ಮೊಳಕಾಲ್ಮುರು: ಟ್ರ್ಯಾಕ್ಟರ್ ಲಾರಿ ಡಿಕ್ಕಿ - ಮಾನವೀಯತೆ ಮೆರೆದ ಪಿಎಸ್ಐ ಪಾಂಡುರಂಗಪ್ಪ
ಮೊಳಕಾಲ್ಮುರು: ರಾಷ್ಟ್ರೀಯ ಹೆದ್ದಾರಿಯಲ್ಲಿ ಗಿಡಗಳಿಗೆ ನೀರು ಹಾಕಲು ಹೋಗುತ್ತಿದ್ದ ಟ್ರ್ಯಾಕ್ಟರ್‌ಗೆ ಹಿಂಬದಿಯಿಂದ ಬಂದ ಲಾರಿಯೊಂದು ಡಿಕ್ಕಿ ಹೊಡೆದಿದೆ.
ರಾಯಾಪುರ ಗ್ರಾಮದಿಂದ ಕೆಳಗಳಹಟ್ಟಿ ಗ್ರಾಮದ ಕಡೆಗೆ ಹೋಗಲು ಚಾಲಕನು ಹಾನಗಲ್ ಫ್ಲೈ ಓವರ್ ಮೇಲೆ ಚಾಲನೆ ಮಾಡಿಕೊಂಡು ಹೋಗುತ್ತಿರುವಾಗ ಹಿಂಬದಿಯಿಂದ ಬಂದ ಲಾರಿಯೊಂದು ಟ್ರ್ಯಾಕ್ಟರ್‌ಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಟ್ರ್ಯಾಕ್ಟರ್ ಪಲ್ಟಿಯಾಗಿ ಜಖಂಗೊಂಡಿದೆ.
ಅಪಘಾತದಲ್ಲಿ ಟ್ರ್ಯಾಕ್ಟರ್‌ನಲ್ಲಿದ್ದ ರಾಹುಲಕುಂಟೆ ಗ್ರಾಮದ ವಿಶ್ವನಾಥ್ ಹಾಗೂ ಹಿರೇಹಳ್ಳಿ ಗ್ರಾಮದ ಪರಶುರಾಮ ಎಂಬಾತರಿಗೆ ಗಂಭೀರವಾಗಿ ಗಾಯಗೊಂಡು ರಸ್ತೆಯಲ್ಲಿ ನರಳಾಡುತ್ತಿದ್ದರು.
ಇದೇ ಹೆದ್ದಾರಿಯಲ್ಲಿ ಸಾಗುತ್ತಿದ್ದ ಮುಖಂಡರಾದ ಎಂ.ಡಿ ಮಂಜುನಾಥ್ ಅಪಘಾತ ಘಟನೆಯ ಬಗ್ಗೆ ಮೊಳಕಾಲ್ಮುರು ಪಿಎಸ್ಐ ಪಾಂಡುರಂಗಪ್ಪಗೆ ಮಾಹಿತಿ ನೀಡಿದ್ದಾರೆ. ಕೂಡಲೇ ಸ್ಥಳಕ್ಕೆ ಧಾವಿಸಿದ ಸಬ್ ಇನ್ಸ್ಪೆಕ್ಟರ್ ಪಾಂಡುರಂಗಪ್ಪ ಗಾಯಾಳುಗಳಿಗೆ ತ್ವರಿತವಾಗಿ ಚಿಕಿತ್ಸೆ ನೀಡುವ ಸಲುವಾಗಿ ಪೊಲೀಸ್ ಇಲಾಖೆಯ ಕಾರ್‌ನಲ್ಲಿಯೇ ಕರೆದೊಯ್ದು ಪಟ್ಟಣದ ಆಸ್ಪತ್ರೆಯಲ್ಲಿ ಅಗತ್ಯ ಚಿಕಿತ್ಸೆ ನೀಡಿ ಮಾನವೀಯತೆ ಮೆರೆದಿದ್ದಾರೆ. ಈ ಕುರಿತಾಗಿ ಪಟ್ಟಣದ ಪೊಲೀಸ್ ಠಾಣೆಯಲ್ಲಿ ಲಾರಿ ಚಾಲಕ ಸತ್ಯವೇಲು ವಿರುದ್ಧ ಪ್ರಕರಣ ದಾಖಲಾಗಿದೆ.
PublicNext
21/12/2024 07:46 pm
ಸಂಬಂಧಿತ ಸುದ್ದಿ
LOADING...
