ದಾವಣಗೆರೆಯಲ್ಲಿ ಭಾನುವಾರವೂ ಎಂದಿನಂತೆ ಓಡಾಟ: ಹೊನ್ನಾಳಿಯಲ್ಲಿ ಪೊಲೀಸರೊಂದಿಗೆ ರೇಣುಕಾಚಾರ್ಯರಿಂದ ಜಾಗೃತಿ
ದಾವಣಗೆರೆ: ದಾವಣಗೆರೆ ಜಿಲ್ಲೆಯಾದ್ಯಂತ ಆದೇಶಿಸಲಾಗಿರುವ ವೀಕೆಂಡ್ ಕರ್ಫ್ಯೂಗೆ ಭಾನುವಾರವೂ ಸಹ ಹೇಳಿಕೊಳ್ಳುವಂತ ಪ್ರತಿಕ್ರಿಯೆ ವ್ಯಕ್ತವಾಗಿಲ್ಲ. ಜನರ ಓಡಾಟ ಎಂದಿನಂತಿದ್ದರೆ, ಅಲ್ಲಲ್ಲಿ ಅಂಗಡಿಗಳು ತೆರೆದಿದ್ದವು. ವಾಹನಗಳ ಓಡಾಟವೂ ಹೆಚ್ಚಾಗಿಯೇ ಇತ್ತು.
ಕೆಲವೆಡೆ ಮಾಸ್ಕ್ ಧರಿಸದೇ ಜನರು ಸಂಚಾರ ಮಾಡುತ್ತಿದ್ದದ್ದು ಕಂಡು ಬಂತು. ಚನ್ನಗಿರಿ, ಹೊನ್ನಾಳಿ, ದಾವಣಗೆರೆ, ಮಾಯಕೊಂಡ, ಜಗಳೂರು ಸೇರಿದಂತೆ ಎಲ್ಲಾ ಕಡೆಗಳಲ್ಲಿಯೂ ಸಂಚಾರ ಎಂದಿನಂತೆಯೇ ಇತ್ತು. ಬೇಕಾಬಿಟ್ಟಿಯಾಗಿ ಜನರು ಓಡಾಟ ದೃಶ್ಯ ಕಂಡು ಬಂತು.
ಹೊನ್ನಾಳಿ ಪಟ್ಟಣದಲ್ಲಿ ಸಿಎಂ ರಾಜಕೀಯ ಕಾರ್ಯದರ್ಶಿ ಎಂ. ಪಿ. ರೇಣುಕಾಚಾರ್ಯ ಅವರೇ ಖುದ್ದು ಪೊಲೀಸರ ಜೊತೆಗೆ ಫೀಲ್ಡ್ ಗೆ ಇಳಿದಿದ್ದರು. ಈ ವೇಳೆ ಪೊಲೀಸರು ಕೈಯಲ್ಲಿ ಲಾಠಿ ಹಿಡಿದುಕೊಂಡೇ ಜನರಲ್ಲಿ ಜಾಗೃತಿ ಮೂಡಿಸುವ ಪ್ರಯತ್ನ ಮಾಡಿದರು. ಇನ್ನು ಕೆ ಎಸ್ ಆರ್ ಟಿ ಸಿ ಬಸ್ ಗಳಲ್ಲಿ ಸಂಚಾರ ಮಾಡುತ್ತಿದ್ದ ಕೆಲವರು ಮಾಸ್ಕ್ ಧರಿಸಿರಲಿಲ್ಲ. ಈ ವೇಳೆ ರೇಣುಕಾಚಾರ್ಯ ಅವರು ಮಾಸ್ಕ್ ಧರಿಸುವಂತೆ ಮನವಿ ಮಾಡಿದರು.
PublicNext
09/01/2022 05:42 pm
ಸಂಬಂಧಿತ ಸುದ್ದಿ
LOADING...
