಮನೋರಂಜನೆ ಕೊಡುತ್ತಾರಾ ಎಂಬುದು ಇಂದಿನ ಸಂಚಿಕೆಯಲ್ಲಿ ಗೊತ್ತಾಗಲಿದೆ.
PublicNext
06/11/2024 02:11 pm
ಸಂಬಂಧಿತ ಸುದ್ದಿ
LOADING...
