ಮೊಳಕಾಲ್ಮುರು: ಗಣರಾಜ್ಯೋತ್ಸವದ ಸಂಭ್ರಮ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಮೊಳಕಾಲ್ಮುರು: ಗಣರಾಜ್ಯೋತ್ಸವದ ಸಂಭ್ರಮ

ಮೊಳಕಾಲ್ಮುರು: ಪಟ್ಟಣದ ಜ್ಯೂನಿಯರ್ ಕಾಲೇಜು ಆವರಣದಲ್ಲಿ ತಾಲೂಕು ಆಡಳಿತದಿಂದ 76ನೇ ಗಣರಾಜ್ಯೋತ್ಸವ ದಿನಾಚರಣೆ ಕಾರ್ಯಕ್ರಮ ನಡೆಯಿತು.

ಕಾರ್ಯಕ್ರಮದಲ್ಲಿ ಶಾಸಕ ಎನ್ ವೈ ಗೋಪಾಲಕೃಷ್ಣ ಮಾತನಾಡಿ, ಪ್ರಪಂಚವೇ ಸಮ್ಮತಿಸಿ ತಲೆತೂಗುವಂತೆ ಸರ್ವ ಧರ್ಮದವರಿಗೂ ಸಂವಿಧಾನ ರಚಿಸಿ ನಮಗೆ ನೀಡಿದ ಬಾಬಾ ಸಾಹೇಬ್ ಡಾ.ಅಂಬೇಡ್ಕರ್ ಅಭಿನಂದನೀಯರು. ದೇಶದ ಪ್ರಗತಿ ಹಾಗೂ ಅಭಿವೃದ್ಧಿಗೆ ಸಂವಿಧಾನವು ಪೂರಕವಾಗಿದ್ದು ಇದು ಭಗವದ್ಗೀತೆ ಸಮನಾಗಿದೆ. ಪ್ರತಿಯೊಬ್ಬರೂ ಸಂವಿಧಾನದ ಆಶಯಗಳನ್ನು ಅರಿತು ಬದುಕು ಕಟ್ಟಿಕೊಳ್ಳಬೇಕು ಎಂದರು.

ಕಾರ್ಯಕ್ರಮದಲ್ಲಿ ಪಟ್ಟಣ ವ್ಯಾಪ್ತಿಯ ನಾನಾ ಶಾಲೆಗಳ ವಿದ್ಯಾರ್ಥಿಗಳು ನಡೆಸಿಕೊಟ್ಟ ನೃತ್ಯ ರೂಪಕಗಳು ಗಮನ ಸೆಳೆದವು. ಕಾರ್ಯಕ್ರಮದಲ್ಲಿ ಪಪಂ ಅಧ್ಯಕ್ಷೆ ಲೀಲಾವತಿ, ತಹಸೀಲ್ದಾರ್ ಟಿ.ಜಗದೀಶ್, ತಾಪಂ ಇಒ ಎಚ್.ಹನುಮಂತಪ್ಪ, ಸಿಪಿಐ ವಸಂತ್ ವಿ.ಅಸೋದೆ. ಬಿಇಒ ಇ.ನಿರ್ಮಲಾದೇವಿ, ಕಸಾಪ ಅಧ್ಯಕ್ಷ ಜಿಂಕಾ ಶ್ರೀನಿವಾಸ್, ಪಪಂ ಮುಖ್ಯಾಧಿಕಾರಿ ಪಿ.ಪಾಲಯ್ಯ ಮುಖಂಡರಾದ ಎಸ್.ಖಾದರ್, ಎಂ.ಅಬ್ದುಲ್ಲಾ, ಜಿ.ಪ್ರಕಾಶ್, ವಿ.ಮಾರನಾಯಕ, ಪಾಪನಾಯಕ, ವಕೀಲರಾದ ಒ.ಮಂಜುನಾಥ ಸ್ವಾಮಿ, ಪಿ.ಜಿ.ವಂಸತ್, ಬಿ.ಎನ್.ಮಂಜಣ್ಣ, ಕೆರೆಕೊಂಡಾಪುರ ಪರಮೇಶ್, ದೇವದಾಸ್, ಒಬೇದುಲ್ಲಾ, ದೇವಯ್ಯ, ಪ್ರಾಚಾರ್ಯ ಗೋವಿಂದಪ್ಪ, ಬಡೋಬಯ್ಯ, ಸಮಾಜ ಕಲ್ಯಾಣ ಇಲಾಖಾಕಾರಿ ನಾಸೀರುದ್ದೀನ್, ಕೃಷಿ ಇಲಾಖೆ ಎಡಿ ಪ್ರಕಾಶ್ ಇದ್ದರು.

Edited By :