ಎಡಪದವು: ಮನೆಗೆ ಸಿಡಿಲು ಬಡಿದು ಅಪಾರ ಹಾನಿ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಎಡಪದವು: ಮನೆಗೆ ಸಿಡಿಲು ಬಡಿದು ಅಪಾರ ಹಾನಿ

ಬಜಪೆ:ಎಡಪದವು ಗ್ರಾಮ ಪಂಚಾಯತ್ ವ್ಯಾಪ್ತಿಯ ಪದ್ರೆoಗಿ ಸಮೀಪದ ಕುಂದೋಡಿ ಎಂಬಲ್ಲಿ ಮನೆಗೆ ಸಿಡಿಲು ಬಡಿದು ಹಾನಿಯಾದ ಘಟನೆ ನಡೆದಿದೆ.

ಕುಂದೋಡಿ ನಿವಾಸಿ ಮುಖೇಶ್ ಸನಿಲ್ ಎಂಬವರ ಹೆಂಚಿನ ಮನೆಗೆ ಸಿಡಿಲು ಬಡಿದಿದ್ದು,ಮನೆಯ ವಯರಿಂಗ್ ಮತ್ತು ಟಿವಿ ಸಹಿತ ಗ್ರಹ ಉಪಯೋಗಿ ಇಲೆಕ್ಟ್ರಾನಿಕ್ ವಸ್ತುಗಳು ಹಾಗೂ ಪೀಠೋಪಕರಣಗಳು ಸಂಪೂರ್ಣ ಸುಟ್ಟು ಭಸ್ಮವಾಗಿವೆ.ಮನೆಯ ಹೆಂಚಿನ ಛಾವಣಿ ಮತ್ತು ಸೀಲಿಂಗ್ ಗೆ ಹಾನಿಯಾಗಿದೆ. ಘಟನೆ ವೇಳೆ ಮಕ್ಕಳು ಪಕ್ಕದ ಮನೆಗೆ ತೆರಳಿದ್ದು, ಮಹಿಳೆಯೊಬ್ಬರು ಮನೆಯಲ್ಲಿದ್ದು ಅಪಾಯದಿಂದ ಪಾರಾಗಿದ್ದಾರೆ.

ಘಟನೆಯಿಂದ ಸುಮಾರು ಎರಡು ಲಕ್ಷ ನಷ್ಟ ಉಂಟಾಗಿದೆ ಎಂದು ಅಂದಾಜಿಸಲಾಗಿದೆ.ಹಾನಿಗೊಳಗಾದ ಮನೆಗೆ ಎಡಪದವು ಗ್ರಾಮ ಪಂಚಾಯತ್ ಅಧ್ಯಕ್ಷ ಸುಕುಮಾರ್ ದೇವಾಡಿಗ, ಪಿಡಿಓ ರಾಜೀವಿ.ಡಿ.ನಾಯ್ಕ್, ಸದಸ್ಯ ಗುಣಪಾಲ ನಾಯ್ಕ್, ಮಾಜಿ ಸದಸ್ಯ ಪುರಂದರ ನಾಯ್ಕ್ ಹಾಗೂ ಮತ್ತಿತರರು ಭೇಟಿ ನೀಡಿದ್ದರು.

Edited By :