ಕಾರ್ಕಳ ದುರ್ಗಾ ಪರಿಸರದಲ್ಲಿ ಭಾರೀ ಬಿರುಗಾಳಿ: ಅಪಾರ ಹಾನಿ
ಕಾರ್ಕಳ: ಕಾರ್ಕಳ ತಾಲೂಕಿನ ದುರ್ಗಾ ಗ್ರಾಮದಲ್ಲಿ ಮಂಗಳವಾರ ಮುಂಜಾನೆ 11:30 ಗಂಟೆಗೆ ಬೀಸಿದ ಬಾರಿ ಬಿರುಗಾಳಿಗೆ ದುರ್ಗಾ ತೆಳ್ಳಾರು ಕುಕ್ಕಾಜೆಪಲ್ಕೆ ಪರಿಸರದ ರಿಯಾಜ್ ಹಾಗೂ ಸದಾಶಿವ ಆಚಾರ್ಯ ಎನ್ನುವವರ ಮನೆಗಳ ಮೇಲ್ಚಾವಣಿಗೆ ಸಂಪೂರ್ಣ ಹಾನಿಯಾಗಿದೆ. ಈ ಪೈಕಿ ರಿಯಾಜ್ ಅವರ ಕುರಿಮರಿ ಸತ್ತಿದ್ದು, ಮಹಮ್ಮದ್ ಹುಸೇನ್ ಹಾಗೂ ವಸಂತಿ ಎಂಬವರ ಮನೆಗಳಿಗೆ ಸ್ವಲ್ಪ ಹಾನಿಗೀಡಾಗಿದೆ. ಹಾಗೂ ಕೃಷಿ ಜಮೀನಿಗೆ ಅಪಾರ ಹಾನಿಯಾಗಿದೆ.ಹಲವೆಡೆ ಕೊಟ್ಟಿಗೆಯ ತಗಡು ಶೀಟುಗಳು ಹಾಗೂ ಹೆಂಚು ಹಾರಿ ಹೋಗಿದ್ದು ಅಡಿಕೆ ಹಾಗೂ ತೆಂಗಿನ ಮರಗಳು,ವಿದ್ಯುತ್ ಕಂಬಗಳು ನೆಲಕಚ್ಚಿದ್ದು ಸಾವಿರಾರು ರೂಪಾಯಿ ನಷ್ಟ ಸಂಭವಿಸಿದೆ.
ಸ್ಥಳಕ್ಕೆ ಕಾರ್ಕಳ ತಹಶೀಲ್ದಾರ್ ಪ್ರದೀಪ್ ಕುರ್ಡೇಕರ್, ಪಂಚಾಯತ್ ಅಧ್ಯಕ್ಷ ಸತೀಶ್ ನಾಯಕ್,ಉಪಾಧ್ಯಕ್ಷೆ ಸುಶೀಲಾ,ಸದಸ್ಯೆ ದೇವಕಿ, ರಾಜೇಶ್ ಗೋರೆ,ಮಾಜಿ ಅಧ್ಯಕ್ಷ ದಿನೇಶ್ ನಾಯಕ್,ಸತ್ಯನಾರಾಯಣ ಪಡ್ರೆ ಕಂದಾಯ ನಿರೀಕ್ಷಕ ಶಿವಪ್ರಸಾದ್ ರಾವ್,ಗ್ರಾಮ‌ಕರಣಿಕರಾದ ಮೇಘನಾ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.
Kshetra Samachara
13/09/2022 04:01 pm
ಸಂಬಂಧಿತ ಸುದ್ದಿ
LOADING...
