ಬಂಟ್ವಾಳ: "ಕಾಂಗ್ರೆಸ್ ಬೆಂಬಲದಿಂದ ದೇಶ ವಿರೋಧಿಗಳಿಗೆ ಬಂದ ಸೊಕ್ಕು ಮುರಿಯುತ್ತೇವೆ"
ಬಂಟ್ವಾಳ: ಬೆಳ್ತಂಗಡಿ ತಾಲೂಕಿನ ಉಜಿರೆಯಲ್ಲಿ ಪಾಕ್ ಪರ ಘೋಷಣೆ ಕೂಗಿದ ಪ್ರಕರಣ ಖಂಡನೀಯ. ಇಂತಹ ದೇಶವಿರೋಧಿ ಆಟ ನಮ್ಮ ದೇಶದಲ್ಲಿ ನಡೆಯೊಲ್ಲ ಎಂದು ಬಂಟ್ವಾಳದಲ್ಲಿ ಸ‍ಚಿವ ಕೆ.ಎಸ್.ಈಶ್ವರಪ್ಪ ಹೇಳಿದ್ದಾರೆ.
ಬಿಜೆಪಿ ಜನಸೇವಕ ಸಮಾವೇಶದ ಹಿನ್ನೆಲೆಯಲ್ಲಿ ಬಂಟ್ವಾಳಕ್ಕೆ ಆಗಮಿಸಿದ ಅವರು, ದೇಶವಿರೋಧಿ ಘೋಷಣೆ ಕೂಗಿದ ಪ್ರಕರಣದ ಬಗ್ಗೆ ಕಾಂಗ್ರೆಸ್ ಖಂಡನೆ ವ್ಯಕ್ತಪಡಿಸಿಲ್ಲ. ದೇಶದ್ರೋಹಿ ಚಟುವಟಿಕೆಗಳನ್ನು ಮಾಡುವವರ ವಿರುದ್ಧ ನಾವು ಕಠಿಣ ಕಾನೂನು ಕ್ರಮ ತೆಗೆದುಕೊಳ್ಳುತ್ತೇವೆ ಎಂದು ಎಚ್ಚರಿಕೆ ನೀಡಿದ ಅವರು, ಕಾಂಗ್ರೆಸ್ ನವರು ದೇಶವಿರೋಧಿಗಳಿಗೆ ಬೆಂಬಲ ಕೊಡುತ್ತಿದ್ದಾರೆ. ಹೀಗಾಗಿ ದೇಶವಿರೋಧಿಗಳಿಗೆ ಸೊಕ್ಕು ಬಂದಿದೆ. ಅಂತಹವರ ಸೊಕ್ಕನ್ನು ನಾವು ಮುರಿಯುತ್ತೇವೆ ಎಂದ ಅವರು, ರಾಜ್ಯದಲ್ಲಿ ಕಾಂಗ್ರೆಸ್ ನೆಲ ಕಚ್ಚಿದೆ. ಕೆಲವೇ ತಿಂಗಳಲ್ಲಿ ಕಾಂಗ್ರೆಸ್ ಪಕ್ಷ ಧೂಳೀಪಟವಾಗಲಿದೆ ಎಂದರು.
Kshetra Samachara
11/01/2021 06:04 pm
ಸಂಬಂಧಿತ ಸುದ್ದಿ
LOADING...
