ಅಡ್ಯಾರ್: ಶಾಲಾ ಮಕ್ಕಳಿಗೆ ಪುಸ್ತಕ ವಿತರಣೆ; ಸಾಧಕರಿಗೆ ಗೌರವ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಅಡ್ಯಾರ್: ಶಾಲಾ ಮಕ್ಕಳಿಗೆ ಪುಸ್ತಕ ವಿತರಣೆ; ಸಾಧಕರಿಗೆ ಗೌರವ

ಮಂಗಳೂರು:ಭಾರತೀಯ ಜನತಾ ಪಾರ್ಟಿ ಅಡ್ಯಾರ್ ಪದವು ಶಕ್ತಿಕೇಂದ್ರದ 241ನೇ ಬೂತಿನಲ್ಲಿ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರ 8ನೇ ವರ್ಷ ಪೂರೈಸಿದ ಸವಿ ನೆನಪಿಗಾಗಿ ಶಾಸಕ ಡಾ.ಭರತ್ ಶೆಟ್ಟಿಯವರು ಸರಕಾರಿ ಶಾಲಾ ಮಕ್ಕಳಿಗೆ ಪುಸ್ತಕ ವಿತರಿಸಿದರು.

ಬಳಿಕ ಅಡ್ಯಾರ್ ಪದವು ವೃಕ್ಷರಾಜ ಸಭಾ ಭವನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಹಿರಿಯರಾದ ದಿನೇಶ್ ಅಡ್ಯಾರ್ ಪದವು, ಮೋಹನ್ ಸಾಲ್ಯಾನ್, ವಿಶೇಷ ರೀತಿಯಲ್ಲಿ ಸೇವೆಗೈದ ಸ್ಥಳೀಯ ಯುವಕರಾದ ನಾಗರಾಜ್ ಹಾಗೂ ಅಶ್ವಿನ್ ಸಾಲ್ಯಾನ್ ರವರನ್ನು ಶಾಸಕರು ಸನ್ಮಾನಿಸಿದರು.

ಉತ್ತರ ಮಂಡಲದ ಪ್ರಧಾನ ಕಾರ್ಯದರ್ಶಿ ಸಂದಿಪ್ ಪಚ್ಚನಾಡಿ, ನೀರುಮಾರ್ಗ ಮಹಾ ಶಕ್ತಿಕೇಂದ್ರದ ಅದ್ಯಕ್ಷರಾದ ಸಚಿನ್ ಹೆಗ್ಡೆ, ಅಡ್ಯಾರ್ ಪದವು ಶಕ್ತಿಕೇಂದ್ರದ ಪ್ರಮುಖರಾದ ಯಾದವ್ ಸಾಲ್ಯಾನ್, ಶಕ್ತಿಕೇಂದ್ರದ ಪ್ರಭಾರಿಗಳಾದ ಪ್ರಕಾಶ್ ಆಳ್ವ, ವೃಕ್ಷರಾಜ ಗ್ರಾಮೀಣಾಭಿವೃದ್ಧಿ ಕೇಂದ್ರದ ಅಧ್ಯಕ್ಷ ಮನೋಜ್ ಅಡ್ಯಾರ್ ಪದವು ಹಾಗೂ ಪ್ರಮುಖರು ಉಪಸ್ಥಿತರಿದ್ದರು.

Edited By :