ಬಾಲಾಕೋಟ್ ಸ್ಟ್ರೈಕ್ : ದಾಳಿಗೂ ಮುನ್ನ ಚರ್ಚೆ ಹೇಗೆ ಸಾಧ್ಯ?..ತನಿಖೆಗೆ ವಿಪಕ್ಷಗಳ ಪಟ್ಟು
ನವದೆಹಲಿ : ಬಾಲಾಕೋಟ್ ದಾಳಿಗೂ ಮುನ್ನ ರಿಪಬ್ಲಿಕ್ ವಾಹಿನಿ ನಿರೂಪಕ ಅರ್ನಬ್ ಗೋಸ್ವಾಮಿ ಹಾಗೂ ಬಾರ್ಕ್ ಮಾಜಿ ಮುಖ್ಯಸ್ಥ ಪಾರ್ಥೋ ದಾಸ್ ಗುಪ್ತಾ ನಡುವೆ ನಡೆದಿರುವ ವಾಟ್ಸ್ ಆ್ಯಪ್ ಸಂಭಾಷಣೆ ಬಿಡುಗಡೆಯಾಗಿದೆ.
ಮುಂಬೈ ಪೊಲೀಸರು ಬಿಡುಗಡೆ ಮಾಡಿರುವ ವಾಟ್ಸ್ ಆ್ಯಪ್ ಸಂಭಾಷಣೆಯಲ್ಲಿ ಬಾಲಾಕೋಟ್ ದಾಳಿಯ ಬಗ್ಗೆ ಪ್ರಸ್ತಾಪವಾಗಿರುವುದಕ್ಕೆ ವಿರೋಧ ಪಕ್ಷಗಳು ಆಕ್ರೋಶ ವ್ಯಕ್ತ ಪಡಿಸಿವೆ. ಈ ಬಗ್ಗೆ ತನಿಖೆ ನಡೆಸಬೇಕು ಎಂದು ಒತ್ತಾಯಿಸಿವೆ.
ಬಾಲಾಕೋಟ್ ದಾಳಿಗೂ ಮುನ್ನ ಇವರಿಬ್ಬರ ಮಧ್ಯೆ ನಡೆದ ಸಂಭಾಷಣೆಯಲ್ಲಿ ದಾಳಿಯ ಬಗ್ಗೆ ಪ್ರಸ್ತಾಪವಾಗಿತ್ತು. ಏನೋ ಒಂದು ನಡೆಯಲಿದೆ. ಸಾಮಾನ್ಯ ದಾಳಿಗಿಂತ ದೊಡ್ಡದು ಎಂದು ಅರ್ನಾಬ್ ಗೋಸ್ವಾಮಿ ಹೇಳಿರುವುದು ವಾಟ್ಸ್ ಆ್ಯಪ್ ಸಂದೇಶದಲ್ಲಿದೆ.
ಅರ್ನಾಬ್ ಈ ಸಂದೇಶಕ್ಕೆ ಪ್ರತಿಕ್ರಿಯೆ ನೀಡಿರುವ ದಾಸ್ ಗುಪ್ತಾ, ದಾವೂದ್ ಬಗ್ಗೆಯಾ ಎಂದು ಪ್ರಶ್ನೆ ಮಾಡಿದ್ದಾರೆ. ಅಲ್ಲ, ಪಾಕಿಸ್ತಾನದ ವಿರುದ್ಧ. ಈ ಬಾರಿ ಏನೋ ದೊಡ್ಡದು ಸಂಭವಿಸಲಿದೆ ಎಂದು ಅರ್ನಾಬ್ ಹೇಳಿದ್ದಾರೆ. ಬಾಲಾಕೋಟ್ ದಾಳಿ ನಡೆದ ಮೂರು ದಿನಕ್ಕೂ ಮುನ್ನ ಈ ಸಂಭಾಷಣೆ ನಡೆದಿದೆ.
ಓರ್ವ ಪತ್ರಕರ್ತ ಹಾಗೂ ಆತನ ಸ್ನೇಹಿತನಿಗೆ ಬಾಲಾಕೋಟ್ ದಾಳಿ ನಡೆಯುವುದಕ್ಕೂ ಮುನ್ನ ಹೇಗೆ ಮಾಹಿತಿ ಸಿಕ್ಕಿತು? ಒಂದು ವೇಳೆ ಮುಂಚಿತವಾಗಿ ಮಾಹಿತಿ ಸಿಕ್ಕಿದ್ದರೇ, ಅದನ್ನು ಪಾಕಿಸ್ತಾನಲ್ಲಿರುವ ಗುಪ್ತಚಾರಿಗಳೇ ನೀಡಲಿಲ್ಲ ಎನ್ನುವುದರ ಬಗ್ಗೆ ಏನು ಖಾತರಿ ಇದೆ? ಎಂದು ಮಾಜಿ ಕೇಂದ್ರ ಸಚಿವ ಹಾಗೂ ಕಾಂಗ್ರೆಸ್ ನಾಯಕ ಚಿದಂಬರಂ ಪ್ರಶ್ನೆ ಮಾಡಿದ್ದಾರೆ.
ಅರ್ನಬ್ ಗೋಸ್ವಾಮಿಗೆ ಸರ್ಕಾರವೇ ಗುಪ್ತ ಮಾಹಿತಿಗಳನ್ನು ನೀಡಿದೆ. ಬಾಲಾಕೋಟ್ ದಾಳಿ ಹಾಗೂ ಕಾಶ್ಮೀರದ 370 ನೇ ವಿಧಿ ರದ್ದತಿ ಬಗ್ಗೆ ಅರ್ನಾಬ್ ಗೆ ಮಾಹಿತಿ ನೀಡಲಾಗಿದೆ. ಇದು ಅಧಿಕೃತ ಗುಪ್ತ ಮಾಹಿತಿ ಕಾಯ್ದೆಯ ಉಲ್ಲಂಘನೆ ಎಂದು ತೃಣಮೂಲ ಕಾಂಗ್ರೆಸ್ ಸಂಸದೆ ಮಹುವಾ ಮೊಯಿತ್ರಾ ಹೇಳಿದ್ದಾರೆ.
ಟಿವಿ ಚಾನೆಲ್ ಗೆ ನೀಡಲಾಗುವ ಟಿ.ಆರ್.ಪಿ ಹಗರಣದಲ್ಲಿ ಅರ್ನಾಬ್ ಅವರ ಹೆಸರು ಕೇಳಿ ಬಂದಿತ್ತು. ಈ ಪ್ರಕರಣ ಸಂಬಂಧ ತನಿಖೆಯಲ್ಲಿ ಈ ವಾಟ್ಸ್ ಆ್ಯಪ್ ಮಾಹಿತಿಗಳನ್ನು ಮುಂಬೈ ಪೊಲೀಸರು ಬಿಡುಗಡೆ ಮಾಡಿದ್ದಾರೆ. ದೇಶದ ಭದ್ರತಾ ವಿಷಯ ಇದಾಗಿರುವುದರಿಂದ, ಈ ಕುರಿತು ತನಿಖೆ ನಡೆಸಲು ಜಂಟಿ ಸದನ ಸಮಿತಿಯನ್ನು ರಚನೆ ಮಾಡುವಂತೆ ವಿಪಕ್ಷಗಳು ಒತ್ತಾಯ ಮಾಡಿವೆ.
PublicNext
18/01/2021 10:30 pm
ಸಂಬಂಧಿತ ಸುದ್ದಿ
LOADING...
