ಮುಲ್ಕಿ : ಕಿಲ್ಪಾಡಿ ಪಂಚಾಯತ್ ಗೆ ಮಂಜೂರಾದ ನೂತನ ಸ್ಥಳ ಅತಿಕ್ರಮಣಕ್ಕೆ ಯತ್ನ ಆರೋಪ
ಮುಲ್ಕಿ : ಕಿಲ್ಪಾಡಿ ಗ್ರಾಮ ಪಂಚಾಯಿತಿಯ ಎರಡನೇ ಹಂತದ ಗ್ರಾಮ ಸಭೆ ಪಂಚಾಯತ್ ಅಧ್ಯಕ್ಷ ವಿಕಾಸ್ ಶೆಟ್ಟಿ ಅಧ್ಯಕ್ಷತೆಯಲ್ಲಿ ಪಂಚಾಯತ್ ಸಭಾಭವನದಲ್ಲಿ ನಡೆಸಲಾಯಿತು .
ಗ್ರಾಮ ಸಭೆಯಲ್ಲಿ ಪಂಚಾಯತಿಗೆ ಗುರುತಿಸಿದ್ದ ನೂತನ ಜಾಗ ಅತಿಕ್ರಮಣ, ಸ್ಥಗಿತಗೊಂಡಿರುವ ಪೊಲೀಸ್ ಬೀಟ್ ಸಭೆ, ಶಾಲಾ ಕಾಲೇಜು ಪರಿಸರದಲ್ಲಿ ಅಪ್ರಾಪ್ತರಿಂದ ಅಪಾಯಕಾರಿ ರೀತಿಯಲ್ಲಿ ವಾಹನ ಚಲಾಯಿಸುವಿಕೆ, ಕಿಲ್ಪಾಡಿ ಅಂಗನವಾಡಿಯಲ್ಲಿ ಶಿಕ್ಷಕರ ನೇಮಕಾತಿಯಾಗಿಲ್ಲ ಎಂಬ ವಿಷಯಗಳ ಬಗ್ಗೆ ಚರ್ಚೆ ನಡೆಯಿತು ಸಭೆಯಲ್ಲಿ ಮೊದಲಿಗೆ ಗ್ರಾಮಸ್ಥ ಶರೀಫ್ ಮಾತನಾಡಿ ಕಿಲ್ಪಾಡಿ ಅಂಗನವಾಡಿಗೆ ಕಳೆದ ಕೆಲ ವರ್ಷಗಳಿಂದ ಮುಖ್ಯ ಶಿಕ್ಷಕರ ನೇಮಕವಾಗಿಲ್ಲ. ಈ ಬಗ್ಗೆ ಅನೇಕ ಬಾರಿ ಸಭೆಯಲ್ಲಿ ತಿಳಿಸಿದರು ಪ್ರಯೋಜನವಾಗಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ಕಿಲ್ಪಾಡಿ ಪಂಚಾಯತ್ ನೂತನ ಕಟ್ಟಡಕ್ಕೆ ಅಂಗರಗುಡ್ಡೆ ಹೆದ್ದಾರಿ ಬಳಿ ಸ್ಥಳ ಮಂಜೂರಾಗಿದ್ದು ಕೆಲವರು ಅತಿಕ್ರಮಣಕ್ಕೆ ಪ್ರಯತ್ನಿಸುತ್ತಿದ್ದಾರೆ ಈ ಬಗ್ಗೆ ಪಂಚಾಯತ್ ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಗ್ರಾಮಸ್ಥರು ಆಗ್ರಹಿಸಿದರು.
PublicNext
24/01/2025 05:03 pm
ಸಂಬಂಧಿತ ಸುದ್ದಿ
LOADING...
