ಬೇಬಿ ಶ್ಯಾಮಿಲಿಯನ್ನು ನೆನಪಿಸಿದ ಅಲ್ಲು ಅರ್ಜುನ್ ಮಗಳು
90ರ ದಶಕದಲ್ಲಿ ದಕ್ಷಿಣ ಭಾರತ ಚಿತ್ರರಂಗದಲ್ಲಿ ಬಾಲನಟಿಯಾಗಿ ಬೇಬಿ ಶ್ಯಾಮಿಲಿ ಜನಪ್ರಿಯರಾಗಿದ್ದವರು. ತಮ್ಮ ಎರಡನೇ ವಯಸ್ಸಿಗೆ ಬಣ್ಣ ಹಚ್ಚಿ, ಮೂರನೇ ವಯಸ್ಸಿಗೆ ರಾಷ್ಟ್ರ ಪ್ರಶಸ್ತಿ ಪಡೆದ ಪ್ರತಿಭಾವಂತ ನಟಿ ಶ್ಯಾಮಿಲಿ. ಈಗ ಅವರು ನಾಯಕಿಯಾಗಿ 4-5 ಸಿನಿಮಾ ಮಾಡಿದ್ದಾರೆ. ಅಷ್ಟಕ್ಕೂ ಶ್ಯಾಮಿಲಿಯನ್ನು ನೆನಪು ಮಾಡಿಕೊಳ್ಳಲು ಕಾರಣ, ನಟ ಅಲ್ಲು ಅರ್ಜುನ್ ಪುತ್ರಿ ಅಲ್ಲು ಅರ್ಹಾ! ಇಂದು (ನ.21) ಅರ್ಹಾ ಹುಟ್ಟುಹಬ್ಬ. ಆ ಸಲುವಾಗಿ ಒಂದು ಕವರ್ ಸಾಂಗ್ ರಿಲೀಸ್ ಮಾಡಲಾಗಿದೆ. ಆ ಮೂಲಕ ಎಲ್ಲರಿಗೂ ಬೇಬಿ ಶ್ಯಾಮಿಲಿ ನೆನಪಾಗುವಂತೆ ಮಾಡಿದ್ದಾಳೆ ಅರ್ಹಾ!
1990ರಲ್ಲಿ ತೆರೆಕಂಡ ಸೂಪರ್ ಹಿಟ್ ಸಿನಿಮಾ 'ಅಂಜಲಿ'ಯಲ್ಲಿ ಬೇಬಿ ಶ್ಯಾಮಿಲಿ ನಟಿಸಿದ್ದರು. ಆಗಿನ್ನೂ ಅವರಿಗೆ ಬರೀ 3 ವರ್ಷ ವಯಸ್ಸು. ಆ ಚಿತ್ರದಲ್ಲಿ ಇದ್ದ 'ಅಂಜಲಿ ಅಂಜಲಿ..' ಹಾಡು ಎಲ್ಲರಿಗೂ ಇಷ್ಟವಾಗಿತ್ತು. ಇದೀಗ ಆ ಹಾಡಿನ ಕವರ್ ವರ್ಷನ್‌ನಲ್ಲಿ ಸೇಮ್‌ ಶ್ಯಾಮಿಲಿಯಂತೆ ಕಾಣಿಸಿಕೊಂಡು ಅಚ್ಚರಿ ಹುಟ್ಟಿಸಿದ್ದಾರೆ ಅರ್ಹಾ. ಇದನ್ನು ಮಗಳ 4ನೇ ವರ್ಷದ ಜನ್ಮದಿನಕ್ಕಾಗಿ ವಿಶೇಷವಾಗಿ ಶೂಟ್ ಮಾಡಿಸಿದ್ದಾರೆ ಅಲ್ಲು ಅರ್ಜುನ್. ಸದ್ಯ ಯೂಟ್ಯೂಬ್‌ನಲ್ಲಿ ಈ ಹಾಡನ್ನು ಹಂಚಿಕೊಳ್ಳಲಾಗಿದ್ದು, ಬಹಳ ಮೆಚ್ಚುಗೆ ಪಡೆದುಕೊಂಡಿದೆ.
PublicNext
21/11/2020 04:39 pm
ಸಂಬಂಧಿತ ಸುದ್ದಿ
LOADING...
