ನಗ್ನ ಫೋಟೋಶೂಟ್‌ನಿಂದ ಆಪತ್ತು, ರಣವೀರ್ ವಿರುದ್ಧ FIR; ಪ್ರಾಬ್ಲಮ್‌ ಆಗುತ್ತೆಂದು ಗೊತ್ತಿರ್ಲಿಲ್ಲ ಪೊಲೀಸರ ಮುಂದೆ ಸಿಂಗ್ ಅಳಲು
ಮುಂಬೈ : ವಿವಾದಾತ್ಮಕ ನಗ್ನ ಫೋಟೋ ಶೂಟ್‌ನಿಂದಾಗಿ ರಣವೀರ್ ಸಿಂಗ್ ವಿರುದ್ಧ ಎಫ್‌ಐಆರ್ ದಾಖಲಾದ ನಂತರ ತಮ್ಮ ಹೇಳಿಕೆಯನ್ನು ದಾಖಲಿಸಲು ಸೋಮವಾರ ಮುಂಬೈ ಪೊಲೀಸ್ ಠಾಣೆಗೆ ಹಾಜರಾಗಿದ್ದರು. ಚೆಂಬೂರ್ ಪೊಲೀಸ್ ಠಾಣೆಯಲ್ಲಿ ಸುಮಾರು 2 ಗಂಟೆಗಳ ಕಾಲ ಅವರನ್ನು ವಿಚಾರಣೆ ನಡೆಸಲಾಯಿತು.
ವರದಿಯ ಪ್ರಕಾರ, ರಣವೀರ್ ಸಿಂಗ್ ನಗ್ನ ಫೋಟೋಗಳನ್ನ ಅಪ್ಲೋಡ್ ಮಾಡಿಲ್ಲ ಎಂದು ಹೇಳಿದ್ದಾರೆ ಎಂದು ಮೂಲಗಳು ಬಹಿರಂಗಪಡಿಸಿವೆ. ಈ ಫೋಟೋಗಳು ತನಗೆ ತೊಂದರೆಯನ್ನುಂಟು ಮಾಡುತ್ತವೆ ಅನ್ನೋದು ನನಗೆ ತಿಳಿದಿಲ್ಲ ಎಂದು ಅವ್ರು ಉಲ್ಲೇಖಿಸಿದ್ದಾರೆ. ಅದ್ರಂತೆ, ಮುಂಬೈ ಪೊಲೀಸರು ಬಾಲಿವುಡ್ ನಟ ರಣವೀರ್ ಸಿಂಗ್ ಭಾವ್ನಾನಿ ವಿರುದ್ಧ ಜುಲೈ 2022ರ ನಗ್ನತೆ ಮತ್ತು ಅಶ್ಲೀಲತೆ ಪ್ರಕರಣದಲ್ಲಿ ಅವರ ಹೇಳಿಕೆಯನ್ನ ಸೋಮವಾರ ದಾಖಲಿಸಿದ್ದಾರೆ.
ವಿದೇಶಿ ನಿಯತಕಾಲಿಕೆಯೊಂದರಲ್ಲಿ ನಗ್ನ ಫೋಟೋಗಳನ್ನ ಪ್ರಕಟಿಸಿದ ನಂತರ ಎನ್ಜಿವೋ ಮತ್ತು ಮಹಿಳಾ ಕಾರ್ಯಕರ್ತೆ ವೇದಿಕಾ ಚೌಬೆ ಅಶ್ಲೀಲತೆಯ ದೂರು ನೀಡಿದ್ದು, ಪೊಲೀಸರು ನಟನನ್ನ ವಿಚಾರಣೆಗಾಗಿ ಕರೆಸಿದ್ದರು. ಅಸಲಿಗೆ ರಣವೀರ್ ಸಿಂಗ್ ಈ ಫೋಟೋಗಳನ್ನ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡ ನಂತ್ರ ಭಾರಿ ಕೋಲಾಹಲ ಉಂಟಾಯಿತು.
ನಟ ರಣವೀರ್ ನಗ್ನ ಫೋಟೋಗಳನ್ನ ಪೇಪರ್ ನಿಯತಕಾಲಿಕವು ಪ್ರಸಾರ ಮಾಡಿದ್ದು, ನಂತ್ರ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡರು - ಇದು ರಾಷ್ಟ್ರೀಯ ವಿವಾದವನ್ನ ಹುಟ್ಟುಹಾಕಿತು. ಮುಂಬೈ ಪೊಲೀಸರ ತಂಡವು ಇಂದು ಬೆಳಿಗ್ಗೆ ನಟನನ್ನ ಎರಡು ಗಂಟೆಗಳ ಕಾಲ ವಿಚಾರಣೆಗೊಳಪಡಿಸಿತು.
ಲಾಭರಹಿತ ಸಂಸ್ಥೆಯ ಪದಾಧಿಕಾರಿಯೊಬ್ಬರು ನೀಡಿದ ದೂರಿನ ಆಧಾರದ ಮೇಲೆ ರಣವೀರ್ ಸಿಂಗ್ ವಿರುದ್ಧ ಕಳೆದ ತಿಂಗಳು ಚೆಂಬೂರ್ ಪೊಲೀಸ್ ಠಾಣೆಯಲ್ಲಿ ಪ್ರಥಮ ಮಾಹಿತಿ ವರದಿ ಎಫ್‌ಐಆರ್ ದಾಖಲಿಸಲಾಗಿದೆ. ನಟ ಸಾಮಾನ್ಯವಾಗಿ ಮಹಿಳೆಯರ ಭಾವನೆಗಳನ್ನ ನೋಯಿಸಿದ್ದಾರೆ ಮತ್ತು ಅವರ ಛಾಯಾಚಿತ್ರಗಳ ಮೂಲಕ ಅವರ ವಿನಯವನ್ನ ಅವಮಾನಿಸಿದ್ದಾರೆ' ಎಂದು ದೂರಿನಲ್ಲಿ ತಿಳಿಸಲಾಗಿದೆ.
PublicNext
31/08/2022 02:01 pm
ಸಂಬಂಧಿತ ಸುದ್ದಿ
LOADING...
