ವಿಟ್ಲ: ತುಂಬಿ ಹರಿಯುತ್ತಿರುವ ತೋಡಿನಲ್ಲಿ ಜೀವ ಭಯದ ಸಂಚಾರ: ಜಲಾಸುರನ ಆರ್ಭಟಕ್ಕೆ ಜನ ತತ್ತರ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ವಿಟ್ಲ: ತುಂಬಿ ಹರಿಯುತ್ತಿರುವ ತೋಡಿನಲ್ಲಿ ಜೀವ ಭಯದ ಸಂಚಾರ: ಜಲಾಸುರನ ಆರ್ಭಟಕ್ಕೆ ಜನ ತತ್ತರ

ವಿಟ್ಲ: ವಿಟ್ಲ ಪಟ್ಟಣ ಪಂಚಾಯಿತಿ ವ್ಯಾಪ್ತಿಯ ಗಾಂಧಿನಗರ-ಮಾಲಾಮೂಲೆ ಸಂಪರ್ಕ ರಸ್ತೆಯ ಸುತ್ತಮುತ್ತಲಿನ ಗ್ರಾಮಸ್ಥರು ಮಳೆಗಾಲದಲ್ಲಿ ಆತಂಕದಲ್ಲೇ ದಿನದೂಡುವಂತಾಗಿದೆ.

ವಿಟ್ಲ ಕಸಬಾ ಗ್ರಾಮದ ನೀರಕಣಿ, ಗಾಂಧಿನಗರ-ಮಾಲಮೂಲೆ ಸಂಪರ್ಕ ರಸ್ತೆಯ ಮಧ್ಯೆದಲ್ಲಿ ನೆಕ್ಕರೆಕಾಡು ಕಡೆಯಿಂದ ಬರುವ ನೀರು ಈ ತೋಡಿನ ಮೂಲಕ ಜೋಗಿಬೆಟ್ಟು ಕಡೆಯಿಂದ ನೇರವಾಗಿ ಕಡಂಬು ಹೊಳೆಯನ್ನು ಸೇರುತ್ತದೆ. ಮಳೆಗಾಲದಲ್ಲಿ ನೀರು ತುಂಬಿ ಹರಿಯುತ್ತಿದ್ದು, ವಿದ್ಯಾರ್ಥಿಗಳು, ಜನಸಾಮಾನ್ಯರು ಭಯದಲ್ಲೇ ತೋಡು ದಾಟುತ್ತಿದ್ದಾರೆ.

ಮಾಲಮೂಲೆ ಭಾಗದಲ್ಲಿ 15ಕ್ಕಿಂತಲೂ ಅಧಿಕ ಮನೆಗಳಿದ್ದು, ಈ ತೋಡು ಮೂಲಕವೇ ಜನರು ವಿಟ್ಲ ಪೇಟೆಗೆ ಆಗಮಿಸಬೇಕು. ತೋಡಿಗೆ ಅಡಿಕೆ ಮರಗಳನ್ನು ಹಾಕಲಾಗಿತ್ತು. ಆದರೆ ನೀರಿನ ಪ್ರವಾಹಕ್ಕೆ ಅದು ಕೊಚ್ಚಿಕೊಂಡು ಹೋಗಿದೆ.

ಈ ತೋಡಿಗೆ ಅಣೆಕಟ್ಟು ನಿರ್ಮಿಸಬೇಕಾಗಿ ಈ ಭಾಗದ ಜನರ ಬಹುವರ್ಷದ ಬೇಡಿಕೆಯಾಗಿದೆ. ಈ ಬಗ್ಗೆ ಜನಪ್ರತಿನಿಧಿಗಳಲ್ಲಿ ಮನವಿ ಮಾಡಿದ್ರೂ ಪ್ರಯೋಜನವಾಗಿಲ್ಲ ಎಂಬುದು ಸ್ಥಳೀಯರ ಆರೋಪ. ಆದಷ್ಟು ಬೇಗ ಸಂಬಂಧಪಟ್ಟ ಅಧಿಕಾರಿಗಳು ಈ ಸಮಸ್ಯೆಗೊಂದು ಶಾಶ್ವತ ಪರಿಹಾರ ನೀಡಬೇಕು ಅಂತ ಸ್ಥಳೀಯರು ಆಗ್ರಹಿಸಿದ್ದಾರೆ.

Edited By :