ಕಾರವಾರ: ಪರೇಶ್ ಬಿಜೆಪಿ ಕಾರ್ಯಕರ್ತ, ಸಿಬಿಐ ರಿಪೋರ್ಟ್ ಪುನರ್ ಪರಿಶೀಲಿಸಲು ಮನವಿ ಸಲ್ಲಿಸ್ತೇವೆ: ಪೂಜಾರಿ
ಕಾರವಾರ (ಉತ್ತರ ಕನ್ನಡ): ಪರೇಶ್ ಮೇಸ್ತ ನಮ್ಮ ಪಕ್ಷದ ಕಾರ್ಯಕರ್ತನಾಗಿದ್ದ. ಆದ್ದರಿಂದ ಆತನ ಕುಟುಂಬದ ಪರವಾಗಿ ನಿಲ್ಲುವುದು ನಮ್ಮ ಮತ್ತು ಸರ್ಕಾರದ ಕರ್ತವ್ಯ. ಅವರ ತಂದೆಯ ವಿನಂತಿಯಂತೆ ಸಿಬಿಐ ತಾನು ಸಲ್ಲಿಸಿದ ಬಿ ರಿಪೋರ್ಟ್‌ಅನ್ನು ಪುನರ್ ಪರಶೀಲಿಸುವಂತೆ ಆದೇಶಿಸಲು ನ್ಯಾಯಾಲಯಕ್ಕೆ ಪುನರ್ ಮನವಿ ಸಲ್ಲಿಸಲಾಗುವುದು ಎಂದು ಉತ್ತರ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಹೇಳಿದ್ದಾರೆ.
ಹೊನ್ನಾವರದಲ್ಲಿ ಮಾತನಾಡಿದ ಅವರು, ಸಿಬಿಐ ನ್ಯಾಯಾಲಯಕ್ಕೆ ಸಲ್ಲಿಸಿರುವ ಬಿ ರಿಪೋರ್ಟ್ ಬಗ್ಗೆ ಪುನರ್ ತನಿಖೆ ಮಾಡಿಸಬೇಕು ಎಂದು ಮೃತ ಪರೇಶ್ ಮೇಸ್ತ ಅವರ ತಂದೆ ಕಮಲಾಕರ ಮೇಸ್ತ ವಿನಂತಿಸಿದ್ದಾರೆ. ತಮ್ಮ ಮಗನ ಹತ್ಯೆಯಾಗಿದೆ. ಸಿಬಿಐ ನಡೆಸಿದ ತನಿಖೆಯಲ್ಲಿ ದೋಷಗಳಿವೆ ಎಂದಿದ್ದಾರೆ. ಹೀಗಾಗಿ ಅವರ ಪರವಾಗಿ ನಿಲ್ಲಲು ಪಕ್ಷ ತೀರ್ಮಾನಿಸಿದೆ. ಬಿ ರಿಪೋರ್ಟ್ ವರದಿ ಪಡೆದು ಮುಖ್ಯಮಂತ್ರಿಗಳೊಂದಿಗೆ ಮತ್ತು ಗೃಹಮಂತ್ರಿಗಳೊಂದಿಗೆ ಮಾತುಕತೆ ನಡೆಸಿ ಕಮಲಾಕರ ಮೇಸ್ತ ಅನಿಸಿಕೆಯಂತೆ ಸರ್ಕಾರ ನಡೆದುಕೊಳ್ಳಲಿದೆ ಎಂದು ಹೇಳಿದ್ದಾರೆ.
ಪಕ್ಷದ ಕಾರ್ಯಕರ್ತನಾಗಿದ್ದಲ್ಲಿ ಅವನ ಸಾವಿಗೆ ನ್ಯಾಯ ಸಿಗುವಂತೆ ಪ್ರಯತ್ನಿಸುವುದು ನಮ್ಮ ಧರ್ಮ, ಆ ಕೆಲಸ ಮಾಡಿದ್ದೇವೆ. ನಮ್ಮನ್ನು ಟೀಕಿಸುವ ಕಾಂಗ್ರೆಸ್ಸಿಗರು ಪರೇಶ ಮೇಸ್ತ ತಂದೆಯ ಸ್ಥಾನದಲ್ಲಿ ನಿಂತು ಒಮ್ಮೆ ಆಲೋಚಿಸಲಿ. ಅವರ ಅನಿಸಿಕೆಗೆ ಸ್ಪಂದಿಸಬೇಕಾದದ್ದು ನಮ್ಮ ಕರ್ತವ್ಯ. ರಾಜ್ಯದಲ್ಲಿ 23 ಅಸಹಜ ಸಾವುಗಳಲ್ಲಿ ಇಂತಹದು ನಡೆದಿದೆ. ನ್ಯಾಯ ಸಿಗಬೇಕಾದದ್ದು ಮುಖ್ಯ. ಅದಕ್ಕಾಗಿ ಬಿಜೆಪಿ ಹೋರಾಡುತ್ತಿದೆ ಎಂದು ಹೇಳಿದರು.
PublicNext
10/10/2022 07:37 pm
ಸಂಬಂಧಿತ ಸುದ್ದಿ
LOADING...
