ಕೊಡಗು: ದುಬಾರೆ ಸಾಕಾನೆ ಶಿಬಿರಕ್ಕೆ ಸಂಸದ ಯದುವೀರ್ ಭೇಟಿ- ಮಾವುತರು, ಕಾವಾಡಿಗರ ಸಮಸ್ಯೆ ಆಲಿಕೆ
ಕೊಡಗು: ಸಾಕಾನೆ ಶಿಬಿರಗಳಲ್ಲಿ ಒಂದಾದ ದುಬಾರೆ ಸಾಕಾನೆ ಶಿಬಿರಕ್ಕೆ ಇಂದು ಕೊಡಗು- ಮೈಸೂರು ಸಂಸದ ಯದುವೀರ್ ಭೇಟಿ ನೀಡಿ ಮಾವುತರು ಹಾಗೂ ಕಾವಾಡಿಗರ ಸಮಸ್ಯೆಗಳನ್ನು ಅಲಿಸಿದರು.
ದುಬಾರೆ ಸಾಕಾನೆ ಶಿಬಿರದಲ್ಲಿರುವ ಮಾವುತ- ಕಾವಾಡಿಗರು ದುಬಾರೆಗೆ ಕಾವೇರಿ ನದಿಯಿಂದ ಬೋಟ್ ಮೂಲಕ ದುಬಾರೆಗೆ ತೆರಳಬೇಕಾದ ಪರಿಸ್ಥಿತಿ ಇರುವುದರಿಂದ ಸೇತುವೆ ಮಾಡಿಕೊಡುವಂತೆ ಮೈಸೂರಿನ ದಸರಾಕ್ಕೆ ಹೋಗಿರುವ ಸಂದರ್ಭದಲ್ಲಿ ಮನವಿ ಮಾಡಿದ ಮೇರೆಗೆ ಇಂದು ಸಾಕಾನೆ ಶಿಬಿರಕ್ಕೆ ಯದುವೀರ್ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ರು.
ಅಲ್ಲದೇ ಶಿಬಿರದಲ್ಲಿ ಕೆಲವರಿಗೆ ಮನೆ ನಿರ್ಮಾಣ ಹಾಗೂ ಹಕ್ಕುಪತ್ರದ ಬೇಡಿಕೆಯನ್ನು ಸಂಸದರ ಮುಂದೆ ಇಲ್ಲಿನ ನಿವಾಸಿಗಳು ಮನವಿ ಮಾಡಿದ್ರು. ಈ ಸಂದರ್ಭ ಯದುವೀರ್, ರಸ್ತೆಗಳು ಇತ್ಯಾದಿ ಮೂಲಭೂತ ಸೌಕರ್ಯಗಳು ಅತೀ ಅವಶ್ಯವಾಗಿದೆ. ಅದನ್ನು ಬಹಳ ವೇಗವಾಗಿ ಪರಿಹರಿಸುವ ಕೆಲಸ ಮಾಡುತ್ತೇವೆ ಎಂದರು.
ಕೊಡಗು ಜಿಲ್ಲೆಯ ಅಭಿವೃದ್ಧಿಗಾಗಿ ಕೇಂದ್ರ ಸರ್ಕಾರದ ಯೋಜನೆಗಳ ಮೂಲಕ ನಾವು ಶೀಘ್ರವಾಗಿ ಪರಿಹಾರ ತರುತ್ತೇವೆ. ರಾಜ್ಯ ಸರ್ಕಾರಕ್ಕೆ ಸಂಬಂಧಿಸಿದ ವಿಷಯಗಳನ್ನು ಅವರಿಗೆ ಸಂಬಂಧಪಟ್ಟ ಕರ್ತವ್ಯಗಳನ್ನು ಅವರೊಂದಿಗೆ ಸಂಪರ್ಕ ಮಾಡಿ ಜಿಲ್ಲೆಯ ಏಳಿಗೆಗೆ ಶ್ರಮಿಸುತ್ತೇವೆ ಎಂದು ತಿಳಿಸಿದ್ರು. ಇದೇ ಸಂದರ್ಭ ಶಿಬಿರದಲ್ಲಿ ಇರುವ ಸಾಕಾನೆಗಳಿಗೆ ಬೆಲ್ಲ- ಕಬ್ಬು ನೀಡಿ ಮೈಸೂರು ದಸರಾ ನೆನಪುಗಳನ್ನು ಮೆಲುಕು ಹಾಕಿದ್ರು.
PublicNext
16/11/2024 08:05 am
ಸಂಬಂಧಿತ ಸುದ್ದಿ
LOADING...
