ಹುಬ್ಬಳ್ಳಿ: ಜಿತೋ ಪ್ರೀಮಿಯಮ್ ಲೀಗ್, ಸೆಫ್ರಾನ್ ಸ್ಟೈಕರ್ಸ್ ತಂಡ, ಶ್ರೀರಾಜ ವಾರಿಯರ್ಸ್‌‌ಗೆ ಫಸ್ಟ್ ಪ್ರೈಸ್‌
ಹುಬ್ಬಳ್ಳಿ: ಜೈನ್ ಅಂತರಾಷ್ಟ್ರೀಯ ವ್ಯಾಪಾರ ಸಂಸ್ಥೆ (ಜಿತೋ) ವತಿಯಿಂದ, ಹುಬ್ಬಳ್ಳಿಯ ಕೇಶ್ವಾಪುರ ಸ್ಪೋರ್ಟ್ಸ್ ಪಾರ್ಕ್‌ನಲ್ಲಿ 6ನೇ ಆವೃತ್ತಿಯ ಬಾಕ್ಸ್ ಕ್ರಿಕೆಟ್ ಲೀಗ್ ಟೂರ್ನಮೆಂಟ್ ಆಯೋಜಿಸಿದ್ದು, ಪುರುಷರ ತಂಡಗಳಲ್ಲಿ ಸೆಫರಾನ್ ಸ್ಟೈಕರ್ಸ್ ಮತ್ತು ಮಹಿಳೆಯರ ವಿಭಾಗದಲ್ಲಿ ಶ್ರೀರಾಜ ವಾರಿಯರ್ಸ್ ತಂಡ ಪ್ರಥಮ ಸ್ಥಾನ ಪಡೆದುಕೊಂಡಿವೆ.
ಈ ಟೂರ್ನಮೆಂಟ್ ನಲ್ಲಿ ಆರು ಮಹಿಳಾ ತಂಡಗಳು ಹಾಗೂ 12 ಪುರುಷರ ತಂಡಗಳು ಸೆಣಸಿದ್ದವು. ಒಟ್ಟು 120ಕ್ಕೂ ಹೆಚ್ಚು ಹರಾಜು ಪ್ರಕ್ರಿಯೆಯಿಂದ ಆಟಗಾರರನ್ನು ಆಯ್ಕೆ ಮಾಡಲಾಗಿತ್ತು. ಅಂತಿಮ ಪುರುಷರ ಪಂದ್ಯ ರೋಲೆಕ್ಸ್ ರಾಯಲ್ಸ್ ಮತ್ತು ಸೆಫರಾನ ಸ್ಟ್ರೈಕರ್ಸ್ ನಡುವೆ ರೋಮಾಂಚಕ ಪಂದ್ಯ ನಡೆಯಿತು. ಸೆಫರಾನ್ ಸ್ಟ್ರೈಕರ್ಸ್ ವಿಜೇತರಾದರು.
ಇನ್ನು ಮಹಿಳಾ ವಿಭಾಗದಲ್ಲಿ ಅಂತಿಮ ಪಂದ್ಯ ಶ್ರೀರಾಜ್ ವಾರಿಯರ್ಸ್ ಮತ್ತು ಪೀಜಿ ಕ್ವೀನ್ಸ್ ನಡುವೆ ನಡೆಯಿತು. ಪೀಜಿ ಕ್ವೀನ್ಸ್ ಮೊದಲ ಬ್ಯಾಟಿಂಗ್ ಮಾಡಿ 6 ಓವರ್ ನಲ್ಲಿ 24 ರನ್‌ಗಳನ್ನು ಗಳಿಸಿದರು. ಆದ್ರೆ ಶ್ರೀರಾಜ್ ವಾರಿಯರ್ಸ್ ನ ಕ್ಯಾಪ್ಟನ್ ಅನಮೋಲ್ ಜೈನ (ಲಕ್ಕಿ) ಕೇವಲ 8 ಬಾಲ್‌ಗಳಲ್ಲಿ 25 ರನ್‌ಗಳನ್ನು ಗಳಿಸಿದ್ದು, ಅದರಲ್ಲಿ ಭರ್ಜರಿಯಾಗಿ 4 ಸಿಕ್ಸರ್ ಹೊಡೆದು ಗೆಲುವು ಸಾಧಿಸಿದರು. ಪಂದ್ಯಾವಳಿಯಲ್ಲಿ ಕ್ಯಾಪ್ಟನ್ ಅನಮೋಲ ಜೈನ (ಲಕ್ಕಿ) ಶರಣಿ ಉತ್ತಮ ಬ್ಯಾಟಿಂಗ್ ಮಹಿಳೆ ಪ್ರಶಸ್ತಿಗೆ ಭಾಜನರಾದರು. ಅವರ ತಂಗಿ ತನಿಷ್ಕ್ ಜೈನ ಉತ್ತಮ ಬೌಲರ್‌ ಆಗಿ ಪ್ರಶಸ್ತಿ ಪಡೆದರು.
ಇನ್ನು ಪ್ರಶಸ್ತಿ ವಿತರಣೆಯ ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾದ, ಭಾರತಿ ನಂದಕುಮಾರ, ಸಂಕಲ್ಪ ಶೆಟ್ಟರ, ಧ್ರುವ ಚಂದ್ರ, ನಂದಕುಮಾರ, ಜಿತೋ ಅಧ್ಯಕ್ಷ ಅನಿಲಕುಮಾರ್ ಜೈನ್, ಮಹಿಳಾ ಅಧ್ಯಕ್ಷ ಗೀತಾ ಚೆಡಾ, ಕಾರ್ಯದರ್ಶಿ ಪ್ರವೀಣ ಚೌಧರಿ, ಮಾಜಿ ಅಧ್ಯಕ್ಷ ಭವರಲಾಲ್ ಸಿ.ಜೈನ್, ಸುರೇಶ ಜೈನ್, ಶರದ ಮೊಮಾಯಾ ರಾಜನ್ ಜೈನ್, ಅನ್ನೋಲ್ ಜೈನ್, ಅಕ್ಷಯ ಬಗ್ರೇಚಾ, ನಿರವ ಮೊಮಾಯಾ, ಯೋಗೇಶ ನಾಹಟಾ ಇತರರು ಇದ್ದರು.
ಹುಬ್ಬಳ್ಳಿ-ಧಾರವಾಡ ನೆಕ್ಸ್ಟ್
29/01/2025 02:55 pm
ಸಂಬಂಧಿತ ಸುದ್ದಿ
LOADING...
