ಪದವಿನಂಗಡಿ: ಮದ್ಯಪಾನಿ ಕಾರು ಚಾಲಕನಿಂದ ಅಪಘಾತ; ಟ್ರಾಫಿಕ್ ಪೊಲೀಸರಿಗೆ ತರಾಟೆ
ಮಂಗಳೂರು: ಮದ್ಯ ಸೇವಿಸಿ ವೇಗ ಹಾಗೂ ಅಜಾಗರೂಕತೆಯಿಂದ ಚಲಾಯಿಸಿದ ಪರಿಣಾಮ ಚಾಲಕನ ನಿಯಂತ್ರಣ ತಪ್ಪಿ ಅಂಗಡಿಯ ಅವರಣಗೋಡೆ ಹಾಗೂ ಎದುರಿನಿಂದ ಹೋಗುತ್ತಿದ್ದ ಕಾರಿಗೆ ಡಿಕ್ಕಿ ಹೊಡೆದ ಘಟನೆ ನಗರದ ಪದವಿನಂಗಡಿ ಬಳಿ ರಾತ್ರಿ ವೇಳೆ ನಡೆದಿದೆ.
ಅಪಘಾತದ ರಭಸಕ್ಕೆ ಎರಡೂ ಕಾರುಗಳು ಜಖಂಗೊಂಡಿವೆ. ಅಂಗಡಿಯಲ್ಲಿ ಗ್ರಾಹಕರು ಇಲ್ಲದೆ ಇದ್ದುದರಿಂದ ದೊಡ್ಡದೊಂದು ಅನಾಹುತ ತಪ್ಪಿದೆ.
ಅಪಘಾತ ನಡೆಸಿದ ಕಾರು ಚಾಲಕ ಮದ್ಯ ಸೇವಿಸಿ ಕಾರು ಚಲಾಯಿಸಿದ್ದು ಎಂದು ಒಪ್ಪಿಕೊಂಡಿದ್ದಾನೆ. ಈ ವೇಳೆ ಕಾರು ತಡೆದ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.
ಸ್ಥಳಕ್ಕೆ ಅಗಮಿಸಿದ ಸಂಚಾರಿ ಠಾಣಾ ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ. ಮದ್ಯ ಸೇವಿಸಿ ಅಪಘಾತ ನಡೆಸಿದ ವ್ಯಕ್ತಿಯನ್ನು
ತಪಾಸಣೆ ಮಾಡದಿರುವುದನ್ನು ಕಂಡು ಸ್ಥಳೀಯರು ಪೊಲೀಸರ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದರು.
ಬಳಿಕ ಅಪಘಾತಕ್ಕೊಳಗಾದ ಎರಡೂ ಕಾರಿನವರನ್ನು ಠಾಣೆಗೆ ಕರೆಸಿ ವಿಚಾರಣೆ ನಡೆಸಿದ್ದಾರೆ.
Kshetra Samachara
10/12/2020 07:50 am
ಸಂಬಂಧಿತ ಸುದ್ದಿ
LOADING...
