ಕಾಪು: ಸೇತುವೆ ಸಮೀಪ ಸ್ಕೂಟರ್ ನಿಲ್ಲಿಸಿ ಸವಾರ ನಾಪತ್ತೆ: ನೀರಿಗೆ ಹಾರಿರುವ ಶಂಕೆ!

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಕಾಪು: ಸೇತುವೆ ಸಮೀಪ ಸ್ಕೂಟರ್ ನಿಲ್ಲಿಸಿ ಸವಾರ ನಾಪತ್ತೆ: ನೀರಿಗೆ ಹಾರಿರುವ ಶಂಕೆ!

ಕಾಪು: ತಾಲೂಕಿನ ದೆಂದೂರುಕಟ್ಟೆ ಸಮೀಪದ ಕಲ್ಮಂಜೆ ಸೇತುವೆಯ ಪಕ್ಕ ಸ್ಕೂಟರೊಂದನ್ನು ನಿಲ್ಲಿಸಲಾಗಿದ್ದು ಇದರ ಸವಾರ ಸೇತುವೆಗೆ ಹಾರಿರುವ ಶಂಕೆ ವ್ಯಕ್ತವಾಗಿದೆ.

ಸವಾರನನ್ನು ದೆಂದೂರುಕಟ್ಟೆ ಸಮೃದ್ಧಿ ನಗರದ ಪುನೀತ್ (28) ಎಂದು ಗುರುತಿಸಲಾಗಿದೆ. ಈತ ಮಣಿಪಾಲದಲ್ಲಿ ಕೆಲಸ ಮಾಡಿಕೊಂಡಿದ್ದು, ಮಧ್ಯಾಹ್ನ ಬಾರ್‌ನಲ್ಲಿ ಮದ್ಯ ಸೇವಿಸಿ ಸ್ಕೂಟರ್ ಚಲಾಯಿಸಿಕೊಂಡು ಕಲ್ಮಂಜೆಗೆ ಬಂದಿದ್ದ ಎಂದು ಪರಿಚಿತರು ತಿಳಿಸಿದ್ದಾರೆ.

ಅಲ್ಲಿ ಆತ ಸ್ಕೂಟರ್ ನಿಲ್ಲಿಸಿ, ಸೇತುವೆಯಿಂದ ಕೆಳಗೆ ಹೊಳೆ ನೀರಿಗೆ ಹಾರಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಸಂಬಂಧ ಸ್ಥಳಕ್ಕೆ ಆಗಮಿಸಿರುವ ಕಾಪು ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ. ಯುವಕನಿಗಾಗಿ ಶೋಧ ಕಾರ್ಯ ನಡೆಸಿದ್ದು, ಈವರೆಗೆ ಯಾವುದೇ ಸುಳಿವು ಲಭ್ಯವಾಗಿಲ್ಲ.

Edited By :