MSME ವಲಯದ 6,000 ಕೋಟಿ ರೂ. ಯೋಜನೆಗೆ ಪ್ರಧಾನಿ ಮೋದಿ ಚಾಲನೆ
ನವದೆಹಲಿ: ಸಣ್ಣ ಉದ್ಯಮಿಗಳನ್ನು ಉತ್ತೇಜಿಸಲು ಕೇಂದ್ರ ಸರ್ಕಾರ ಅಗತ್ಯ ನೀತಿ ಬದಲಾವಣೆಗಳನ್ನು ಮಾಡಲು ಸಿದ್ಧವಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.
ನವದೆಹಲಿಯ ವಿಜ್ಞಾನ ಭವನದಲ್ಲಿ ಇಂದು (ಗುರುವಾರ) ನಡೆದ 'ಉದ್ಯೋಗಿ ಭಾರತ್' ಕಾರ್ಯಕ್ರಮದಲ್ಲಿ MSME ವಲಯಕ್ಕೆ ಈ ಭರವಸೆಯನ್ನು ನೀಡಿದ ಪ್ರಧಾನಿ ಮೋದಿ, ಸರ್ಕಾರದ 'ಆತ್ಮನಿರ್ಭರ ಭಾರತ್' ಉಪಕ್ರಮದಲ್ಲಿ ಎಂಎಸ್‌ಎಂಇ ವಲಯದ ಪಾತ್ರ ತುಂಬಾ ಪ್ರಮುಖವಾಗಿದೆ. 'ಉದ್ಯಮಿ ಭಾರತ' ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ ಮಾತನಾಡುತ್ತಿದ್ದರು. ಈ ಸಂದರ್ಭದಲ್ಲಿ ಸರ್ಕಾರಕ್ಕೆ ತಮ್ಮ ಸರಕುಗಳನ್ನು ಪೂರೈಸಲು ಉದ್ಯಮಿಗಳು ಜಿಇಎಂ ಪೋರ್ಟಲ್‌ನಲ್ಲಿ ತಮ್ಮ ಹೆಸರನ್ನು ಹೊಂದಾಯಿಸಿಕೊಳ್ಳಬೇಕು ಎಂದು ಅವರು ಆಹ್ವಾನಿಸಿದ್ದಾರೆ.
'18,000 ಎಂಎಸ್ಎಂಇಗಳಿಗೆ 500 ಕೋಟಿ ರೂ.ಗೂ ಹೆಚ್ಚು ಹಣವನ್ನ ಡಿಜಿಟಲ್ ರೂಪದಲ್ಲಿ ವರ್ಗಾಯಿಸಲಾಗಿದೆ. 200 ಕೋಟಿ ರೂ.ವರೆಗಿನ ಆದೇಶಗಳಿಗೆ, ಯಾವುದೇ ಜಾಗತಿಕ ಟೆಂಡರ್ ಕೈಗೊಳ್ಳಲಾಗುವುದಿಲ್ಲ. 200 ಕೋಟಿ ರೂ.ವರೆಗಿನ ಸರ್ಕಾರಿ ಖರೀದಿಯಲ್ಲಿ ಜಾಗತಿಕ ಟೆಂಡರ್ ನಡೆಸದಿರುವುದು ನಮ್ಮ ಸರ್ಕಾರದ ನಿರ್ಧಾರವಾಗಿದೆ. ಇದರಲ್ಲಿ, ನಿಮ್ಮ ಮೀಸಲಾತಿ ಒಂದು ರೀತಿಯಲ್ಲಿದೆ. 500 ಕೋಟಿ ರೂ.ವರೆಗಿನ ಸರ್ಕಾರಿ ಖರೀದಿಯಲ್ಲಿ ಸರ್ಕಾರವು ಜಾಗತಿಕ ಟೆಂಡರ್ ನಿಷೇಧಿಸಬೇಕು. ನೀವು ಏನನ್ನಾದರೂ ಮಾಡುವ ಮೂಲಕ ತೋರಿಸಬೇಕು ಎಂದು ಹೇಳಿದರು.
ಇದಕ್ಕೂ ಮೊದಲು, ಮೋದಿ ಅವರು 6,000 ಕೋಟಿ ರೂ.ಗಳ 'Rising and Accelerating MSME Performance' (RAMP) ಯೋಜನೆಗೆ ಚಾಲನೆ ನೀಡಿದ್ದಾರೆ ಮತ್ತು ಉತ್ಪನ್ನಗಳು ಮತ್ತು ಸೇವೆಗಳ ರಫ್ತುಗಳನ್ನು ಉತ್ತೇಜಿಸಲು ಎಂಎಸ್‌ಎಂಇ ರಫ್ತುದಾರರ (ಸಿಬಿಎಫ್‌ಟಿಇ) ಮೊದಲ ಸಾಮರ್ಥ್ಯದ ನಿರ್ಮಾಣ ಯೋಜನೆಯನ್ನು ಆರಂಭಿಸಿದ್ದಾರೆ.
PublicNext
30/06/2022 06:37 pm
ಸಂಬಂಧಿತ ಸುದ್ದಿ
LOADING...
