IND vs SA 3rd Test: ಮತ್ತೆ ವಿವಾದಕ್ಕೀಡಾದ ಡಿಆರ್ಎಸ್- ಕೊಹ್ಲಿ ಮಾತಿಗೆ ಕ್ರೀಡಾಪ್ರಿಯರ ಆಕ್ರೋಶ
ಕೇಪ್‌ಟೌನ್: ದಕ್ಷಿಣ ಆಫ್ರಿಕಾ ವಿರುದ್ಧದ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಭಾರತವು ಸೋಲಿನ ಸುಳಿಯಲ್ಲಿ ಸಿಲುಕಿದೆ. ಪಂದ್ಯದ ಫಲಿತಾಂಶದ ಹೊರತಾಗಿ 3ನೇ ದಿನ ಆನ್ ಫೀಲ್ಡ್ನಲ್ಲಿ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ನಡೆದುಕೊಂಡ ರೀತಿ ಹಾಟ್ ಸುದ್ದಿಯಾಗುತ್ತಿದೆ. ಇದು ಎಷ್ಟು ಸರಿ, ತಪ್ಪಾ? ಎನ್ನುವ ಪ್ರಶ್ನೆ ಹುಟ್ಟಿಸಿದೆ.
ಸರಣಿ ವಿಜೇತರನ್ನು ನಿರ್ಣಯಿಸುವ ಈ ಪಂದ್ಯವು ಅತ್ಯಂತ ಕುತೂಹಲ ಘಟ್ಟಕ್ಕೆ ತಲುಪಿದೆ. ಈ ನಡುವೆ ಡಿಸಿಷನ್ ರಿವ್ಯೂ ಸಿಸ್ಟಂ (ಡಿಆರ್ಎಸ್) ನಿಖರತೆ ಕುರಿತು ಮಗದೊಮ್ಮೆ ಅನುಮಾನಗಳು ಮೂಡಿ ಬಂದಿವೆ. ಮೂರನೇ ದಿನದಾಟದ ಅಂತಿಮ ಅವಧಿಯಲ್ಲಿ ಈ ಘಟನೆ ನಡೆದಿತ್ತು. 212 ರನ್‌ಗಳ ಗುರಿ ಹಿಂಬಾಲಿಸುತ್ತಿದ್ದ ದಕ್ಷಿಣ ಆಫ್ರಿಕಾ ದಿಟ್ಟ ಉತ್ತರವನ್ನೇ ನೀಡುತ್ತಿತ್ತು.
ದ್ವಿತೀಯ ಪಂದ್ಯದ ಹೀರೋ ದಕ್ಷಿಣ ಆಫ್ರಿಕಾದ ನಾಯಕ ಡೀನ್ ಎಲ್ಗರ್ ಮಗದೊಮ್ಮೆ ಕ್ರೀಸಿನಲ್ಲಿ ಬಂಡೆಕಲ್ಲಿನಂತೆ ನಿಂತಿದ್ದರು. 3ನೇ ದಿನದಾಟದ ಸೌತ್ ಆಫ್ರಿಕಾ 2ನೇ ಇನ್ನಿಂಗ್ಸ್ನ 21ನೇ ಓವರ್ನಲ್ಲಿ ನಡೆದ ಘಟನೆ ಚರ್ಚೆ ಹುಟ್ಟುಹಾಕಿದೆ. ಅಶ್ವಿನ್ ಎಸೆದ 21ನೇ ಓವರ್ನ 4 ಎಸೆತದಲ್ಲಿ ಆಫ್ರಿಕನ್ ನಾಯಕ ಡೀನ್ ಎಲ್ಗರ್ ಎಬಿ ಬಲೆಗೆ ಬೀಳುತ್ತಾರೆ. ಆನ್ ಫೀಲ್ಡ್ ಅಂಪೈಯರ್ ಮಾವ್ರೀಸ್ ಎರಾಸ್ಮಸ್ ಔಟ್ ಎಂದು ತೀರ್ಪನ್ನೂ ನೀಡುತ್ತಾರೆ. ಇದನ್ನ ಒಪ್ಪದ ಎಲ್ಗರ್ ಡಿಆರ್ಎಸ್ ತೆಗೆದುಕೊಳ್ಳುತ್ತಾರೆ.
ಲೈನ್ನಲ್ಲಿ ಬಿದ್ದ ಬಾಲ್ ಓವರ್ ದ ವಿಕೆಟ್ ಹಾದು ಹೋಗಿದ್ದು ಡಿಆರ್ಎಸ್ನಲ್ಲಿ ಕಂಡು ಬರುತ್ತೆ. ಹೀಗಾಗಿ 3ನೇ ಅಂಪೈರ್ ನಾಟ್ ಔಟ್ ಎಂದು ತೀರ್ಪು ನೀಡ್ತಾರೆ. ಎಲ್ಗರ್ ಮಂಡಿಯ ಕೆಳಗೆ ತಾಗಿದ ಚೆಂಡು ಅಷ್ಟು ಎತ್ತರಕ್ಕೆ ಹೋಗೋದ್ದನ್ನ ನೋಡಿ ಸ್ವತಃ ಆನ್ಪೀಲ್ಡ್ ಅಂಪೈರ್ ಎರಾಸ್ಮಸ್ ಕೂಡ ಆಶ್ಚರ್ಯಗೊಳ್ಳುತ್ತಾರೆ. ಈ ತೀರ್ಪು ಇಡೀ ಟೀಂ ಇಂಡಿಯಾದ ಆಕ್ರೋಶಕ್ಕೆ ಕಾರಣವಾಗುತ್ತೆ.
ಈ ವಿಚಾರದಲ್ಲಿ ಅಶ್ವಿನ್ ಹಾಗೂ ಕೆಎಲ್ ರಾಹುಲ್ ತಮ್ಮದೇ ಶೈಲಿಯಲ್ಲಿ ಅಸಮಾಧಾನ ಹೊರ ಹಾಕಿದ್ರೆ, ನಾಯಕ ವಿರಾಟ್ ಕೊಹ್ಲಿ ತುಸು ಹೆಚ್ಚೇ ಆಕ್ರೋಶಗೊಳ್ತಾರೆ. ಜೊತೆಗೆ ಸ್ಟಂಪ್ ಮೈಕ್ ಬಳಿ ಬಂದು ಸೂಪರ್ ಸ್ಪೋರ್ಟ್ಸ್ ಪ್ರೊಡಕ್ಷನ್ ಟೀಮ್ ವಿರುದ್ಧ ಖಾರವಾದ ಮಾತುಗಳನ್ನಾಡ್ತಾರೆ. ನಮ್ಮ ತಂಡದ್ದು ಮಾತ್ರವಲ್ಲ ನಿಮ್ಮ ಬೌಲರ್ಗಳೂ ಬಾಲ್ ಶೈನ್ ಮಾಡುವಾಗ ಅವರ ಮೇಲೂ ಪೋಕಸ್ ಮಾಡಿ ಎಂದು ಹೇಳ್ತಾರೆ. ಕೊಹ್ಲಿಯ ಈ ವರ್ತನೆಯೇ ಇದೀಗ ಪರ-ವಿರೋಧದ ಚರ್ಚೆಗೆ ಕಾರಣವಾಗಿದೆ.
PublicNext
14/01/2022 03:30 pm
ಸಂಬಂಧಿತ ಸುದ್ದಿ
LOADING...
