ಬೆಳ್ತಂಗಡಿ: ನಿರ್ಭೀತಿಯಾಗಿದ್ದರೇ ಸಾವಿನ ಭಯ ಇರಲ್ಲ, ಗಾಂಧಿಯ ಅನುಯಾಯಿಗಳು ದೀರ್ಘಾಯುಷಿಗಳಾಗಿದ್ದರು. ಡಾ ಡಿ ವೀರೇಂದ್ರ ಹೆಗ್ಗಡೆ
ಬೆಳ್ತಂಗಡಿ: ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ದಿ ಯೋಜನೆ ಬಿಸಿ ಟ್ರಸ್ಟ್, ಅಖಿಲ ಕರ್ನಾಟಕ ಜನಜಾಗೃತಿ ವೇದಿಕೆ ಟ್ರಸ್ಟ್ ಹಾಗೂ ಅಖಿಲ ಕರ್ನಾಟಕ ಜನಜಾಗೃತಿ ವೇದಿಕೆಯ ವತಿಯಿಂದ ಗಾಂಧೀ ಜಯಂತಿ ಸಂಭ್ರಮಾಚರಣೆಯ ಪ್ರಯುಕ್ತ ದುಶ್ಚಟಮುಕ್ತ ಸಮಾಜ ನಿರ್ಮಾಣಕ್ಕಾಗಿ 'ಗಾಂಧಿಸ್ಮೃತಿ ಮತ್ತು ವ್ಯಸನಮುಕ್ತ ಸಾಧಕರ ಸಮಾವೇಶ' ಇಂದು ಧರ್ಮಸ್ಥಳದಲ್ಲಿ ನಡೆಯಿತು. ಧರ್ಮಾಧಿಕಾರಿ ಡಾ. ಡಿ. ವೀರೇಂದ್ರ ಹೆಗ್ಗಡೆ ಅಧ್ಯಕ್ಷತೆ ವಹಿಸಿದ್ದರು. ಶಾಸಕ ಹರೀಶ್ ಪೂಂಜಾ ಕಾರ್ಯಕ್ರಮ ಉದ್ಘಾಟಿಸಿದರು. ಅಖಿಲ ಕರ್ನಾಟಕ ಜನಜಾಗೃತಿ ವೇದಿಕೆಯ ರಾಜ್ಯಾಧ್ಯಕ್ಷ ವಿ. ರಾಮಸ್ವಾಮಿ ಜಾಥಾ ಉದ್ಘಾಟಿಸಿದರು. ಇದೇ ವೇಳೆ ಮಾತನಾಡಿದ ಧರ್ಮಸ್ಥಳ ಧರ್ಮಾಧಿಕಾರಿ ಡಾ. ಡಿ. ವೀರೇಂದ್ರ ಹೆಗ್ಗಡೆ, ನಿರ್ಭೀತಿಯಾಗಿದ್ದರೇ ಸಾವಿನ ಭಯ ಇರಲ್ಲ.
ಹೀಗಾಗಿ ಗಾಂಧಿಯ ಅನುಯಾಯಿಗಳು ದೀರ್ಘಾಯುಷಿಗಳಾಗಿದ್ದರು. ಅವರಿಗೇ ಭಯವೇ ಇರಲಿಲ್ಲ. ಸ್ವಾತಂತ್ರ್ಯ ಹೋರಾಟಗಾರರು ಯಾಕೆ ದೀರ್ಘಾಯುಷಿ ಆಗಿದ್ದಾರೆ ಎಂದು ನಾನು ಯೋಚಿಸಿದಾಗ ಅವರು ನಿರ್ಭೀತಿಯಾಗಿರುವುದೇ ಇದಕ್ಕೆ ಕಾರಣ ಎಂದು ತಿಳಿಯಿತು. ಹಣ, ಅಂತಸ್ತಿನ ಮೂಲಕ ಜನರು ವ್ಯಕ್ತಿಗೆ ನೀಡುವ ಗೌರವದಲ್ಲಿ ವ್ಯತ್ಯಾಸ ಕಾಣುತ್ತದೆ. ಹೆಚ್ಚಿನ ಕಲಾವಿದರಿಗೆ ದುಶ್ಚಟ ಒಂದು ಶಾಪವಾಗಿರುತ್ತದೆ. ಈಗ ದುಶ್ಚಟ ಬಿಟ್ಟ ಮಂದಿ ತಮ್ಮ ಅನಿಸಿಕೆ ವ್ಯಕ್ತಪಡಿಸಿದಾಗ ನನಗೆ ತುಂಬಾ ಸಂತೋಷವಾಯಿತು. ನಾವು ನಿರ್ಭೀತಿಯಿಂದ ಈ ಕೆಲಸ ಮಾಡುತ್ತಿದ್ದೇವೆ ಎಂದರು...
Kshetra Samachara
02/10/2021 10:59 pm
ಸಂಬಂಧಿತ ಸುದ್ದಿ
LOADING...
