ಕನಕದಾಸರ ವಚನ ಸಾಹಿತ್ಯ ಇಂದಿಗೂ ಪ್ರಸ್ತುತ:ಶಾಸಕ ಎನ್ ವೈ ಗೋಪಾಲಕೃಷ್ಣ
ಮೊಳಕಾಲ್ಮುರು : ಪಟ್ಟಣದ ತಾಲೂಕು ಆಡಳಿತ ಸೌಧ ಸಭಾಂಗಣದಲ್ಲಿ ತಾಲೂಕು ಆಡಳಿತ, ತಾಪಂ, ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ, ಪ.ಪಂಗಳ ಆಶ್ರಯದಲ್ಲಿ ಶ್ರೀ ಭಕ್ತ ಕನಕದಾಸರ ಜಯಂತಿ ಕಾರ್ಯಕ್ರಮ ನಡೆಯಿತು.
ಕಾರ್ಯಕ್ರಮದಲ್ಲಿ ಶಾಸಕ ಎನ್ ವೈ ಗೋಪಾಲಕೃಷ್ಣ ಮಾತನಾಡಿ,ಕನಕದಾಸರು ತಮ್ಮ ವಚನ ಸಾಹಿತ್ಯದ ಮೂಲಕ ತಿಳಿಸಿದ ವಿಷಯಗಳು ಎಂದಿಗೂ ಬದಲಾಗಲು ಸಾಧ್ಯವಿಲ್ಲ. ಮಹಾತ್ಮರು ತಮ್ಮ ನುಡಿಗಳ ಮೂಲಕ ಲೋಕದ ಸಂಕಷ್ಟ, ಸಮಸ್ಯೆಗಳನ್ನು ಅನಾವರಣ ಮಾಡಿ ಇವುಗಳನ್ನು ಬಗೆಹರಿಸಲಿಕೊಳ್ಳಲು ಅಮೂಲ್ಯ ಸಲಹೆಗಳನ್ನು ನೀಡಿದ್ದಾರೆ ಎಂದರು.
ಸಮಸಮಾಜ ನಿರ್ಮಿಸಲು ತನ್ನ ಕೀರ್ತನೆಗಳ ಮೂಲಕ ಮೊಟ್ಟ ಮೊದಲು ಧ್ವನಿ ಎತ್ತಿದ ಸಂತರಾಗಿದ್ದಾರೆ. ಕನಕದಾಸರ ಕರೆಗೆ ಶ್ರೀಕೃಷ್ಣ ದೇವರೇ ತಿರುಗಿ ನೋಡಿದ ವಿಷಯವು ಅನನ್ಯ ಭಕ್ತಿಗೆ ಸಾಕ್ಷಿಯಾಗಿದೆ ಎಂದರು.
ಕಾರ್ಯಕ್ರಮದಲ್ಲಿ ತಹಶೀಲ್ದಾರ್ ಟಿ.ಜಗದೀಶ್, ಕುರುಬ ಸಂಘದ ಅಧ್ಯಕ್ಷ ಜಿ.ಎನ್.ಜಗದೀಶ್, ಮಾಜಿ ಅಧ್ಯಕ್ಷ ಮೂರ್ತಿ ಮಾತನಾಡಿದರು.
ಕಾರ್ಯಕ್ರಮದಲ್ಲಿ ಬಿಇಒ ಇ.ನಿರ್ಮಲಾದೇವಿ, ಪಶು ಸಂಗೋಪನಾ ಇಲಾಖೆ ಎಇಇ ಡಾ.ಎಚ್.ರಂಗಪ್ಪ ಸೇರಿದಂತೆ ಹಲವರಿದ್ದರು.
Kshetra Samachara
18/11/2024 03:23 pm
ಸಂಬಂಧಿತ ಸುದ್ದಿ
LOADING...
